អ្វីដែលលោកអ្នកកំពុងតែទន្ទឹងរងចាំនូវទូរស័ព្ទស្មាតហ្វូនដំបូងរបស់ក្រុមហ៊ុន Microsoft។ Microsoft Lumia 535 គឺជាទូរស័ព្ទស្មាតហ្វូនដែលដំណើរការដោយ Window Phone ជំនាន់ចុងក្រោយគឺ 8.1 និងមានទាំងម៉ូដែលសីុមមួយនិងសីុមពីរ។ ហើយពេលនេះលោកអ្នកនឹងទទួលបាននូវចំណេះដឹងថ្មីពីស្មាតហ្វូនមួយនេះ ចង់ដឹងថា តើស្មាតហ្វូនសេ៊រីថ្មីមួយមានលក្ខណះសម្បត្តិអ្វីខ្លះសម្រាប់ប្រើប្រាស់ អ៊ីចឹងសូមអានបន្តជាមួយយើងទាំងអស់គ្នា។
ដោយសារស្មាតហ្វូនម៉ូដែលថ្មីនេះ ្រតូវបានបំបែកមកពីខ្សែស្រឡាយ Lumia របស់ Nokia ហើយពេលនេះ វាបានបង្ហាញខ្លួនដោយមានឈ្មោះថា Microsoft Lumia 535 ដែលវាជាកំពួលស្មាតហ្វូនដំបូងរបស់ Microsoft ដោយត្រូវបានរចនារូបរាងប្រកបដោយភាពទាក់ទាញនិងទាន់សម័យបំផុត។ អ្វីដែលពិសេសគឺវាមានច្រើនពណ៌សម្រាប់បំពេញតម្រូវការរបស់អ្នកប្រើប្រាស់ដូចជា ពណ៌ខ្មៅ ស ស្លាទុំ ខៀវ បៃតង និងពណ៌ប្រផេះ ហើយនៅក្នុងដៃខ្ញុំបាទនេះគឺពណ៌ស្លាទុំ ដែលមើលទៅគឺមានភាពស្រស់ឆើតឆាយតែម្តង។ រូបរាងទាំងមូលរចនាជា Unibody តែអាចដោះសំបកខាងក្រោយចេញបាន។ តើមានអ្វីខ្លះនៅលើរូបរាងខាងក្រៅ? គឺមាន! ដោយសំបកខាងក្រោយមានកាេមរ៉ា អមដោយអំពួលហ្លាស លោគោនិងអក្សរ Microsoft និងឧបាល័របំពងសម្លេងនៅចុងខាងក្រោម។ ខាងមុខបង្ហាញនូវផ្ទៃខាងក្រង់ខ្មៅរលើបរលោង ខាងលើអេក្រង់មាន កាមេរ៉ាមុខ ស៊ែនស័រ និងអក្សរ Microsoft រីឯប៊ូតុងទាំងបីគឺនៅជាប់នឹងអេក្រង់តែម្តង។ ចំណែកឯប៊ូតុងចុចបញ្ជាខាងក្រៅគឺមានប៊ូតុងឡើងចុះសម្លេង និងប៊ូតុងចាក់សោនិងបិតបើកទូរស័ព្ទនៅផ្នែកខាងស្តាំ ខាងឆ្វេងមិនមានអ្វីទេ ខាងលើមានរន្ធដោតកាស ហើយខាងក្រោមមានរន្ធ USB សម្រាប់ចម្លងទិន្នន័យនិងសាកថ្មទូរស័ព្ទ។
និយាយពីអេក្រង់វីញម្តង Lumia 535 គឺបំពាក់មកជាមួយអេក្រង់ទំហំ 5.0 អីុង IPS LCD ដែលមានសមត្ថភាពឲ្យលោកអ្នកប្រើប្រាស់ការប៉ះថាច់បានយ៉ាងរលូន ជាពិេសស អាចប្រើប្រាស់នៅខាងបន្លឺព្រះអាទិត្យបានយ៉ាងច្បាស់ថែមទៀតផង ដោយវាប្រើប្រាស់នូវអង្គក្រហ្វិចប្រភេទ Adreno 302។ ដូច្នេះ ជាមួយនឹងអេក្រង់ដ៏ធំទូលាយនេះ អាចធ្វើឲ្យរាល់ការបំពេញកិច្ចការងារ និងការកម្សាន្តផ្សេងៗដូចជា ទស្សនាវីដេអូ តាមដានព័ត៌មានតាមអិុនធើណិត និងការលេងហ្គេមកម្សាន្តជាដើម។
