ថ្ងៃទី ១៦ ខែមករា ឆ្នាំ ២០១៥ ក្រុមហ៊ុន Futureworld ដែលជាសមាជិកមួយនៃបណ្តាក្រុមហ៊ុនរបស់ Thakral Group និងជាអ្នក ឯកទេសក្នុងបណ្តាញលក់រាយផលិតផល Apple នៅក្នុងតំបន់អាស៊ីប៉ាស៊ីហ្វិក បានបើកសម្ភោធ ហាងទំនិញលំដាប់ខ្ពស់របស់ខ្លួននៅអគារវឌ្ឍនៈ រាជធានីភ្នំពេញ ប្រទេសកម្ពុជា។ ក្រុមហ៊ុនដែល មានមោទនភាពទៅលើសេវា និងឧត្តមភាពក្នុងតំបន់របស់ខ្លួនមួយនេះ បានពង្រីកខ្លួនចូលមកដល់ ប្រទេសកម្ពុជាហើយ។
ក្រុមហ៊ុន Futureworld គឺជាក្រុមហ៊ុនមានមូលដ្ឋាននៅប្រទេសសិង្ហបុរីមួយដែលមានហាងលក់ ផលិតផល Apple ទូទាំងទ្វីបអាស៊ី ដែលមានចំនួនសរុប ៣៥ទីតាំង ក្នុងបណ្តាប្រទេសចំនួន១០ រួមមាន ហុងកុង វៀតណាម ឥណ្ឌា ម៉ាឡេស៊ី នេប៉ាល់ ហ្វីលីពីន បង់ក្លាដេស្ស ស្រីលង្ការ មីយ៉ាន់ម៉ា។
ដោយស្ថិតនៅក្បែរបណ្តាហាងទំនិញ ភោជនីយដ្ឋាន និងការិយាល័យលំដាប់ខ្ពស់ជាច្រើនផ្សេង ទៀត នៅជាន់ក្រោមដីនៃអគារវឌ្ឍនៈដ៏ធំស្កឹមស្កៃ ហាងតាំងផលិតផលរបស់យើងខ្ញុំ នឹងផ្តល់ជូន នូវការរៀបចំដ៏ប្រសើរបំផុត ដែលរំលេចនូវផលិតផលរបស់ Apple គួបផ្សំនឹងសម្ភារប្រើប្រាស់ បន្ទាប់បន្សំលំដាប់ខ្ពស់ជាច្រើនដែលសុទ្ធសឹងតែជាម៉ាកសញ្ញាល្បីឈ្មោះជុំវិញសាកលលោក តាម រយៈនេះ យើងខ្ញុំផ្តល់ជូននូវបរិយាកាសបើកចំហ និងផ្តល់លទ្ធភាពអោយលោកអ្នកអាចពិនិត្យ មើលផលិតផលទាំងអស់យ៉ាងពេញលេញក្នុងពេលតែមួយ។
ពិធីបើកសម្ភោធនាថ្ងៃទី១៦ ខែមករា ឆ្នាំ២០១៥ នេះគឺជាសមិទ្ធិផលដ៏សំខាន់មួយសម្រាប់ក្រុមហ៊ុន Futureworld ព្រោះនេះគឺជាហាងទំនិញលំដាប់ខ្ពស់ទីមួយរបស់ខ្លួននៅប្រទេសកម្ពុជា ដែលជា ទីផ្សារមួយដែលបាន និងកំពុងមាននិន្នាការកើនឡើងជាបន្តបន្ទាប់។ ហាងទំនិញថ្មីនេះ មានគោល បំណងផ្តល់ជូនអតិថិជននូវឳកាសស្វែងយល់ និងសាកល្បងប្រើប្រាស់ផលិតផល និងដំណោះ ស្រាយច្នៃប្រឌិតថ្មីៗរបស់ Apple ដោយផ្ទាល់។ ក្រុមហ៊ុន Futureworld នឹងផ្តល់ជូននូវគ្រប់ផលិត- ផល Mac, iPad, iPhone និង iPod រួមជាមួយនឹងសម្ភារប្រើប្រាស់បន្ទាប់បន្សំដ៏សម្បូរបែបផងដែរ ដែលនឹងត្រូវបានដាក់តាំងបង្ហាញសម្រាប់ការពិនិត្យមើលយ៉ាងងាយស្រួល ប្រកបដោយផាសុកភាព។ ហាងទំនិញយើងខ្ញុំសូមធានាជូននូវបទពិសោធន៍ជាវទំនិញដ៏ពេញលេញ និងសេវាបម្រើ ដោយបុគ្គលិក ដែលបានឆ្លងកាត់ការបណ្តុះបណ្តាល និងទទួលបានវិញ្ញាបនប័ត្របញ្ជាក់ត្រឹមត្រូវ។
ក្រុមហ៊ុន Futureworld បានចាប់ផ្តើមបើកបម្រើជូនអតិថិជននៅប្រទេសកម្ពុជា ក្នុងក្របខ័ណ្ឌជា អ្នកមានសិទ្ធិលក់បន្ត (AAR) និងអ្នកមានសិទ្ធិផ្តល់សេវា Apple (AASP) នៅខេត្តសៀមរាបចាប់ តាំងពីឆ្នាំ២០០៨ មកម្លេះ។
នៅក្រុមហ៊ុន Futureworld អ្នកឯកទេសប្រកបដោយចំណេះដឹងនឹងរង់ចាំជួយដល់អតិថិជនក្នុងការ ស្វែងយល់អំពីរាល់ផលិតផលថ្មីៗរបស់ Apple។ បរិស្ថានផ្ទាល់នៅនេះផ្តល់ជូននូវឳកាសប្រើប្រាស់ សាកល្បងនូវគ្រប់ផលិតផលទាំងអស់ ហើយបុគ្គលិកដែលឆ្លងកាត់ការបណ្តុះបណ្តាលដោយ Apple នឹងផ្តល់ដំបូន្មានយ៉ាងសុក្រិត្យដល់អតិថិជនទូទៅ និងអតិថិជនដែលប្រើប្រាស់ជាលក្ខណៈ វិជ្ជាជីវៈ។ ហាងទំនិញលំដាប់ខ្ពស់របស់យើងខ្ញុំក៏មានផ្តល់ជូននូវការបង្ហាត់បង្ហាញ និងវគ្គបណ្តុះបណ្តាល ក្នុងហាងទំនិញផ្ទាល់ជាប្រចាំដើម្បីជួយដល់អតិថិជនក្នុងការទាញយក ផលចំណេញជាអតិបរមាពី ការជាវទំនិញរបស់ខ្លួនផងដែរ។
