បន្ទាប់ពីការធ្វើការប្រកាសចេញជាផ្លូវការនៅក្នុងកម្មវិធី CES 2015 នៅ Las Vegas សហរដ្ឋអាមេរិក កាលពីខែមុន ឥឡូវនេះ Huawei Honor 6 Plus ត្រូវបានក្រុមហ៊ុន Huawei ប្រចាំនៅព្រះរាជាណាចក្រកម្ពុជា បញ្ជាក់អោយដឹងថា ស្មាតហ្វូនថ្មីនេះ នឹងមានចេញលក់នៅលើទីផ្សារព្រះជាណាចក្រកម្ពុជា នៅក្នុងពេលឆាប់ៗនេះហើយ។
សូមបញ្ជាក់ថារូបរាងរបស់ Huawei Honor 6 Plus មើលទៅមានភាពសាមញ្ញ តែបង្កប់ដោយសោភ័ណ្ឌភាពដោយភាពទាក់ទាញខ្ពស់ ឬអាចប្រៀបទៅនឹងនារី ដែលមានសម្រស់ស្រស់ ស្អាតពីធម្មជាតិ ដោយមិនចាំបាច់ថែម ក្រែម ម្សៅនោះទេ។ ចំពោះពណ៌វិញ វាមានពីរពណ៌សំរាប់ធ្វើការជ្រើសរើសគឺ ខ្មៅ សនិងព័ណទឹកមាស។ ចំពោះទម្ងន់ ឃើញថា ស្រាលស្រួលកាន់ (ត្រឹម 165 ក្រាម) ហើយកម្រ៉ាស់ទៀតសោតគឺស្តើងត្រឹមតែ 7.5 មម តែប៉ុណ្ណោះ។
Huawei Honor 6 Plus មានអេក្រង់ទំហំរហូតដល់ទៅ 5.5 អីុង ផ្តល់ភាពងាយស្រួលដល់អ្នកប្រើប្រាស់ក្នុងការបើកមើលអីុនធើណែត, លេងហ្គេម ឬមើល វីដអូជាដើម។ ចំពោះរីសូលូស្សិន រូបភាពវិញ វាអាចទ្រទ្រង់បានរហូតដល់ទៅ 1080 x 1920 ភិចសែល ជាមួយនឹងកំរិតដង់ស៊ីតេរូបភាពចំនួនខ្ពស់គួរសម 401 PPI។ សំរាប់អ្នកដែលចូលចិត្តការថតរូប ប្រាកដជាពេញចិត្តពេញថ្លើមជាមួយនឹងស្មាតហ្វូន Huawei Honor 6 Plus ថ្មីនេះ េនះជាក់ ជាមិនខាន ព្រោះអីវាត្រូវបានគេបំពាក់មកជាមួយនូវកាមេរា៉មានចំនួនរហូតដល់ទៅ 2 ដែលមានទំហំ 8 មេហ្គាភិចសែលទាំងពីរ រួមជាមួយនឹងហ្លាស LED ដល់ទៅពីរគ្រាប់សំរាប់សំរួលដល់ការថតក្នុងពេលខ្វះពន្លឺអោយកាន់តែប្រសើរឡើង។ ដោយឡែក កាមេរា៉វីដេអូវិញ គឺអាចមានលទ្ធភាពថតបាន ត្រឹម Full HD 1080P ។
Huawei Honor 6 Plus ថ្មីេនះ ត្រូវបានក្រុមហ៊ុន Huawei បំពាក់ដោយបន្ទះឈីប HiSilicon Kirin 925 ដែលឈីបនេះ រួមមាននូវអង្គគណនា Cortex A15 Quad Core និង Cortex A7 Quad Core ។ ក្រៅពីេនះ វានៅមានអង្គក្រាហ្វិក ប្រភេទ Mali T628 និងអង្គចងចាំ RAM ទំហំ 3 GB។ ហើយមិន ត្រឹមតែបំពាក់ដោយបច្ចេកវិទ្យាខ្ពស់សំបូរបែបនោះទេ វាថែមទាំងជាស្មាតហ្វូន ដែលអាចទ្រទ្រង់បានសីុមកាតរហូតដល់ទៅ 2 សក្តិសមនឹង អ្នកប្រើប្រាស់ក្នុងស្រុកយើងដែលនិយមប្រើលេខទូរស័ព្ទច្រើនប្រព័ន្ធ។
លក្ខណៈសម្បត្តិសំខាន់ៗ
ប្រព័ន្ធបណ្តាញៈ្ GSM / HSPA / LTE
សីុមកាតៈ Dual SIM (Micro-SIM/Nano-SIM, dual stand-by, dual call)
វិមាត្រៈ 150.5 x 75.7 x 7.5 មម
ទង្ងន់ៈ 165 ក្រាម
អេក្រង់ៈ 5.5 អីុង IPS LCD Capacitive Touch Screen 1080 x 1920 Pixel, 401 PPI
កាមេរា៉ថតរូបៈ 13 MP Auto Focus, Dual LED Flash
កាមេរា៉ថតវីដេអូៈ 1080P@30FP
បន្ទះឈីបៈ HiSilicon Kirin 925
អង្គគណនាៈ Cortex A15 Quad Core -Cortex A7 Quad Core
អង្គក្រាហ្វិកៈ Mali T628 MP4
អង្គចងចាំៈ 3 GB RAM
ទំហំផ្ទុកៈ 16 / 32 GB
ការតភ្ជាប់ៈ WiFi, Bluetooth 4.0, NFC, USB
ថ្មៈ Non-removable Li-Po battery 3600 mAh
ប្រព័ន្ធប្រតិបត្តិការៈ Android Kit Kat 4.4.2
