ជាមួយនឹងបចេ្ចកវិទ្យាច្នៃប្រឌិតខ្ពស់ និងការផ្តល់ជូននូវភាពសង្ហាឥតខ្ចោះ រថយន្ត Ford Mustang ជាប្រភេទរថយន្តថ្មីមួយដែលមានភាពល្បីល្បាញទូទាំងពិភពលោក។ អស់រយៈពេល ៥០ ឆ្នាំមកនេះ Mustang បានធ្វើការផ្លាស់ប្តូររូបរាងនិងបចេ្ចកវិទ្យាស្របទៅនឹងរចនាបទបែបទាន់សម័យ ដែលមានលក្ខណៈជាប្រភេទរថយន្តបែបស្ព័រ ហើយសាកសមឥតខ្ចោះជាមួយតម្រូវការរបស់អ្នកប្រើប្រាស់នាយុគសម័យថ្មី។
រថយន្ត Ford Mustang ត្រូវបានផលិតឡើងដោយបំពាក់ទៅដោយបច្ចេកវិទ្យាទំនើប និងផ្តល់នូវសុវត្ថិភាពខ្ពស់សម្រាប់អ្នកបើកបរព្រមជាមួយនឹងភាពរំភើបពីការបើកបរ។ គួរបញ្ជាក់ផងដែរថា រថយន្ត Ford Mustang នេះត្រូវបានក្លាយជារថយន្តមួយដែលដក់ជាប់នៅក្នុងក្តីស្រមៃរបស់អ្នកបើកបរគ្រប់រូបតាំងពីជំនាន់ទីមួយនៃរថយន្តដែលបានផលិតឡើង រហូតមកដល់ពេលបច្ចុប្បន្ននេះ។ ឆ្លើយតបទៅនឹងអ្វីដែលជាការរំពឹងទុករបស់អ្នកគាំទ្រគ្រប់ជំនាន់ វត្តមានរបស់រថយន្ត Ford Mustang 2015 ថ្មីនេះ ត្រូវបានឆ្លងកាត់ការផលិតយ៉ាងយកចិត្តទុកដាក់ទាំងលើការច្នៃម៉ូត ការបំពាក់ទៅដោយបច្ចេកវិទ្យាទំនើប និងគោរពទៅតាមស្តង់ដារសុវត្តិភាពខ្ពស់ដែលទទួលស្គាល់ដោយ រដ្ឋបាលជាតិទទួលបន្ទុកផ្នែកសុវត្ថិភាពចរាចរណ៍ (National Highway Traffic Safety Administration)។
តោ៎ះ! មើលបន្តិចទៅមើល Ford Mustang មានភាពអស្ចារ្យយ៉ាងដូចម្តេចខ្លះ?
រូបរាងផ្នែកខាងក្រៅ
ចង្កៀងផ្នែកខាងមុខមានលក្ខណៈទំនើបមានកញ្ជក់ភ្លឺថ្លា ភ្លើងស៊ីញ៉ូបញ្ចេញពន្លឺដ៏ទាក់ទាញ និងស្រស់សង្ហា។ ចង្កៀងរថយន្តផ្នែកខាងក្រោយបានបំពាក់ដោយភ្លើង LED ដែលរត់បណ្តេញគ្នានៅពេលដែលរថយន្តធ្វើការផ្តល់សញ្ញាបត់ឆ្វេងឬស្តាំ។ លក្ខណៈពិសេសដែលបានបំពាក់នៅលើរថយន្តនេះ គឺនៅលើកញ្ចក់ទាំងសងខាងរបស់រថយន្តត្រូវបានរចនាឡើងដោយបំពាក់ទៅដោយភ្លើងសញ្ញារូបសេះ ដែលនៅពេលដែលលោកអ្នកបើកឬក៏បិទទ្វាររថយន្ត នោះភ្លើងសញ្ញារូបសេះនោះនឹងបញ្ចាំងមកផ្នែកខាងក្រោមយ៉ាងគួរឲ្យទាក់ទាញ។
ផ្នែកខាងក្នុង និង បច្ចេកវិទ្យាទំនើបផ្តល់ភាពរំភើបសម្រាប់ការបើកបរ
•បំពាក់ដោយភ្លើងយ៉ាងស្រស់ស្អាតនៅជុំវិញផ្នែកខាងក្រោមនៃរថយន្ត(Ambient Lighting)
•បច្ចេកវិទ្យាដែលអាចផ្តល់ជូនអ្នកបើកបរអាចជ្រើសរើសនូវជម្រើសនៃការបើកបរទៅតាមស្ថានភាពផ្លូវនឹងផ្តល់នូវសមត្ថភាពខ្ពស់ក្នុងការបើកវ៉ាឬជែង (Selectable Driving Mode)
•បច្ចេកវិទ្យា SYNC ដែលបានបំពាក់នៅក្នុងអេក្រង់ Touchscreen ទំហំ ៨អ៊ីញសម្រាប់ផ្តល់ជូនអ្នកបើកបរផ្សារភ្ជាប់នូវកម្មវិធីដែលមាននៅលើទូរស័ព្ទដៃទៅកាន់រថយន្តដើម្បីសម្រួលដល់ការបើកបរ នៅពេលដែលអ្នកបើកបរចង់ធ្វើការស្តាប់តន្ត្រី ធ្វើការហៅ ឬទទួលទូរស័ព្ទពេលកំពុងបើកបរ
•ការបំពាក់ដោយបូតុងស្វ័យប្រវត្តិសម្រាប់ធ្វើការបញ្ជេះនឹងបញ្ឈប់រថយន្ត
ប្រព័ន្ធសុវត្ថិភាព
•ពោងការពារសុវត្ថិភាពចំនួន៧ ដែលបំពាក់នៅក្នុងរថយន្តសម្រាប់ការសុវត្ថិភាពសម្រាប់អ្នកបើកបរនិងអ្នកធ្វើដំណើរ
•ប្រព័ន្ធសុវត្ថិភាពសម្រាប់ការពារចោរលួច (SecuriLock® Passive Anti-Theft (PATS)
•កាមេរ៉ាសុវត្ថិភាពផ្នែកខាងក្រោយ សម្រាប់ជំនួយក្នុងការចូលចត
គួរបញ្ជាក់ផងដែរថា រថយន្ត Ford Mustang ត្រូវបានដាក់លក់ជាផ្លូវការនៅព្រះរាជាណាចក្រកម្ពុជា ចាប់តាំងដើមខែកក្កដាកន្លងមកនេះ នៅមជ្ឈមណ្ឌលតាំងលក់រថយន្ត Ford នៅរាជាធានីភ្នំពេញ។ រថយន្ត Ford គ្រប់ម៉ូដែល ត្រូវបាននាំចូល និងចែកចាយផ្តាច់មុខដោយក្រុមហ៊ុន អ អិម អេ ខេមបូឌា (RMA Cambodia)។