កាលពីថ្ងៃទី ២២ ខែឧសភា ឆ្នាំ ២០១៥ នៅសណ្ឋគារ Mekong Dragon ក្រុមហ៊ុន Thakral Cambodia សហការជាមួយនិងក្រុមហ៊ុន Microsoft បានរៀបចំកម្មវិធីបំពាក់បំប៉នចំណេះដឹងស្តីពីបច្ចេកវិទ្យាថ្មីៗបន្ថែមទៀតជូនដល់ដៃគូពាណិជ្ជកម្មរបស់ខ្លួន ដែលអញ្ជើញមកពី បណ្តាក្រុមហ៊ុនធំៗនចំនួន ២៥ រួមមានដូចជា Anana Computer, Fisrt Cambodia Neeka Limited ជាដើម។
តាមការបញ្ជាក់ពីតំណាងក្រុមហ៊ុន Thakral Cambodia បានឲដឹងថា ការរៀបចំឲមានក្មវិធីនេះឡើង គឺដើម្បីចែករំលែក និងបង្កើននូវចំណេះដឹងស្តីពីបច្ចេកវិទ្យាថ្មីៗរបស់ Microsoft ឲបានកាន់តែច្បាស់ថែមទៀត ជាពិសេសនោះ ការប្រើប្រាស់ផលិតផលសដែលមានអជ្ញាប័ណ្ណត្រឹមត្រូវ ដើម្បីជួយកាត់បន្ថយនូវហានីភ័យនានានៅក្នុងការធ្វើជំនួញ និងការងារផ្សេងៗ ក្រោយពីការប្រើប្រាស់។ លោកបានបន្តថា កម្មវិធីនេះ នឹងរៀបចំធ្វើជាបន្តរហូត។ ក្នុងពេលបច្ចុប្បន្ន ឆ្នាំ ២០១៥ នេះ តាមតួរលេខរបស់ក្រុមហ៊ុន បានឲដឹងថា ចំនួននៃការប្រើប្រាស់ ផលិតផលដែលមានអជ្ញាប័ណ្ណត្រឹមត្រូវរបស់ Microsoft គឺមានការកើនឡើង អាចនិយាយថា ចំនួនរហូតដល់ ៥០ភាករយ ហើយភាគច្រើននៃអតិថិជន គឺរួមមានដូចជា វិស័យធនាគារ និងគ្រឹះស្ថានហិរញ្ញវត្ថុ។
ចំណុចសំខាន់របស់ក្រុមហ៊ុននានា បានងាកមករកការប្រើប្រាស់ ផលិតផលដែលមានអជ្ញាប័ណ្ណត្រឹមត្រូវរបស់ Microsoft គឺដើម្បីពង្រឹងនូវគោលជំហរបស់ខ្លួនឲបានកាន់តែរឹងមាំថែមទៀត ពីព្រោះថា នៅក្នុងពេលដ៏ខ្លីខាងមុខនេះ អាស៊ាននឹងធ្វើការរួមបញ្ចូលគ្នាតែមួយហើយ ដូច្នេះការប្រកួតប្រជែង គឺមានកាន់តែខ្ពស់ បើសិនជាមិនមានការ ផ្លាស់ប្តូរបែបនេះទេ វាអាចនឹងធ្វើឲដៃគូរបស់ខ្លួនងាយនឹងផ្តួលរំលំបានយ៉ាងងាយ។