នៅថ្ងៃទី ២៣ ខែមករា ២០១៥ ក្រុមហ៊ុន i-Qlick ដែលជាតំណាងចែកចាយស្របច្បាប់ នូវផលិតផលម៉ាក Canon ប្រចាំព្រះរាជាណាចក្រកម្ពុជា បានរៀបចំនូវកម្មវិធី ពិពណ៌ផលិតផលម៉ាស៊ីនបោះពុម្ពម៉ាក Canon ជាមួយនឹងការតាំងបង្ហាញផលិតផល ថ្មីៗជាច្រើនប្រភេទសំរាប់អតិថិជន និងដៃគូអាជីវកម្ម រួមជាមួយការចូលរួមពីសំណាក់ស្ថាប័ន សារព័ត៌មាននានា។ ផលិតផល ថ្មីទាំង ២៣ ប្រភេទរួមមាន ម៉ាស៊ីនព្រីនប្រភេទ ឡាស៊ែរ, ម៉ាស៊ីនបោះពុម្ពខ្នាតធំ ម៉ាស៊ីនព្រីនប្រភេទប្រើទឹកថ្នាំ ម៉ាស៊ីនផ្តិតរូប តូចៗ និងម៉ាស៊ីនថតជាច្រើនម៉ូឌែលត្រូវបានដាក់បង្ហាញ ក្នុងកម្មវិធីដ៏អស្ចារ្យនេះ។
នេះជាលើកទីមួយហើយ ដែលក្រុមហ៊ុន i-Qlick បានរៀបចំនូវកម្មវិធីពិពណ៌ដ៏ធំសម្រាប់ អតិថិជនទូទៅ ដើម្បីស្វែងយល់ពី ដំនោះស្រាយការងារបោះពុម្ពសម្រាប់អាជីវកម្ម និងការផ្តិតរូបភាព និងត្រូវបានរៀបចំនៅក្នុងទីតាំងដ៏ធំទូលាយជាមួយការ ដាក់តាំងផលិតផលថ្មីៗចែកចេញជាបីផ្នែកគឺ ម៉ាស៊ីនព្រីនសម្រាប់អាជីវកម្ម ម៉ាស៊ីនបោះពុម្ពសម្រាប់ ការងារផលិតកម្ម និង ម៉ាស៊ីនផ្តិតរូបភាពសម្រាប់អ្នកថតរូប”។ ពិសេសលោកអ្នកក៏អាច ចូលរួមធ្វើការតេស្តសាកល្បង និងអាចពិនិត្យផ្ទាល់នូវគំរូ តាមទំហំផ្សេងៗ នៃរូបភាពបោះពុម្ព និងផ្តិតចេញពីសម្ភារៈប្លែកៗគ្រប់ប្រភេទ។
លោក Kevin Chua នាយកប្រចាំតំបន់ ផ្នែកផលិតផល និងទីផ្សារ បានកត់សំគាល់ថា ជាការពិតណាស់ ការបើកក្រុមហ៊ុន ជំហានដំបូង ពិតជាមានការលំបាកក្នុងការគ្រប់គ្រងលើដំណើរការនានា ពិសេសបញ្ហាថវិកាតិចតួច និងតម្រូវការផ្លាស់ប្តូរ ម៉ាស៊ីនព្រីនប្រើប្រាស់ចាស់ៗទៅថ្មីមានតម្លៃខ្ពស់ផងដែរ។ ជាមួយក្រុមហ៊ុន i-Qlick យើងយល់ពីផលវិបាកទាំងនេះ ហើយ យើងខ្ញុំសូមណែនាំនូវកញ្ចប់ផ្តល់ជូនពិសេសសម្រាប់អាជីវកម្មលោកអ្នក ។ លោកអ្នកនឹងទទួលបានម៉ាស៊ីនព្រីនបែបឡាស៊ែ ថ្មីស្រឡាងមួយគ្រឿងភ្លាម ដោយគ្រាន់ តែចុះកិច្ចសន្យាប្រើប្រាស់ម្សៅថ្នាំ (Toner) យ៉ាងហោចចំនួនមួយក្នុងមួយខែ។ លោក អ្នកអាចជ្រើសយកម៉ាស៊ីនទាំង ១០ ម៉ូឌែល តាមតម្រូវការ ហើយម្សៅថ្នាំមួយដប សម្រាប់ម៉ាស៊ីនព្រីនមុខងារធម្មតាមានតម្លៃ តិចជាង 70 ដុល្លាប៉ុណ្ណោះក្នុងមួយខែ។
