កាលពីថ្ងៃទី 24 ខែ មេសា ឆ្នាំ 2015 នេះ ក្រុមហ៊ុន LG Electronics និង ក្រុមហ៊ុន G Gear បានបង្កើតឲ្យមានកម្មវិធីប្រកួតប្រជែងក្នុងការរចនាលើទូរសព្ទដៃLG AKA ដែលកម្មវិធីប្រកួតនេះ ត្រូវបានរៀបចំឡើងនៅសកលវិទ្យាល័យ Limkokwing ។
នេះជាការប្រកួតប្រជែងចុងក្រោយបំផុតដែលមានបេក្ខភាព ជ័យលាភចំនួន 15 រួប ដែលត្រូវបានជ្រើសរើសចេញពីស្នាដៃក្នុង design លើទូរស័ព្ទដៃLG AKA ជាច្រើនដែលបានចូលរួមក្នុងការប្រកួតប្រជែងនេះតាំងពីជុំទី១មកម៉េះ្ល។ បេក្ខភាពជ័យលាភីទាំង 15 រូបនេះ មកពីសកលវិទ្យាល័យ និងសាលាអន្តរជាតិដ៏ល្បីល្បាញ ព្រមទាំងមានសិស្ស និងនិសិត្សដែលពោពេញដោយគុណភាព និងមានគំនិតឆ្លាតវៃ ព្រមទាំងច្នៃប្រឌិតខ្ពស់ដូចជា សកលវិទ្យាល័យ Limkokwing, វិទ្យាស្ថាន និងសាលារៀនអន្តរទ្វីបអាមេរិចកាំង, សកលវិទ្យាល័យភូមិន្ទវិចិត្រសិល្បះ និងវិទ្យាល័យព្រះសីសុវត្ថិ។
កម្មវិធីនេះត្រូវបានប្រារព្ធឡើងក្នុងបំណងនាំយកផលិតផលដែលមានគុណភាពខ្ពស់ ដែលមានបច្ចេកវិទ្យាទំនើប រចនាបទនៃការច្នៃប្រឌិតប្រកបដោយភាពទាន់សម័យនឹងចុងក្រោយបំផុតនៃសកលលោក នឹងស្វែងរកនូវគំនិតក្នុងការរចនាច្នៃប្រឌិតដែលពោរពេញដោយភាពប៊ិនប្រសព្វ និងគំនិតនៃការ Design ជាពិសេសនោះ គឺមានអត្តន័យដ៏ពិសេស និងទាក់ទាញបំផុតរបស់សិស្សនិស្សិតក្នុងផ្នែក Design នៃព្រះរាជាណាចក្រកម្ពុជាយើងនាពេលបច្ចុប្បន្ន។
LG AKA ជាប្រភេទទូរស័ព្ទដែដ៏ទំនើបបំផុតប្រចាំឆ្នាំ 2015 ដែលមានលក្ខណះសាកសម និងផ្តល់នូវភាពស៊ីវីល័យបំផុតសំរាប់យុវវ័យសម័យថ្មី។ ទូរសព្ទដៃ LG AKA មានភ្នែកផុសឡើងនៅលើអេក្រង់មុខនៃទូរសព្ទ ហើយខ្សែរភ្នែកទាំងនោះបានបង្ហាញនូវភាពគួរអោយចាប់អារម្មណ៍ នឹងគួរអោយអស់សំណើចយ៉ាងពិសេស។ ភ្នែកដ៏ពិសេសនេះ នឹងសម្លឹងព្រមទាំងធ្វើការកត់សម្គាល់នូវរាល់សកម្មភាពរបស់លោកអ្នកជានិច្ច។ ភ្នែកដ៏ឆ្លាតវៃនេះថែមទាំងមានលក្ខណះប៊ិនប្រសប់ខ្ពស់ក្នុងការបង្ហាញពីអារម្មណ៍ តួរយ៉ាងដូចជាពួកគេនឹងបង្ហាញនូវភ្នែកវិលមុខនៅពេលដែលលោកអ្នកក្រឡុកទូរសព្ទ ហើយពួកគេនឹងមើលចុះក្រោមនៅពេលដែលលោកអ្នកត្រូវការដកម៉ាសចេញពីទូរសព្ទ ហើយព្រមទាំងមានការបង្ហាញនូវលក្ខណះពិសេសផ្សេងៗទៀតជាច្រើន។
