បួនខែបន្ទាប់ពីទទួលបានជោគជ័យនៃការចាប់ផ្តើមជាក្រុមហ៊ុនសេវាទូរសព្ទ័ដំបូងដែលចែកចាយសេវាធានារ៉ាប់រងជីវិត។ សេវាធានារ៉ាប់រងជីវិតរបស់ក្រុមហ៊ុន Smart ដែលធានាទិញបន្តដោយ Bima ឥឡូវនេះ បម្រើសេវាជូនដល់ក្រុមគ្រួសារច្រើនជាង 20.000 នាក់នៅកម្ពុជា។ ក្នុងនាមជាក្រុមហ៊ុនទូរស័ព្ទដំបូងនិងតែមួយគត់ចែកចាយសេវាធានារ៉ាប់រងជីវិត បច្ចុប្បន្ននេះ បានចែកចាយលើសពីការរំពឹងទុកយ៉ាងច្រើននៅក្នុងទីផ្សារ។ ហើយនេះ គឺជាលើកដំបូងនៅក្នុងស៊េរីនៃផលិតផលធានារ៉ាប់រងតាមរយះទូរស័ព្ទ ដែលអាចរកបានតាមរយៈភាពជាដៃគូដ៏រឹងមាំរវាងក្រុមហ៊ុន Smart និង Bima ដោយរួមគ្នាប្រកាន់ភាពជឿជាក់ជូនដល់អតិថិជនជាច្រើនជាមួយសេវាបម្រើល្អជាងមុនផ្តល់ជូននូវភាពច្នៃប្រឌិតនិងតំលៃសមរម្យនៃសន្តិសុខហិរញ្ញវត្ថុ។
នៅដើមខែធ្នូមានការសងធានារ៉ាប់រងជីវិតលើកដំបូងរបស់ក្រុមហ៊ុន Smart ទៅកាន់ក្រុមគ្រួសាររបស់បុរសវ័យក្មេងម្នាក់មានអាយុ 24 ឆ្នាំ។ Bima រក្សាកំណត់ត្រានិងសិក្សាពីករណីនោះយ៉ាងជាក់លាក់ ហើយដោះស្រាយត្រឹមតែ 3 ថ្ងៃបន្ទាប់ពីការដាក់ពាក្យស្នើជូនដល់អ្នកទទួលផល។ លោក ហៀង ប៊ុនហៃ ប្រធានផ្នែកបណ្តឹងទាមទារសំណងរបស់ក្រុមហ៊ុន Bima បានអធិប្បាយអោយដឹងថា Bima យល់ច្បាស់ពីតម្រូវការបន្ទាន់លើផ្នែកហិរញ្ញវត្ថុរបស់ក្រុមគ្រួសារ ក្នុងករណីអកុសលណាមួយ ជាពិសេសក្នុងករណីអកុសលដែលកើតឡើងចំពោះអ្នករកចំណូលរបស់គ្រួសារ។
នៅទូទាំងពិភពលោក ផលិតផលនានារបស់ Bima គឺតែងតែជាបទពិសោធលើកដំបូងរបស់អតិថិជនខ្លួនក្នុងការជ្រើសរើសសេវាធានារ៉ាប់រង ហើយជាមធ្យមមានអតិថិជនរបស់ខ្លួន 14% នៅក្នុងទីផ្សារក្នុងតំបន់ ដែលពីមុនធ្លាប់ជាវសេវាធានារ៉ាប់រងជាមួយក្រុមហ៊ុនផ្សេងទៀត។ ក្រុមហ៊ុន Bima បានសិក្សាមើលលើស្ថិតិមួយដែលស្រដៀងគ្នា សម្រាប់កម្ពុជា ហើយឥឡូវនេះ ក្រុមហ៊ុនមានអតិថិជនរហូតដល់ជាង 20.000 នាក់ ក្នុងរយះពេល 4 ខែ នេះជាលទ្ធផលនាំមុខគេលើសេវាធានារ៉ាប់រង របស់ខ្លួនក្នុងការប្រជ្រៀតចូលទីផ្សារព្រះរាជាណាចក្រកម្ពុជា។ ក្រៅពីការជាវសេវាធានារ៉ាប់រងតាមរយៈអ្នកប្រឹក្សាលក់របស់ Bima អតិថិជនក៏អាចជាវបានតាមរយះការចុចលេខកូដខ្លី *2248* 1# ឬទូរស័ព្ទមកកាន់ភ្នាក់ងារ Smart ឬទូរស័ព្ទមកសេវាអតិថិជន Bima 010 242 248 ។