លោក Kazuhiro Ozawa នាយកផ្នែកពាណិជ្ជកម្មលើបច្ចេកវិទ្យារូបភាព ក៏មានចំណាប់ អារម្មណ៍ផងដែរថាអាជីវកម្មគ្រប់ ប្រភេទ អាចធ្វើអោយប្រសិទ្ធិភាពការងារកាន់តែរហ័ស និងទទួលបានលទ្ធផលខ្ពស់ ជាមួយការចែករំលែកការ ប្រើប្រាស់ ម៉ាស៊ីនព្រីន ដែលមាន បណ្តាញភ្ជាប់របស់យើងខ្ញុំ។ ពិសេសយើងបានដាក់លក់នូវបណ្តាម៉ាស៊ីនព្រីនដំណើរ ការដោយប្រព័ន្ធ Wifi កាលពីប៉ុន្មានឆ្នាំចុងក្រោយនេះហើយទទួលបានការគាំទ្រ និងពេញនិយមប្រើប្រាស់លក្ខណៈរួមពិសេសក្នុងការិយាល័យ ដោយមិនចាំបាច់តភ្ជាប់ជាមួយបណ្តាញណិតវើកក៏បាន។ លោកបានបន្ថែមទៀតថា ដោយសារវិវត្តយ៉ាងឆាប់រហ័សនៃរបៀប ធ្វើការងារការិយាល័យយើសង្កេត ឃើញថា ប៉ុន្មានឆ្នាំចុងក្រោយនេះ ទីផ្សារកម្ពុជាក៏បានទទួលយកនូវបច្ចេកវិទ្យានៃសេវាកម្ម ពិសេសៗពីម៉ាស៊ីនព្រីន Canon ដែលរួមមាន សេវាកម្ម Google Cloud Print ដែលជាសេវាកម្មពិសេស ផ្តល់នូវការ ស្កេន និង ព្រីន ដោយផ្ទាល់ពីទូរស័ព្ទដៃ គ្រប់ទីកន្លែងដោយឥតខ្សែ។ បច្ចេកវិទ្យាពិសេសមួយ ទៀត គឺការសន្សំសំចៃភ្លើងអគ្គីសនីបាន ល្អ។ គ្រប់ម៉ាស៊ីនព្រីនមុខងារតែមួយរបស់ Canon សុទ្ធតែប្រើនូវ ដបម្សៅថ្នាំសន្សំថាមពលពិសេស (Energy Saving Fine Toner) ដែលជាប្រភេទដបម្សៅថ្នាំសុទ្ធ របស់ Canon សម្រាប់ការព្រីនបានទាន់ចិត្ត។ វាប្រើនូវកម្រិតកំដៅទាប ជាមួយល្បឿន រំលាយរហ័ស និងជះម្សៅថ្នាំជាប់ដិតល្អ។សារៈប្រយោជន៍ទាំងនេះ ជួយអោយម៉ាស៊ីនអាចសន្សំសំចៃអគ្គីសនីបានល្អនៅពេល មិន ប្រើប្រាស់ ហើយក៏កាត់បន្ថយរយៈពេលរង់ចាំ រវាងពេលមិនប្រើប្រាស់ និងពេលបញ្ជាព្រីន។
លោក Hiroshi Yokota មានប្រសាសន៍ផងដែរថា Canon គឺជាម៉ាកល្បីដែលផ្តល់នូវ ដំនោះស្រាយទាំងការថត និងការផ្តិតរូប ភាពរបស់លោកអ្នក។ Canon តែងតែយល់ពីតម្រូវការលោកអ្នក តាមរយៈការផ្តល់នូវសមត្ថភាពថត្រូបច្បាស់ប្រណិតជាមួយ ការ កែសំរួល រហូតដល់ការផ្តិតព្រីនចេញ។ នៅ Canon យើងផ្តល់នូវជម្រើសម៉ាស៊ីនព្រីនតម្លៃសមរម្យ មានប្រភេទទឹកថ្នាំ ៦ ពណ៌ ម៉ាក PIXMA iP8770 រហូតដល់ម៉ាស៊ីនព្រីនទំនើបម៉ាក PIXMA PRO-1 ដែលមាន ទឹកថ្នាំ ១២ ពណ៌ (ប្រភេទLUCIA pigment ink) ដែលជាជម្រើសសមស្របសម្រាប់អ្នកថតរូបនានា ទៅតាមតម្រូវការនៃការផ្តិតរូបភាពរបស់លោកអ្នក។ ពិពណ៌នេះ ក៏ប្រមូលផ្តុំនូវប្រភេទម៉ាស៊ីនថត Canon ចុងក្រោយ សម្រាប់លោកអ្នក សាក ល្បង ដែលរួមមាន ម៉ូឌែលថ្មី EOS 7D Mark II ព្រមជាមួយកាម៉េរាតូចៗដែលមានសមត្ថភាពហ្ស៊ូមអស្ចារ្យដល់ទៅ 65x ម៉ូឌែល PowerShot SX60 HS និង PowerShot G7x ។