LG AKA ជាទូរស័ព្ទដៃម៉ូដែលដ៏ទំនើបប្រភេទ Android ស្មាតហ្វូន។ លក្ខណះពិសេសរបស់ LG AKA គឺត្រូវបានបំពាក់ដោយអេក្រង់ 5.0 អ៊ីញ ដែលមានពន្លឺយ៉ាងច្បាស់បំផុតកំរិត HD និងពណ៌ធម្មជាតិ IPS ប្រើប្រាស់ដោយប្រព័ន្ធប្រតិបត្តិការ Android 4.4 KitKat ដែលមាន CPU 1.2GHz ចំនួន 4 គ្រាប់(Quad Core) ជាមួយនឹង RAM 1.5GB ព្រមទាំងមានកាម៉េរា 8MP អាចផ្ទុកទិន្នន័យបាន 16GB ដែលអាចថែម memory microSD card រហូតដល់ 32GB ជាពិសេសនោះអាចភ្ជាប់ទំនាក់ទំនងដោយប្រព័ន្ធ 4G LTE នឹងមានថាមពលថ្ម 2,610mAh ។ LG AKA មានកាម៉េរាដែលមានបំពាក់ដោយ laser-assisted focus នឹងមានប៉ូតុងដំឡើង និងបន្ថយសំឡេង ព្រមទាំងប៉ូតុងបិទបើកនៅខាងក្រោយដែលដូចនឹង ស៊េរីទូរសព្ទដៃ G ស៊េរីដែរ។ ដោយមានការបំពាក់ជាមួយនឹងកាម៉េរាមុខ 2MP ដែលអាចថតរូប Selfies បញ្ជារដោយសំឡេង។
គួរបញ្ជាក់ផងដែរថា ទូរស័ព្ទដៃម៉ូដែលទំនើបម៉ូដែល LG AKA នេះត្រូវបានរចនាបង្កើតឡើងមានចំនួនបួនប្រភេទដែលមានចំនួន 4 ពណ៌ និងមានភាពទាក់ទាញខុសគ្នាៗ ជាពិសេសនោះមានបុគ្គលិកលក្ខណៈ និងឈ្មោះដ៏ពិសេសប្រចាំពណ៌នីមួយៗប្លែកៗពីគ្នា សំរាប់សំរប់តាមចំណង់ចំណូលចិត្តរបស់អ្នកប្រើប្រាស់។ ទូរសព្ទដៃ LG AKA អេកហ្គី(Eggy) មានពណ៌លឿង បង្ហាញពីចរិកលក្ខណះដ៏សម្បូស្នេហ៍ និងចូលចិត្តធ្វើអោយគេចាប់អារម្មណ៍។ LG AKA វ៉ូគី(Wooky) មានពណ៌ស ដែលមានចរិកលក្ខណះឆាប់ខឹង។ LG AKA យ៉ូយ៉ូ(YoYo) មានពណ៌ផ្កាឈូក ដែលមានចរិកលក្ខណះចូលចិត្តញុំា និងតែងតែគិតថាអ្វីឆ្ងាញ់ជានិច្ច។ LG AKA ស៊ូល(Soul) មានពណ៌ខ្មៅ ដែលមានចរិកលក្ខណះស្រលាញ់តន្ត្រី និងពោរពេញដោយភាពអណ្តែតអណ្តូង។ LG AKA អាចធ្វើជាមិត្តដ៏ជិតស្និតបំផុតរបស់លោកអ្នក។
