Jaguar Land Rover មានសេចក្តីសោមនស្សរីករាយ និងសូមប្រកាសថា RMA Cambodia ដែលជាអ្នកនាំចូល និងចែកចាយផ្តាច់មុខនូវរថយន្ត Jaguar និង Land Rover នៅក្នុងព្រះរាជាណាចក្រកម្ពុជា នឹងធ្វើការសម្ពោធអគារតាំងលក់រថយន្តដ៏ថ្មីសន្លាង ដែលមានទីតាំងតាមបណ្តោយមហាវិថីសហព័ន្ធរុស្សី ក្បែរក្លោងទ្វារវត្តទឹកថ្លា នាថ្ងៃទី 24 ខែកក្កដា ឆ្នាំ 2015 ខាងមុខនេះ។ RMA Cambodia បានទទួលសិទ្ធិស្របច្បាប់ក្នុងការនាំចូល និងចែកចាយផ្តាច់មុខនូវរថយន្តប្រណិត Jaguar និង Land Rover នៅក្នុងព្រះរាជាណាចក្រកម្ពុជា តាំងពីខែកុម្ភៈ ឆ្នាំ 2014 មកម្ល៉េះ ហើយបានចំណាយពេលជាង ១២ខែមកហើយក្នុងការសាងសង់អគារដ៏ថ្មីសន្លាងលំដាប់អន្តរជាតិនេះ។
លោក ស្ទិវ ម៉ាទីន (Mr. Steve Martin) ដែលជាអ្នកគ្រប់គ្រងផ្នែកអាជីវកម្ម ប្រចាំតំបន់អាស៊ីប៉ាស៊ីហ្វិក នៃក្រុមហ៊ុន Guava International Ltd (អ្នកចែកចាយផ្តាច់មុខរបស់ក្រុមហ៊ុន Jaguar Land Rover ក្នុងប្រទេសកម្ពុជា) បានមានប្រសាសន៍ថា «យើងមានមោទនភាពជាខ្លាំង ដែលបាននាំមកនូវអគារស្តង់ដារពិភពលោកមកកាន់ភ្នំពេញ ហើយយើងក៏ជឿជាក់ថា សម្រាប់រថយន្តប្រណិត Jaguar និង Land Rover ដ៏ល្បីល្បាញនេះ នឹងនៅតែបន្តការពង្រីកខ្លួនឥតឈប់ឈរនៅក្នុងទីផ្សារនៃព្រះរាជាណាចក្រកម្ពុជា»។
«អគារដ៏ថ្មីសន្លាង លំដាប់ពិភពលោកនេះ គឺជាការបញ្ជាក់នូវជំហរមួយយ៉ាងច្បាស់លាស់របស់ Jaguar Land Rover ក្នុងការនាំយករថយន្តប្រណិត ទំនើប និងទាន់សម័យចូលមកកាន់ទីផ្សារកម្ពុជា។ ទំនុកចិត្តរបស់ក្រុមហ៊ុន Jaguar Land Rover ចំពោះ អ អិម អេ ខេមបូឌា ដោយបាននាំអគារយីហោភ្លោះ (Jaguar និង Land Rover) លំដាប់ពិភពលោកសម្រាប់តាំងលក់រថយន្តប្រណិត Jaguar និង Land Rover ដែលមានទាំងផ្នែកលក់ ផ្នែកជួសជុល និងថែទាំរថយន្តប្រណិត និងផ្នែកផ្គត់ផ្គង់គ្រឿងបន្លាស់សុទ្ធ ដែលនាំចូលពីរោងចក្រដោយផ្ទាល់ (3S – Sales, Service and Spare parts) ចូលមកកាន់ទីផ្សារកម្ពុជា»។
