កាលពីព្រឹកថ្ងៃអាទិត្យទី 23ខែ សីហា ឆ្នាំ 2015 នេះ ក្រុមហ៊ុន Samsung បានធ្វើការដង្ហែក្បួនម៉ូតូធំរបស់កំពូលទូរស័ព្ទ Galaxy Note 5 ដោយធ្វើឲ្យមានការភ្ញាក់ផ្អើលយ៉ាងខ្លាំងពាសពេញក្រុងភ្នំពេញ នឹងបានទាញយកចំណាប់អារម្មណ៍មនុស្សរាប់ពាន់អ្នក ដែលកំពុងតែធ្វើដំណើរនៅតាមដងផ្លូវនានា។
នេះគឺជាព្រឹត្តិការណ៍ដ៏អស្ចារ្យមួយ ដែលបានបង្កើតឡើងដោយក្រុមហ៊ុន Samsung ជាមួយក្បួនដង្ហែម៉ូតូធំរបស់ស្មាតហ្វូន Galaxy Note 5 ។ ក្បួនដង្ហែនេះដែរ ត្រូវបានប្រារព្ធឡើងក្នុងគោលបំណងឆ្លើយតបទៅតម្រូវការរបស់អតិថិជនដែលចង់ស្គាល់ពីអត្ថប្រយោន៍របស់ Galaxy Note 5 អោយកាន់តែច្បាស់ ក៏ដូចជាបង្ហាញឲ្យប្រជាជននៅកម្ពុជា យើងបានស្គាល់ទូរស័ព្ទមួយដែលកំពុងតែភ្ញាក់ផ្អើលពាសពេញពិភពលោកនាពេលបច្ចុប្បន្ន។
អតិថិជនជាច្រើននៅក្នុងរាជធានីភ្នំពេញទាំងមូល គឺមានភាពភ្ញាក់ផ្អើលយ៉ាងខ្លាំង ជាមួយនឹងរូបរាងដ៏ស្រស់ស្អាតរបស់ Galaxy Note 5 ដែលមានលក្ខណៈធំលើសពីធម្មតា និងមានរាងកោងផ្នែកខាងក្រោយ និងប្លែកកបំផុត។ ជាមួយនឹងការសាកថ្មដែលមានលឿនជាងមុននិងថ្មកាន់បានយូរជាងមុន។