នៅថ្ងៃទី ២៨ ខែកុម្ភៈ IDP Education បានរៀបចំឡើងនូវសន្និសីទ CamTESOL នៅវិទ្យាស្ថានបច្ចេកវិទ្យាកម្ពុជា ក្រោមអធិបតី ភាពរបស់ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា លោកជំទាវ Alison Burrows ឯកអគ្គរាជទូតនៃ ប្រទេសអូស្ត្រាលី និងលោកស្រី Julie Chung [អនុ]ប្រធានបេសកកម្មការទូតនៃស្ថានទូតអាមេរិក រូមជាមួយនឹងអ្នកចូលរួម ចំនួន ១,៦០០ នាក់ មកពីបណ្តាប្រទេសជាង ៣០។
ប្រធានបទសម្រាប់សន្និសីទឆ្នាំ២០១៥ នេះ គឺ ភាសាអង់គ្លេស កសាងជំនាញសម្រាប់កិច្ចសហប្រតិបត្តិការ និងបម្លាស់ទីក្នុង តំបន់ ដែលមានទំនាក់ទំនងពិសេសនៅក្នុងបរិបទនៃសហគមន៍អាស៊ាន ដែលនឹងចូលជាធរមាននៅឆ្នាំ២០១៥។ សន្និសីទ នេះ នឹងផ្តល់ឱកាសដល់អ្នកនិយាយភាសាអង់គ្លេស ចូលរួមក្នុងវិស័យសេដ្ឋកិច្ច នយោបាយ និងវប្បធម៌ ព្រមទាំងឆ្លើយតប ទៅនឹងភាពចាំបាច់នៃកំណើន ប្រជាប្រិយភាព និងភាពប៉ិនប្រសព្វនៃការប្រើប្រាស់ភាសាអង់គ្លេសនៅក្នុងតំបន់។
វាគ្មិនពេញអង្គដែលចូលរួមនៅក្នុងសន្និសីទ CamTESOL ប្រចាំឆ្នាំលើកទី ១១ រួមមាន បណ្ឌិត Willy A Renandya គ្រូបង្រៀន ជាន់ខ្ពស់ នៃនាយកដ្ឋាន ELT នៃវិទ្យាស្ថានជាតិអប់រំ ប្រទេសសឹង្ហបូរី លោក Dieter Bruhn ប្រធាន និងជាស្ថាបនិកនៃ One World Training នៃសហរដ្ឋអាមេរិក និងលោកស្រីបណ្ឌិត Anne Burns សាស្ត្រាចារ្យ TESOL នៃសាកលវិទ្យាល័យ New, South Wales នៃប្រទេសអូស្ត្រាលី។
វាគ្មិនតាមជំនាញដទៃទៀតរួមមាន បណ្ឌិត Wayne E. Wright សាស្ត្រាចារ្យផ្នែកអក្សរសាស្ត្រ និងភាសានៃសាកលវិទ្យាល័យ Purdue លោក ចាន់ វីរៈ បេក្ខជនបណ្ឌិតឯកទេសវប្បធម៌ អក្សរសាស្ត្រ និងភាសានៃសាកលវិទ្យាល័យ Texas សហរដ្ឋអាមេរិក, លោកស្រី Debora Flora Floris គ្រូបង្រៀនជាន់ខ្ពស់ផ្នែកភាសាអង់គ្លេស នៃសាកលវិទ្យាល័យ Petra Christian ប្រទេសឥណ្ឌូនេ ស៊ី និងសាស្ត្រាចារ្យរង បណ្ឌិត Stefanie Shamila Pillai ផ្នែកភាសាអង់គ្លេស មហាវិទ្យាល័យភាសា និងភាសាវិទ្យានៃសាកល វិទ្យាល័យ Malaya ប្រទេសម៉ាឡេស៊ី។
