បើនិយាយអំពីស្មាតហ្វូននាពេលបច្ចុប្បន្ននេះ Samsung ត្រូវបានអ្នកប្រើប្រាស់ជាច្រើន ចាត់ទុកថា ជាស្មាតហ្វូន ដែលមានការពេញនិយម និងមានគុណភាពខ្ពស់បំផុត បើប្រៀបធៀបជាមួយនិងស្មាតហ្វូនដ៏ទៃទៀត។ ជាមួយនឹងការមកដល់របស់កំពូលស្មាតហ្វូន Samsung Galaxy Note5 នាពេលនេះ វារឹតតែធ្វើអោយក្រុមហ៊ុន សាមសុង កាន់តែមានភាពល្បីល្បាញខ្លាំងថែមទៀត។ ស្មាតហ្វូន Galaxy Note 5 ត្រូវបានក្រុមហ៊ុន Samsung ធ្វើការរចនាឡើងកាន់តែពិសេសសំរាប់បំពេញតំរូវចិត្តរបស់អ្នកប្រើប្រាស់ វាមានកម្រាស់ស្តើងជាង Galaxy Note ជំនាន់មុនៗរបស់វា។ បើនិយាយអំពីសមត្ថភាព និងភាពទំនើបស៊ីវីល៍យរបស់ Galaxy Note5 គឺអាចនិយាយបានថា នៅពេលបច្ចុប្បន្ននេះ នៅមិនមានស្មាតហ្វូនម៉ូដែលណាមួយអាចមកប្រៀបផ្ទឹមជាមួយនឹងវាបានឡើយ។
Samsung Galaxy Note5 គឺជាស្មាតហ្វូនដែល មានរូបរាងថ្មី និងអមមកជាមួួយនូវរចនាបថដ៏អស្ចារ្យ ដែលមើលទៅគឺ ស្ទើរតែខុសគ្នាទាំងស្រុងទៅនឹងជំនាន់មុនៗរបស់វា។ តួរទាំងមូលរបស់ Galaxy Note 5 គឺច្នៃប្រឌិត និងរចនាឡើងជាលក្ខណះ Unibody ដែលមានសភាពហាប់ជិតល្អ និងត្រូវបានផ្គុំឡើងអំពីលោហះដ៏ធាតុរឹងមាំ ជាពិសេសនោះ គឺវាបានរួមបញ្ចូលគ្នាជាមួយនឹងកញ្ចក់មានគុនភាពខ្ពស់ ធន់និងភាពឆ្កូត ដែលមិនអាចដោះបាន វាមានកម្រាស់ស្តើងត្រឹមតែ 7.6 មមប៉ុណ្ណោះ។ ចំពោះផ្នែកខាងក្រោយរបស់ Galaxy Note5 គឺមានរាងកោងនៅគែមទាំងសងខាង ដែលមើលទៅពិតជាប្លែក និងផ្តល់នូវទំនុកចិត្តខ្ពស់នៅពេលកាន់ជាប់ក្នុងដៃ ហើយនិងផ្តល់ភាពងាយស្រួលសំរាប់ការកាន់ប្រើប្រាស់ដោយប្រើដៃម្ខាង។ Galaxy Note 5 គឺបំពាក់ដោយអេក្រង់ទំហំ 5.7 អ៊ីង ប្រភេទ QHD Super AMOLED ដែលជាបច្ចេកវិទ្យាអេក្រង់ទំនើបចុងក្រោយបំផុតរបស់ Samsung មានសមត្ថភាពអាចបង្ហាញនូវកម្រិតដង់ស៊ីតេរូបភាពច្បាស់រហូតដល់ទៅទំហំ 518 ppi។ ចំពោះសមត្ថភាពនៃការបង្ហាញវីដេអូរបស់វាវិញ គឺស្មាតហ្វូន Galaxy Note 5 អាចទ្រទ្រង់បាននៅក្នុងកំរិតវិដេអូទំហំ 1440 x 2560 ភិចសែល ដែលស្មើរនឹងកំរិត 2K បានយ៉ាងច្បាស់ម៉ដ្ឋខៃ ត្រជាក់ភ្នែក និងមើលទៅគឺដូចធម្មជាតិពិតៗ។
Galaxy Note 5 គឺមានបំពាក់ជាមួយនូវកាមេរ៉ាថតរូប និងវីដេអូផ្នែកខាងក្រោយទំហំ 16 MP និងមានមុខងារ Autofocus ហើយនិង LED flash រួចជាស្រេច និងមានភ្ជាប់មកនូវកំរិត Aperture ទំហំ 1.9 fps ព្រមទាំងមានសមត្ថភាពចាប់យករូបភាពបានក្នុងកម្រិត 5312x298 ភិចសែល និងជាលក្ខណះវីដេអូបានក្នុងកម្រិត 2160p@30fps និង 1080p@60fps ព្រមទាំងមានកាមេរ៉ាមុខទំហំ 5.0 MP Autofocus ដែលអាចថតរូបភាពបានច្បាស់បំផុតនិងស័ក្តិសមសម្រាប់អ្នកដែលចូលចិត្តថតរូប Selfie។ Galaxy Note5 បំពាក់បន្ទះឈីបផ្ទាល់ខ្លួនប្រភេទ Samsung Exynos 7420, អង្គគណនាបួនគ្រាប់ (Quad-Core) ល្បឿន 1.5 GHz Cortex-A53 និង 2.1GHz Cortex-A57, រ៉េមទំហំ4GB និងប្រើអង្គក្រាហ្វិកប្រភេទ Mali-T760MP8។ Galaxy Note5 មានទំហំផ្ទុកស្រាប់ក្នុងម៉ាស៊ីន 32/64GB និងមិនមានរន្ធដោតបន្ថែមម៉េមូរីក្រៅ។
ប៊ិច S Pen ដែលបានបំពាក់មកជាមួយនិង Galaxy Note5 ជំនាន់ថ្មីនេះ គឺត្រូវបានរចនាឡើងមានរូបរាងថ្មី មានទំហំតូចស្អាត និងឆ្លាតវៃជាងមុនជាមួយនឹងមុខងារ Air Command។ លោកអ្នកអាចសរសេររាល់កំនត់ចំនាំ គូរគំនូផ្សេងៗនៅលើអេក្រង់ Note 5 បានយ៉ាងរលូន បើទោះបីជាអេក្រង់របស់ស្មាតហ្វូននេះបិទក៏ដោយ។ Galaxy Note 5 ត្រូវបានភ្ជាប់មកជាមួយនូវថ្មទំហំ 3,000 mAh។ ប៉ុន្តែ អ្វីដែលពិសេសសម្រាប់ Note5 គឺវាត្រូវបានបំពាក់ដោយបច្ចេកវិទ្យាសាកថ្ម ដែលអាចសាកបញ្ចូលភ្លើងបានយ៉ាងលឿនបំផុត។ សំរាប់រយះពេលនៃការសាកថាមពលថ្មពី 0% ទៅ 100% គឺវាប្រើពេលត្រឹមតែ 120 នាទី គឺស្មើនិងពីរម៉ោងប៉ុណ្ណោះ ហើយអ្វីដែលកាន់តែអស្ចារ្យនោះ គឺ Samsung Galaxy Note 5 មានមុខងារសាកថ្ម Wireless Charging ដែលស្មាតហ្វូនដ៏ទៃ នៅមិនទាន់អាចធ្វើបាននោះទេ។