កាលពីព្រឹកថ្ងៃអាទិត្យទី 19 ខែ មេសា ឆ្នាំ 2015 នេះ ខណះដែលមនុស្សម្នាជាច្រើនត្រឡប់ពីស្រុកកំណើត និងពីកន្លែងកម្សាន្តនានាចូលក្រុងភ្នំពេញ ក្រុមហ៊ុន Samsung បានទាញយកចំណាប់អារម្មណ៍មនុស្សរាប់ពាន់អ្នកជាមួយនឹងការដង្ហែក្បួន មានរយៈពេល 8 ម៉ោងកន្លះ ដើម្បីផ្តល់ព័ត៌មានដល់អតិថិជនទាំងអស់ឲ្យបានស្គាល់ពី Samsung Galaxy S6 និង S6 Edge ឲ្យកាន់តែច្បាស់ថែមទៀត។
ក្បួនដង្ហែនេះខាងលើនេះ គឺត្រូវបានធ្វើឡើងកាត់មហាវិធីធំៗមួយចំនួនក្នុងរាជធានីភ្នំពេញ ដែលចេញដំណើរពីផ្លូវគិរីរម្យឆ្ពោះទៅកាន់ផ្សារដេប៉ូ និងបន្តពីផ្សារដេប៉ូឆ្ពោះទៅផ្សារធំថ្មី ហើយនិងត្រលប់មកកាន់ផ្លូវគិរីរម្យ ដែលជាគោលដៅចុងក្រោយនៃនដង្ហែ។
នេះគឺជាព្រឹត្តិការណ៍ដ៏អស្ចារ្យដំបូងដែលបានបង្កើតឡើងដោយក្រុមហ៊ុន Samsung ជាមួយក្បួនដង្ហែរបស់ស្មាតហ្វូនយក្សនៃ Giant Galaxy S6 Edge ដែលប្រព្រឹត្តិទៅនៅវេលាម៉ោង 10 ព្រឹករហូតដល់ម៉ោង 5:30ល្ងាច។ ក្បួនដង្ហែនេះដែរត្រូវបានប្រារព្ធឡើងក្នុងគោលបំណងឆ្លើយតបទៅតម្រូវការរបស់អតិថិជនដែលចង់ស្គាល់ពីអត្ថប្រយោន៍របស់ Samsung Galaxy S6 និង S6 Edge អោយកាន់តែច្បាស់ ក៏ដូចជាបង្ហាញឲ្យប្រជាជននៅកម្ពុជាយើងបានស្គាល់ទូរស័ព្ទមួយដែលកំពុងតែភ្ញាក់ផ្អើលពាសពេញពិភពលោកនាពេលបច្ចុប្បន្ន។ អតិថិជនជាច្រើនបានទទួលនូវក្រដាសចែកផ្សាយអំពីអត្ថប្រយោជន៍របស់ Samsung Galaxy S6 និង S6 Edge ពីអ្នកតំណាងរបស់ក្រុមហ៊ុន Samsung។
អតិថិជនជាច្រើននៅក្នុងរាជធានីភ្នំពេញទាំងមូល គឺមានភាពភ្ញាក់ផ្អើលយ៉ាងខ្លាំង ជាមួយនឹងរូបរាងដ៏ស្រស់ស្អាតរបស់ Samsung Galaxy S6 Edge ដែលមានលក្ខណៈធំលើសពីធម្មតា។ ជាមួយនឹងការសាកថ្មដែលមានលឿនជាងមុននិងថ្មកាន់បានយូរជាងមុន។ លើសពីនេះទៅទៀត Samsung Galaxy S6 និង Galaxy S6 Edge បានជ្រើសរើសយកកញ្ចក់ Corning Gorilla មកផលិតជារូបរាងដ៏អស្ចារ្យឡើងមក។ កញ្ចក់ Corning Gorilla គឺជាកញ្ចក់ដែលមានភាពស្តែង និងធន់នឹងការបែកបាក់រួមទាំងការពារភាពឆ្កូតបានយ៉ាងល្អ។
Samsung Galaxy S6 និង Galaxy S6 Edge បានធ្វើការដាក់សម្ពោធដាក់លក់ជាផ្លូវការនៅថ្ងៃច័ន្ទទី 20 ខែមេសា ឆ្នាំ 2015 នេះ។ អតិថិជនទាំងអស់អាចរកទិញបាននៅគ្រប់បណ្តាហាងលក់ទូរស័ព្ទទាំងអស់ក្នុងប្រទេសកម្ពុជា ។ អតិថិជនជាច្រើនពាន់នាក់បានកុម្ម៉ង់ទិញទូរស័ព្ទនេះទុកជាមុនដែលធ្វើឲ្យក្រុមហ៊ុនសាមសុងរំពឹងទុកថា Samsung Galaxy S6 និង Galaxy S6 Edge នឹងអាចចាប់យកចំណែកទីផ្សារ ធំនៅក្នុងប្រទេសកម្ពុជា។