.jpg)
អ្វីដែលពិសេសនោះ គឺបានមកដល់ហើយ ជាធម្មតាម៉ូដែលមុនៗមានកាមេរ៉ាក្រោយតែងតែធំជាងខាងមុខ តែសម្រាប់ Lumia 535 គឺមានកាមេរ៉ាខាងមុខនិងខាងក្រោយមានទំហំស្មើគ្នាតែម្តង។ ស្មាតហ្វូនស៊េរីថ្មីមួយនេះត្រូវបានបំពាក់កាមេរ៉ាខាងមុខនិងខាងក្រោយទំហំ 5 មេហ្គាភិចសែល មានសមត្ថភាពក្នុងការចាប់ើយករូបភាពសន្លឹក និងវីដេអូបានយ៉ាងច្បាស់ត្រជាក់ភ្នែកតែម្តង។ មិនតែប៉ុណ្ណោះយើងក៏ឃើញមានកម្មវិធីកាមេរ៉ាក៏ដូចជាមុខងារសម្រាប់ចាប់យករូបភាពបានកាន់តែអស្ចារ្យថែមទៀត.
ការដំណើរការមុខងារ និងកម្មវិធីផ្សេងៗរបស់ Lumia 535 បានយ៉ាងរហ័សទាន់ចិត្ត និងកាន់តែមានភាពជឿជាក់ក្នុងពេលប្រើប្រាស់ ដោយសារតែ Lumia 535 ត្រូវបានក្រុមហ៊ុន Microsoft បំពាក់ដោយបន្ទះឈីប Qualcomm ស៊េរី Snapdragon 200 និងដំណើរការអង្គគណនាបួនគ្រាប់ (Quad-Core) ល្បឿន 1.2 GHz Cortex-A7 និងមាន RAM ទំហំ 1 GB ទំហំផ្ទុកក្នុងមា៉សីុនស្រាប់ទំហំ 8 GB និងអាចដាក់បន្ថែមមេម៉ូរីកាតប្រភេទ microSD បានរហូតដល់ 128 GB ដែលទាំងអស់នេះហើយ ដែលជួយឲ្យស្មាតហ្វូនមួយនេះដំណើរការបានយ៉ាងពេញចិត្ត មិនធ្វើឲ្យអ្នកខកបំណងនោះឡើយ។ មួយវិញទៀតគឺវាមានថ្មដែលអាចឲ្យលោកអ្នកប្រើប្រាស់ទូរស័ព្ទបានកាន់តែយូរ ជាមួយនឹងថាមពលថ្មទំហំ 1903 mAh (BL-L4A)។
ពិតជាអស្ចារ្យ ផ្បិតរូបរាងតូចបន្តិច តែបើនិយាយពីប្រព័ន្ធប្រតិបត្តិការដែលក្រុមហ៊ុន Microsoft ដាក់ឲ្យដំណើរការនៅស្មាតហ្វូនស៊េរីថ្មីមួយនេះ គឺមិនធម្មតា ដោយវាដំណើរការដោយប្រព័ន្ធប្រតិបតិ្តការចុងក្រោយបង្អស់គឺ Windoow Phone 8.1 ដែលកំពុងតែពេញនិយមសម្រាប់អតិថិជនរបស់ Nokia ដែលចូលចិត្តប្រើប្រាស់ Window Phone។ ចំពោះអីុនធើហ្វេសរបស់វាក៏មិនខុសពីម៉ូដែលមុនៗដែរ គឺអាចបង្ហាញផ្ទាំងកម្មវិធីជ្រុងៗបានបីជួរ ហើយលោកអ្នកអាចធ្វើការពង្រីកឬពង្រួមបានតាមចិត្តតែម្តង ដោយគ្រាន់តែចុចលើកម្មវិធីឲ្យជាប់ វានឹងបង្ហាញសញ្ញាប្រាប់ភ្លាមៗតែម្តង។
