កាលពីថ្ងៃទី 24 សីហា 2015 នេះ មានព្រឹត្តិការណ៍ដ៏កក្រើកមួយបានកើតឡើងទីក្រុងភ្នំពេញ ជាមួយនឹងក្រុមម៉ូតូធំ ដែលបានហែហមក្បួនរថយន្តទូរស័ព្ទ Galaxy Note 5 យក្ស និងប៊ិក S Pen ដែលមានភាពទាក់ទាញ និងធ្វើអោយមានការភ្ញាក់ផ្អើល អ្នកដែលធ្វើដំណើរតាមដងផ្លូវនានា។ នៅកម្មវិធីនេះ គឺមានបុរសនារីប្រមាណ 40 នាក់ មានសម្លៀកបំពាក់ និងមួកពណ៌ខៀវស្រស់ឆើតឆាយ អមមកជាមួយនូវស្នាមញញឹមរាក់ទាក់ ដែលនៅក្នុងដៃមានកាន់ទង់ដែលមានរចនាអក្សរ Note 5 បានជិះម៉ូតូដង្ហែរ ចេញពីខាងមុខអាគារភ្នំពេញ ទៅតាមដងផ្លូវនានាជាច្រើនកន្លែង និងបានបញ្ចប់នៅកោះពេជ្រ ។
លោកឆែ សុខឡេង ប្រធានផ្នែកផ្សព្វផ្សាយទីផ្សារនៃក្រុមហ៊ុន Samsung Electronic បានមាន ប្រសាសន៍ថា ក្បួនដង្ហែនេះ ជាការអបអរសាទរការមកដល់ នៃទូរស័ព្ទ Galaxy Note 5 មកកាន់ប្រទេសកម្ពុជា ក៏ដូចជាអបអរដល់ជោគជ័យធំមួយដល់ Galaxy Note ដែលជាប់ជាទូរស័ព្ទដែលមានប៊ិក និងពេញនិយមជាងគេបំផុតរបស់ពិភពលោក។ លោកបានថ្លែងថា ដោយសារតែចំនួនអ្នកកក់ និងទិញ Galaxy Note 5 នៅថ្ងៃសម្ពោធ ច្រើនហួសពីការរំពឹងទុក គឺសឹងតែអស់ពីស្តុក ដូច្នេះ វាគឺជាប្រវត្តិសាស្ត្រដ៏ជោគជ័យមួយ សម្រាប់ក្រុមហ៊ុនសាមសុង។ លោកសុខឡេង បានបន្ថែមថា យើងបានមើលឃើញថា អតិថិជនភាគច្រើន ឬសឹងតែទាំងអស់ ពេញចិត្តបំផុតទៅលើមុខងាររបស់ប៊ិក S Pen ហើយវាក៏ជាផ្នែកធំមួយ ដើម្បីជម្រុញការលក់នេះ ផងដែរ។
Galaxy Note5 ជាទូរស័ព្ទស្មាតហ្វូន ដែលមានកញ្ចក់ធំរាបស្មើ ងាយស្រួលក្នុងការសរសេរ និងមាន រាងកោងងាយស្រួលកាន់ ដោយប្រើដៃតែម្ខាង ពេលនិយាយទូរស័ព្ទ។ ជាមួយគ្នានេះផងដែរ ប៊ិក S Pen ដ៏ស្រស់ស្អាតថ្មី រចនាឡើងដើម្បីផ្តល់នូវទំនុកចិត្ត ក្នុងការប្រើប្រាស់ជាមួយនឹងមុខងារកាន់តែច្រើនជាងមុន។