លោកបានបន្តទៀតថា « Jaguar Land Rover មានសេចក្តីសោមនស្សរីករាយ ដែលមាន អ អិម អេ ខេមបូឌា (RMA Cambodia) ជាអ្នកនាំចូល និងចែកចាយផ្តាច់មុខនូវរថយន្តប្រណិត Jaguar និង Land Rover ប្រចាំនៅព្រះរាជាណាចក្រកម្ពុជា។ អគារតាំងលក់រថយន្តលំដាប់ពិភពលោករបស់ អ អិម អេ មួយនេះ មានរួមបញ្ចូលយានដ្ឋានជួសជុល និងថែទាំរថយន្តប្រណិតៗដោយប្រើប្រាស់ឧបករណ៍ទំនើបៗ និងគ្រឿងបន្លាស់សុទ្ធ ព្រមទាំងអាចជួលជុល ឬត្រួតពិនិត្យរថយន្តប្រណិតបានដល់ទៅ៩គ្រឿងក្នុងពេលតែមួយ រួមជាមួយជាងជំនាញៗ ដែលមានការទទួលស្គាល់ពីរោងចក្រនៃចក្រភពអង់គ្លេស ហើយរថយន្តប្រណិតៗ ៨គ្រឿងរបស់ Jaguar និង Land Rover នឹងត្រូវដាក់បង្ហាញក្នុងអគារមួយនេះតាមបទដ្ឋានអន្តរជាតិ»។
លោក ងន សាំង (Mr. Ngorn Saing) អគ្គនាយកក្រុមហ៊ុន អ អិម អេ ខេមបូឌា (RMA Cambodia) មានប្រសាសន៍ថា យើងមានសេចក្តីសោមនស្សរីករាយ ក្នុងការសម្ពោធអគារថ្មីស្តង់ដាពិភពលោក ហើយនេះក៏ជាសញ្ញាបញ្ជាក់យ៉ាងមុតមាំថា យើងនឹងផ្តល់នូវសេវាកម្មដ៏ល្អឥតខ្ជោះជូនដល់អតិថិជននៅក្នុងព្រះរាជាណាចក្រកម្ពុជាយើងនេះ។ យើងជឿជាក់ថា យើងប្រាកដជាធ្វើឲ្យអាជីវកម្មរថយន្ត Jaguar និង Land Rover មានភាពរីកលូតលាស់យ៉ាងល្អប្រសើរ។ មិនថាបុគ្គលិក ឬថ្នាក់ដឹកនាំ ក៏ដូចជាក្រុមការងារទាំងអស់របស់យើង ពិតជាមានមោទនភាព និងរំភើបចិត្តយ៉ាងខ្លាំងចំពោះកិត្តិនាមដ៏ល្បីល្បាញរបស់រថយន្ត Jaguar និង Land Rover ដែលមានវត្តមាននៅក្នុងព្រះរាជាណាចក្រកម្ពុជា។ អគារតាំងលក់រថយន្ត Jaguar និង Land Rover ដែលរួមមាន ទាំងផ្នែកលក់ ផ្នែកជួសជុល និងថែទាំរថយន្តប្រណិត និងផ្នែកផ្គត់ផ្គង់គ្រឿងបន្លាស់សុទ្ធដែលនាំចូលពីរោងចក្រដោយផ្ទាល់ (3S – Sales, Service and Spare parts) សបញ្ជាក់ឲ្យឃើញនូវទំនុកចិត្តរបស់ក្រុមហ៊ុន Jaguar Land Rover ចំពោះ អ អិម អេ ខេមបូឌា (RMA Cambodia) ដែលទទួលសិទ្ធិនាំចូល និងចែកចែកផ្តាច់មុខនៅក្នុងព្រះរាជាណាចក្រកម្ពុជាដោយស្របច្បាប់ ហើយយើងនឹងប្រកាន់ភ្ជាប់នូវគោលការណ៍អន្តរជាតិក្នុងការផ្តល់សេវាកម្ម ដែលស្របតាមស្តង់ដារខ្ពស់ ជូនដល់អតិថិជន»