អ្នកជំនាញ ELT ប្រហែលជា ៥០០ នាក់ នឹងផ្តល់បទបង្ហាញជិត ៤០០ បទបង្ហាញនៅក្នុងកម្មវិធីសន្និសីទ រួមជាមួយនឹងបទ បង្ហាញបន្ថែមប្រហែលជា ៥០ ផ្សេងទៀត នៅក្នុងសន្និសីទស្រាវជ្រាវថ្នាក់តំបន់ ដែលត្រូវធ្វើឡើងនៅថ្ងៃសុក្រមុនកម្មវិធីនេះ មួយថ្ងៃ។ សន្និសីទនេះនឹងស្វាគមន៍ការចូលរួមរបស់អ្នកជំនាញ ELT សញ្ជាតិខ្មែរ ហើយពួកគេភាគច្រើនគឺជាគ្រូបង្រៀនកម្ម សិក្សាមកពីបណ្តាខេត្តនានា។
“សន្និសីទ CamTESOL ជួយយើងឱ្យចូលរួមសមាហរណកម្មជាមួយនឹងអ្នកជំនាញមកពីបរទេស” ថ្លែងដោយឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា។ ឯកឧត្តមបានបន្ថែមទៀតថា “ក្រសួងខិតខំប្រឹងប្រែងគាំទ្រដល់ឱកាសនៃ ការអភិវឌ្ឍជំនាញ ដើម្បីពង្រឹងគុណភាពគ្រូបង្រៀនភាសាអង់គ្លេស ដើម្បីឱ្យពួកគេអាចផ្តល់នូវការបង្រៀនភាសាស្របតាម ស្តង់ដាអន្តរជាតិ”។
Warwik Freeland ប្រធានផ្នែកយុទ្ធសាស្ត្ររបស់ IDP Education បានកត់សម្គាល់ថាសន្និសីទ CamTESOL ប្រចាំឆ្នាំ លើកទី ១១ នេះ ក៏ចំពេលជាមួយនឹងខួបលើកទី ៤៥ របស់ IDP Education ក្នុងការផ្តល់សេវាបញ្ចូនសិស្សនិងនិសិស្សទៅសិក្សានៅបរទេស និងខួបទី ២៥ នៃការបង្កើតឱ្យមានការធ្វើតេស្ត IELTS ផងដែរ។ គាត់បានមានប្រសាសន៍ថា “ខ្ញុំយល់ច្បាស់ពីតួនាទីដ៏សំខាន់ របស់គ្រូបង្រៀនទាំងអស់ក្នុងការជួយឲ្យសិស្សរៀនភាសាអង់គ្លេសដោយជោគជ័យ ដើម្បីជួយពួកគេឱ្យសម្រេចសុបិនរបស់ ពួកគេ”។
លោក ម៉ៅ ស្រេង ស្ថាបនិកសន្និសីទ និងអគ្គនាយក IDP Education ប្រចាំនៅកម្ពុជាបានមានប្រសាសន៍ថា សន្និសីទ CamTESOL បានធ្វើឱ្យកម្ពុជាក្លាយជាចំណុចប្រសព្វយ៉ាងសំខាន់បំផុតមួយនៅក្នុងតំបន់ និងនៅលើឆាកអន្តរជាតិ សម្រាប់ការបង្រៀនភាសាអង់គ្លេស ការសិក្សា និងស្រាវជ្រាវ និងការផ្សព្វផ្សាយពត៌មាន ស្តីពីការអនុវត្តដ៏ល្អបំផុតក្នុងការបង្រៀន ភាសាអង់គ្លេស (ELT)” ។ លោកបានបន្ថែមថា “CamTESOL បានពង្រឹងទំនាក់ទំនងរវាងសហគមន៍ ELT នៅអាស៊ីអាគ្នេយ៍ និង អន្តរជាតិ ហើយទទួលបានការគាំទ្រពីស្ថាប័ន និងសារជីវកម្មក្នុងវិស័យអប់រំល្បីៗនៅទូទាំងសកលលោក។