រថយន្ត Ford Fiesta ដែលមានរូបរាងយ៉ាងស្រស់ស្អាត និងគួរឲ្យទាក់ទាញសាកសមឥតខ្ចោះសម្រាប់យុវវ័យសម័យថ្មី បាននឹងកំពុងបង្អូតរូបរាងយ៉ាងស្រស់ស្អាតនៅខាងមុខមជ្ឈមណ្ឌលតាំងលក់រថយន្តហ្វដ ដែលនាំចូលផ្តាច់មុខដោយក្រុមហ៊ុន អ អិម អេ ខេមបូឌា មាននៅតាមបណ្តោយផ្លូវព្រះមុនីវង្សទល់មុខក្រសួងដែនដីនគរោបនីយកម្មនិងសំណង់។ រថយន្តនេះបានរចនាឡើងជាមួយនឹងរូបរាងតូច ដែលគួរឲ្យទាក់ទាញ ព្រមទាំងផ្តល់ភាពងាយស្រួលសម្រាប់យុវវ័យក្នុងការបើកចូលចតនៅតាមទីកន្លែងដែលតូចចង្អៀត។ គួរបញ្ជាក់ផងដែរថា រថយន្តនេះបានរចនាឡើងបែបស្ព័រ បំពាក់ទៅដោយទ្វារចំនួនប្រាំ មានច្រើនពណ៌អាចជ្រើសរើសបានដូចជា ស ខៀវ ក្រហម ខ្មៅ ទឹកប្រាក់ ជាដើម។
ផ្នែកខាងក្នុងនៃរថយន្តបានរចនាឡើងយ៉ាងទាក់ទាញជាមួយនឹងកៅអីដែលមានផាសុកភាព បច្ចេកវិទ្យាទំនើបទាន់សម័យជាមួយនឹងការបញ្ឆេះរថយន្តដោយ មិនបាច់ប្រើសោរ ការផ្សារភ្ជាប់ការកំសាន្តពីរថយន្តទៅកាន់ទូរស័ព្ទដៃដូចជា ការចាក់តន្ត្រី និងធ្វើការហៅទូរស័ព្ទចូលនិងចេញបានយ៉ាងងាយស្រួល។
ជាមួយនឹងការបំពាក់ដោយម៉ាស៊ីនទំហំ 1.0L EcoBoost ដែលជួយសន្សំសំចៃសាំង និងជួយការពារបរិស្ថានដែលផ្តោតទៅលើស្តង់ដានៃការផលិតរថយន្តរបស់ ហ្វដ។ គួរបញ្ជាក់ផងដែរថា គ្រប់ប្រភេទនៃរថយន្តទាំងអស់ត្រូវបានផលិតឡើងដោយយកចិត្តទុកដាក់ទៅលើប្រព័ន្ធសុវត្ថិភាពជាពិសេស ដោយឆ្លងកាត់ការសាកល្បងលើលក្ខណ្ឌសុវត្ថិភាពជាច្រើន ជាពិសេសប្រព័ន្ធសុវត្ថិភាពដែលបានបំពាក់នៅលើរថយន្ត Ford Fiesta នេះផងដែរ។
ជាមួយនឹងរូបរាងដ៏គួរឲ្យទាក់ទាញ ព្រមទាំងមុខងារជាច្រើនរបស់រថយន្ត Ford Fiesta បានធ្វើឲ្យរថយន្តនេះគឺជារថយន្តដែលសាកសមឥតខ្ចោះ សម្រាប់យុវវ័យក្នុងការបើកបរទៅលើផ្លូវ ក្នុងទីក្រុងដែលមានលក្ខណៈចង្អៀតនិងស្ទះចរាចរណ៍ជាដើម។ សម្រាប់ព័តមានបន្ថែមទាក់ទងនិងសេវាកម្មបង់រំលោះនិងព័ត៌មានលំអិតទាក់ទងនិងរថយន្តសូមធ្វើការទំនាក់ទំនងមកកាន់លេខទូរស័ព្ទ ០១២ ៣៣៣ ៩៧៥។
