ក្រៅពីមានអេក្រង់រឹងមាំ និងមានរាងកោងដ៏ស្រស់ស្អាត Huawei G7 PLUS ត្រូវបានបំពាក់ដោយបច្ចេកវិទ្យាទំនើបៗជាច្រើនទៀតផងដែរ។ បច្ចេកវិទ្យាសម្គាល់ក្រយ៉ៅជំនាន់ថ្មីត្រូវបានបំពាក់នៅផ្នែកខាងក្រោយខាងក្រោមកាមេរ៉ា ដូចគ្នាទៅនឹងម៉ូដែល Mate 7 គ្រាន់មានកន្លែងស្គេនធំ ឆ្លាត សុវត្ថិភាព និងល្បឿនលឿនជាងមុនដោយប្រើរយៈពេលត្រឹមតែ 0.5 វិនាទីប៉ុណ្ណោះ (មួយពព្រិចភ្នែក)។ លើសពីនេះ ច្ចេកវិទ្យាសម្គាល់ក្រយ៉ៅដៃនេះអាចកំណត់មុខងារផ្សេងទៀតដូចជា មុខងារថតរូប ហើយប្រសិនបើអ្នកប៉ះ Sensor យូរបន្តិច អ្នកអាចលើកទូរស័ព្ទ ឬបិទម៉ោងរោទ៍បានទៀតផង។
អង្គប្រតិបត្តិការរបស់ Huawei G7 PLUS គឺប្រើប្រាស់នូវប្រភេទ Qualcomm® MSM8939™ ទំហំ 1.5GHz + 1.2GHz 8-core processor និងដំណើរការដោយប្រព័ន្ធប្រតិបត្តិការ Android 5.1 ហើយនិង Huawei EMUI 3.1។ កាមេរ៉ាក្រោយរបស់ Huawei G7 PLUS មានទំហំ 13 MP និងកាមេរ៉ា 5MP ដែលមានអង្គចងចាំ ROM: 32GB និង RAM: ទំហំ 3.0GB។ Huawei G7 PLUS មាន 167 ក្រាម និងមានថ្មដែលមានថាម ពល 3000 mAh។
Huawei G7 Plus នឹងចេញលក់ក្នុងប្រទេសកម្ពុជានៅពាក់កណ្ដាលខែតុលា ឆ្នាំ 2015 នេះ បើយោងតាមប្រភពព័ត៌មានដែលអាចយកជាការបានពីក្រុមហ៊ុន Huawei ប្រចាំប្រទេសកម្ពុជា។ Huawei G7 Plus ហៅម្យ៉ាងទៀតបានថា Huawei G8 អាស្រ័យទៅតំបន់ និងប្រទេសផ្សេងគ្នា ទទួលបានការចាប់អារម្មណ៍យ៉ាងខ្លាំង ជាមួយនឹងការរចនា ស្រោបដោយលោហៈភ្លឺរលោង និងមានផ្ទៃមុខស្តើងស្អាត គួរឲ្យទាក់ទាញបំផុត។ អេក្រង់របស់ Huawei G7 មានទំហំ 5.5 អ៊ីញ Resolution 1920x1080 ភិចសែល ប្រភេទ FHD ជាពិសេស គឺវាមានផ្ទៃកោង 2.5D ដែលជួយការពារឆ្កូត និងប្រេះស្រាំ។