ជាមួយនឹងការទទួលបានភាពជោគជ័យនៃសេវាធានារ៉ាប់រងជីវិតរបស់ក្រុមហ៊ុន Smart នេះគឺជាការរីកដុះដាលមួយដែលជំរុញអោយមានការច្នៃប្រឌិតថ្មីៗកាន់តែច្រើនជាងមុននៃផលិតផលធានារ៉ាប់រងតាមរយះទូរស័ព្ទដៃ ហើយគ្រប់គ្នានឹងទន្ទឹងរងចាំនូវភាពជាដៃរគូរផ្សេងទៀតក្នុងការបំរើអតិថិជន Smart ជាមួយសន្តិសុខហិរញ្ញវត្ថុប្រកបដោយភាពច្នៃប្រឌិតនិងមានតំលៃសមរម្យ ព្រមទាំងបង្កើនការជ្រៀតចូលសេវាធានារ៉ាប់រងក្នុងគោលបំណងធានាផ្នែកហិរញ្ញវត្ថុសំរាប់គ្រប់ក្រុមគ្រួសារកម្ពុជា។
ក្រុមហ៊ុន Smart Axiata Co., Ltd ជាក្រុមហ៊ុនទូរគមនាគមន៍ចល័តធំជាងគេទីពីររបស់ប្រទេសកម្ពុជាកំពុងបម្រើអតិថិជន 6 លាននាក់ស្ថិតក្រោម Smart brand។ នៅក្នុងខែមករាឆ្នាំ 2014 ក្រុមហ៊ុន Smart បានបើកដំណើរការបណ្តាញ 4G LTE របស់ខ្លួននិងក្លាយជាប្រតិបត្តិករទូរស័ព្ទចល័តលើកដំបូងនៅក្នុងប្រទេសកម្ពុជាដែលផ្តល់សេវា 4G។ ក្រុមហ៊ុន Smart ក៏បានផ្តល់នូវសេវាអ៊ិនធឺណិតតាមទូរស័ព្ទចល័ត 2G, 2.5G, 3G និង 3.75G ដើម្បីទ្រទ្រង់និងសេវាកម្មអ៊ិនធឺណិតទូរស័ព្ទដៃក៏ដូចជាសេវា Roaming អន្តជាតិ នៅទូទាំងជាង 150 ប្រទេស។ បណ្តាញគ្របដណ្តប់ទូទាំងប្រទេសយ៉ាងទូលំទូលាយគឺអាចរកបាននៅគ្រប់ខេត្តក្រុងចំនួន 25 ក្នុងប្រទេស កម្ពុជា។ កម្លាំងពលកម្មរបស់ក្រុមហ៊ុនមានជាង 800 នាក់ដែលរួមមានទាំងអ្នកជំនាញក្នុងស្រុកនិងបរទេស។ ក្រុមហ៊ុន Smart បានប្តេជ្ញាចិត្តដល់អតិថិជន បុគ្គលិក និងប្រជាជនកម្ពុជា ផ្តល់នូវការសន្យារបស់ខ្លួនក្នុងការធ្វើអោយមានភាពប្រសើរឡើងនូវជីវិតរបស់ពួកគេ។ "Smart ជិវិតរស់រវើក"។
Milvik (Bima) គឺជាក្រុមហ៊ុនផ្តល់សេវាកម្មធានារ៉ាប់រងខ្នាតតូចមួយដែលទទួលបានពានរង្វាន់មានទីស្នាក់ការនៅប្រទេសស៊ុយអែត។ ផលិតផលធានារ៉ាប់រង Milvik បានបម្រើដល់អតិថិជនជាង 10 លាននាក់នៅក្នុងប្រទេសចំនួន 12 នៅទូទាំងអាស៊ី អាហ្វ្រិកនិងអាមេរិកឡាទីន។ បេសកកម្មរបស់ក្រុមហ៊ុននេះគឺដើម្បីបង្កើនការជ្រៀតចូលការធានារ៉ាប់រងក្នុងទីផ្សារកំពុងអភិវឌ្ឍន៍ដោយផ្តល់ជូននូវផលិតផលទៅក្នុងទីផ្សារធានារ៉ាប់រងមានតម្លៃសមរម្យ។ Milvik (កម្ពុជា) ភីអិលស៊ី ជាក្រុមហ៊ុនធានារ៉ាប់រងខ្នាតតូចមានអាជ្ញាប័ណ្ណត្រឹមត្រូវដោយក្រសួងសេដ្ឋកិច្ចនិងហិរញ្ញវត្ថុនៃប្រទេសកម្ពុជា។
