កាលពីថ្ងៃអាទិត្យ ទី០៤ ខែតុលា នៅសណ្ឋាគារណាហ្គាវើល (NAGA World Hotel) ក្រុមហ៊ុន អែលខេនអន្តរជាតិកម្ពុជា (ELKEN International Cambodia Co.,Ltd) បានសម្ពោធជាផ្លូវការ ម៉ាស៊ីនចម្រោះទឹក “បាយអូព្យួ អ៊ុលត្រា” (BIO PURE ULTRA នៅក្នុងទីផ្សាប្រទេសកម្ពុជា។ ពិធីនេះរៀបចំធ្វើឡើង ដើម្បីបង្ហាញជូននូវផលិតផលថ្មីនៃម៉ាស៊ីនចម្រោះទឹករបស់អែលខេន ព្រមទាំងជំរុញលើកទឹកចិត្តដល់អតិថិជនក្នុងការជ្រើសរើសទឹកស្អាត និងមានសុវត្ថិភាពសម្រាប់សុខភាពកាន់តែប្រសើរ។
ម៉ាស៊ីនចម្រោះទឹកបាយអូព្យួ អ៊ុលត្រា មានលក្ខណៈពិសេសផ្សំឡើងពីប្រព័ន្ធចម្រោះ ៤ ដំណាក់កាលដែលអាចចម្រោះនូវភាពល្អិត បាក់តេរី គីស និងមេរោគចម្លងគីមីសរីរាង្គ។ នៅក្នុងពិធីនេះដែរ ក៏មានវត្តមានដ៏ខ្ពង់ខ្ពស់របស់ លោក Michael R.Long អនុបណ្ឌិតជំនាញឯកទេសទឹកស្អាតលំដាប់ពិភពលោក។ លោកបានបញ្ជាក់ថា “ការប្រើប្រាស់ឧបករណ៍ដែលទទួលស្គាល់ជាលក្ខណៈអន្តរជាតិ ហើយថែមទាំងមានការធានាគុណភាពក្នុងកម្រិតខ្ពស់ ចំពោះការផលិតផងនោះ គឺជាការធានាថា បាយអូព្យួ អ៊ុលត្រា គឺជាការដាក់ទុនដ៏ល្អបំផុតដែលអ្នកបានធ្វើ”។
សូមបញ្ជាក់ថា អែលខេន បាយអូព្យួ អ៊ុលត្រា មានឈ្មោះជាផលិតផលដែលទទួលបានភាពល្បីល្បាញជាង១៥ឆ្នាំមកហើយ និងមានចំនួនអ្នកប្រើប្រាស់រហូតដល់ទៅជាង ៣លាននាក់។ បាយអូព្យួ អ៊ុលត្រា ត្រូវបានផលិតឡើងតាមស្តង់ដាអន្តរជាតិ ISO 9001 និងស្របតាមបទដ្ឋាននៃសមាគមគុណភាពទឹកស្អាត ដែលមានគោលដៅតែមួយគត់គឺ ផលិតចេញជាប្រភេទផលិតផលមួយដែលល្អជាងគេបំផុតនៅលើពិភពលោក។