នៅថ្ងែទី 11 ខែឧសភា ឆ្នាំ 2015 នេះ ក្រុមហ៊ុន Microsoft ប្រចាំនៅប្រទេសកម្ពុជា បានប្រកាសចេញលក់ស្មាតហ្វូនស៊ីមពីរម៉ូដែលថ្មីមួយទៀតគឺ Lumia 430 ក្នុងតម្លៃត្រឹម $87ប៉ុណ្ណោះ។ Lumia 430 គឺជាស្មាតហ្វូនស៊ីមពីរម៉ូដែលថ្មី ដែលមានតម្លៃប្រសើរជាង Lumia ដទៃទៀត ហើយថែមទាំងអាចតម្លើងកម្មវិធី Windows 10 ទៀតទៅថ្ងៃអនាគត។ ស្មាតហ្វូននេះ បានត្រូវផលិតឡើងដើម្បីជួយឲ្យអ្នកប្រើប្រាស់សម្រេចលទ្ធផលបានកាន់តែច្រើន ទាំងក្នុងការប្រកបមុខរបរវិជ្ជាជីវៈ និងការកំសាន្ត តាមរយៈកម្មវិធី Microsoft Office, Skype និង OneDrive តម្លើងរួចជាស្រេច ។ ដោយមានការរចនាប្រកបដោយគុណភាព, ពណ៌ដ៏ស្រស់ឆើតឆាយ និងផ្ទៃ អេក្រង់ 4 អ៊ិងផងនោះ, Lumia 430 ផ្តល់ជូនអ្នកប្រើប្រាស់ដែលគិតគូហ្មត់ចត់លើខ្ទង់ចំណាយ នូវបទពិសោធន៍ស្មាតហ្វូនសំខាន់ដូចខាងក្រោម ៖
•លើកកម្ពស់ប្រសិទ្ធភាពការងារជាមួយនឹងកម្មវិធី Microsoft Office តម្លើងរួចស្រេច និងទីកន្លែងផ្ទុកឯកសារឬទិន្នន័យ OneDrive រហូតដល់ទៅ 30GB ដោយឥតគិតថ្លៃ ។
•ទំនាក់ទំនងគ្នាតាមវីដេអូតាមរយៈ Skype ដែលអាចប្តូរពីការទំនាក់ទំនងគ្នាតាមសម្លេងទៅជាការទំនាក់ទំនងតាមវីដេអូភ្លាមៗ ដោយប្រើកាមេរ៉ាមុខ ។
•ប្រព័ន្ធប្រតិបត្តិការថ្មីបំផុត (Windows Phone 8.1 – Lumia Denim Update) ដែលមាន Action Center, Word flow និង Live Folders ។
•ល្បឿនលឿន និងមានភាពរលូនល្អជាមួយនឹង RAM ទំហំ 1GB, មេម៉ូរីក្នុងម៉ាស៊ីនទំហំ 8GB , ឈីប Qualcomm® Snapdragon™ 200 dual-core ។
•អាចបន្តកែលំអឈានឡើង (Upgrade) ទៅទទួលសេវាកម្មពី Windows 10 ថែមទៀត ។
•ធ្វើឲ្យអ្នកប្រើប្រាស់ចៀសវាងបានពីការខកខានមិនបានទទួលទូរស័ព្ទតាមរយៈមុខងារ Smart Dual Sim
.jpg)
ស្របពេលនឹងការប្រកាសចេញលក់ផលិតផល Lumia 430, លោក Rahul Karve អគ្គនាយកនៃក្រុមហ៊ុន Microsoft Devices នៅកម្ពុជាបានលើកឡើងថា ៖ ស្មាតហ្វូន Lumia 430 ស៊ីមពីរ ជួយសម្រួល ឲ្យមនុស្សនៅទូទាំងពិភពលោកកាន់តែច្រើនឡើង ទទួលបានអត្ថប្រយោជន៍ពីស្មាតហ្វូន ។ ជាមួយនឹងកម្មវិធី Microsoft Office, Skype, OneDrive តម្លើងរួចជាស្រេច, ស្មាតហ្វូន Lumia 430 ស័ក្តិសមបំផុតសម្រាប់បណ្តាជនដែលចង់សម្រេចលទ្ធផលច្រើនថែមទៀតនៅក្នុងជីវិតរស់នៅប្រចាំថ្ងៃ ។ Lumia 430 ស៊ីមពីរ មានដាក់លក់នៅលើទីផ្សារកម្ពុជាចាប់ពីថ្ងៃនេះតទៅ ដោយមានពីរពណ៌សម្រាប់ជ្រើសរើសគឺ ពណ៌ទឹកក្រូចស្រស់ និងពណ៌ខ្មៅ ៕
.jpg)
សេចក្តីសង្ខេបអំពីស្មាតហ្វូន Lumia 430
Lumia 430 Dual SIM
Operating system: Widows Phone 8.1 with Lumia Denim
Display: 4-inch WVGA (800 x 480, 15:9), 235 PPI
Battery: 1500 mAh replaceable
Processor: 1.2 GHz dual-core Qualcomm® Snapdragon™ 200 processor
Main camera: 2 MP, Fixed focus
Front-facing camera: VGA 0.3 MP
Memory: 8 GB + 30 GB OneDrive***, MicroSD up to 128 GB
Dimensions: 120.5 x 63.19 x 10.63 mm
Weight: 127.9g
Operating system: Widows Phone 8.1 with Lumia Denim