រាល់អតិថិជន ដែលជាវរថយន្ត Jaguar ឬ Land Rover ពីក្រុមហ៊ុន អ អិម អេ ខេមបូឌា (RMA Cambodia) ទទួលបានការធានារយៈពេលបីឆ្នាំ ឬក៏គិតត្រឹមរយៈចម្ងាយ ១០០០០០ (ដប់ម៉ឺន) គីឡួម៉ែត។ លើសពីនេះទៅទៀត យើងនៅមានឧបករណ៍ទំនើបៗស្តង់ដារអន្តរជាតិ សម្រាប់ជួសជុល និងថែទាំរថយន្តប្រណិតៗ រួមទាំងគ្រឿងបន្លាស់សុទ្ធដែលមានការធានាយ៉ាងត្រឹមត្រូវពីរោងចក្រដោយផ្ទាល់ ហើយថែមទាំងមានអ្នកបច្ចេកទេសជំនាញៗ ដែលបានទទួលការបណ្តុះបណ្តាលយ៉ាងត្រឹមត្រូវ និងច្បាស់លាស់ពីបរទេស ជាពិសេសគឺមេជាងកម្រិតទី៤ ជនជាតិអង់គ្លេសដែលមកពីរោងចក្រនៃចក្រភពអង់គ្លេស។ យើងបានរៀបចំបន្ទប់រង់ចាំ ប្រកបដោយផាសុកភាព ជាមួយការទទួលទានកាហ្វេ (barista coffee bar) និងប្រើប្រាស់អ៊ីនធើណែត (Wi-Fi) ដោយឥតគិតថ្លៃ ដែលអាចឲ្យអតិថិជនសម្រាក និងមើលឃើញសកម្មភាពត្រួតពិនិត្យ ឬជួសជុលរថយន្តរបស់ខ្លួននៅក្នុងកំឡុងពេលកំពុងរង់ចាំ។
បុគ្គលិកផ្នែកលក់ដ៏ស្វាហាប់ និងរួសរាយរាក់ទាក់ ប្រកបដោយវិជ្ជាជីវៈ សុទ្ធតែទទួលបានការបណ្តុះបណ្តាលពីអ្នកជំនាញ ដើម្បីផ្តល់នូវសេវាកម្មដ៏ល្អឥតខ្ជោះជូនដល់អតិថិជន។ យើងក៏មានសេចក្តីសោមនស្សរីករាយ ក្នុងការផ្តល់ជូននូវការលក់សម្ភារៈតុបតែង ក៏ដូចជាគ្រឿងបន្លាស់របស់រថយន្ត Jaguar និង Land Rover ដែលមានគុណភាពខ្ពស់ដើម្បីបំពេញតម្រូវការរបស់អតិថិជន»។
ក្រុមហ៊ុន ហ្គវ៉ា-វ៉ាអន្តរជាតិ អិលធីឌី (Guava International Ltd) ជាក្រុមហ៊ុនតំណាងរបស់ Jaguar Land Rover នៅជុំវិញពិភពលោក។ ក្រុមហ៊ុន ហ្គវ៉ា-វ៉ាអន្តរជាតិ អិលធីឌី (Guava International Ltd) គ្រប់គ្រង ការផ្ដល់សិទ្ធិចែកចាយរថយន្ត Jaguar និង Land Rover គ្រឿងបន្លាស់ និងបណ្តាញសេវាកម្មចែកចាយ ផ្សេងៗ នៅក្នុង60 ប្រទេស នាតំបន់អឺរ៉ុបខាងកើត អាស៊ីកណ្តាល អាស៊ីប៉ាស៊ីហ្វិច និងអនុតំបន់សាហារ៉ា នៃទ្វីបអាហ្វ្រិក។
សំរាប់ព័ត៌មានបន្ថែម : លោក មាស តុលា (RMA Cambodia) ទូរស័ព្ទលេខ៖ +៨៥៥ (០) ៧៧ ៧២២ ៩៩៩ អ៊ីម៉ែល៖ [email protected]
