កាលពីថ្ងៃទី១៥ ខែមករា ឆ្នាំ២០១៥ ក្រុមហ៊ុន Panasonic បានបើកសម្ពោធពិព័រណ៍ Solutions Expo នៅសណ្ឋាគារ សូហ្វីតែល ដើម្បីជាការបង្ហាញនូវការប្រមូលផ្តុំទ្រង់ទ្រាយធំបំផុតនៃបច្ចេកវិទ្យាថ្មី និង ផលិតផលអាជីវកម្ម-ទៅ-អតិថិជន (B2C) និងដំណោះស្រាយអាជីវកម្ម-ទៅ-អាជីវកម្ម (B2B) ពេញលេញទាំងស្រុងរបស់ក្រុមហ៊ុន សម្រាប់ទីផ្សារប្រទេសកម្ពុជា។ ពិព័រណ៍នេះមានស្តង់ប្រកបដោយបទពិសោធន៍ចំនួនប្រាំមួយ - ការផ្សព្វផ្សាយម៉ាកសញ្ញាសាជីវកម្ម ការស្នាក់នៅ និងដំណោះស្រាយថាមពល សណ្ឋាគារ ការអប់រំ និងហាងលក់ទំនិញ - ដើម្បីនាំមកនូវ “ជីវិតកាន់តែប្រសើរ ពិភពលោកកាន់តែប្រសើរ” សម្រាប់អតិថិជន និងដៃគូអាជីវកម្មនានា។
Junichiro Kitagawa នាយកចាត់ការទូទៅរបស់ក្រុមហ៊ុន Panasonic ប្រចាំតំបន់អាស៊ីប៉ាស៊ីហ្វិក បានមានប្រសាសន៍ថា “កំណើនសេដ្ឋកិច្ចពិតប្រាកដរបស់កម្ពុជា បានកើនឡើងប្រកបដោយស្ថិរភាព ក្នុងកម្រិតជាមធ្យមចំនួន ៧% ជាប្រចាំឆ្នាំ សម្រាប់រយៈពេលប្រាំពីរឆ្នាំចុងក្រោយនេះ។ នេះគឺជាសញ្ញាណវិជ្ជមានមួយនៃសក្តានុពលអភិវឌ្ឍន៍នាពេលអនាគតរបស់ខ្លួន។ ដោយសារប្រទេសនេះបន្តរីកចម្រើន ខ្ញុំមានជំនឿជឿជាក់ថា បច្ចេកវិទ្យាប្រកបដោយការច្នៃប្រឌិត ផលិតដែលមានគុណភាពខ្ពស់ និងដំណោះស្រាយចម្រុះរបស់ ក្រុមហ៊ុន Panasonic អាចគាំទ្រដល់កំណើននេះយ៉ាងមានប្រសិទ្ធភាព។ ជាទីផ្សារមួយក្នុងចំណោមទីផ្សារជាយុទ្ធសាស្ត្រទាំងបួនរបស់យើងនៅក្នុងតំបន់អាស៊ីប៉ាស៊ីហ្វិក ខ្ញុំព្យាករណ៍ទីផ្សារនេះថាជាកត្តារួមចំណែកដ៏សំខាន់មួយ ចំពោះគោលដៅលក់ជាសកលរបស់យើងចំនួន ១០លានលានយ៉េនជប៉ុន ត្រឹមឆ្នាំ២០១៨ ដែលជាខួបលើកទី១០០ របស់ក្រុមហ៊ុន”។
បន្ទប់តាំងបង្ហាញចម្រុះរបស់ក្រុមហ៊ុន Panasonic និងមជ្ឈមណ្ឌលសេវាកម្មថ្មី គឺជាផ្នែកមួយនៃយុទ្ធសាស្ត្រអាជីវកម្មរបស់ក្រុមហ៊ុនក្នុងការបង្កើនចំណុចទំនាក់ទំនងអតិថិជន ក្រុមហ៊ុន Panasonic នឹងបើកសម្ពោធបន្ទប់តាំងបង្ហាញចម្រុះ និងមជ្ឈ មណ្ឌលសេវាកម្ម នៅភ្នំពេញ ក្នុងខែឧសភា ឆ្នាំ២០១៥ ខាងមុខនេះ។ បន្ទប់តាំងបង្ហាញ និងមជ្ឈមណ្ឌលសេវាកម្មផ្តល់សេវាគាំទ្រក្រោយការលក់ និងបង្ហាញនូវការផ្តល់ជូន B2C និង B2B ពេញលេញរបស់ក្រុមហ៊ុនPanasonic។ ជ្រុងនៃគ្រឿងចម្អិនអាហារ និងសម្ផស្ស របស់ក្រុមហ៊ុន Panasonic អាចឲ្យអតិថិជនទទួលបានបទពិសោធន៍ផលិតផលមុនគេ។ មជ្ឈមណ្ឌល សេវាកម្មនៅសៀមរាប ក៏មានគម្រោងបើកសម្ពោធក្នុងខែឧសភា ឆ្នាំ២០១៥ ជាមួយនឹងការផ្តល់ជូនដូចគ្នាសេវាកម្មគាំទ្រ និងជុសជុល។
Hedehiko Kondo ប្រធានតំណាងរបស់ក្រុមហ៊ុន Panasonic ប្រចាំអាស៊ីប៉ាសីហ្វិក ការិយាល័យប្រចាំកម្ពុជា បានមានយោបល់ថា យើងនឹងសម្រេចបាន ‘ជីវិតកាន់តែប្រសើរ ពិភពលោកកាន់តែប្រសើរ’ សម្រាប់អតិថិជនកម្ពុជារបស់យើង តាមរយៈការរួមបញ្ចូលគ្នានៃផលិតផល B2C ផលិតផល B2B ព្រមទាំងសកម្មភាព CSR។ នៅពេលប្រទេសនេះអភិវឌ្ឍ ក្រុមហ៊ុន Panasonic នឹងផ្តោតលើការគាំទ្រតម្រូវការផ្នែកហេដ្ឋារចនាសម្ព័ន្ធរបស់កម្ពុជា មិនថាជាការដឹកជញ្ជូន សណ្ឋាគារ ការស្នាក់នៅ ឬពាណិជ្ជកម្មនោះទេ។ លើសពីនេះ យើងសង្ឃឹមថានឹងកែលម្អគុណភាពរស់នៅនៅក្នុងតំបន់ជនបទ តាមរយៈដំណោះស្រាយការបំភ្លឺ ដូចជា ប្រព័ន្ធបង្កើតថាមពលកកើតឡើងវិញ និងចង្កៀងប្រើពន្លឺព្រះអាទិត្យជាដើម។ ជាចុងក្រោយក្រុមហ៊ុន Panasonic មិនត្រឹមតែព្យាយាមកែសម្រួលផលិតផលដើម្បីបំពេញតាមតម្រូវការក្នុងស្រុកប៉ុណ្ណោះទេ ប៉ុន្តែថែមទាំងចម្លងគម្រោងជាសកលដែលជោគជ័យមកប្រើប្រាស់នៅទីនេះក្នុងប្រទេសកម្ពុជាផងដែរ”។
