1.Handlebar/Seatpost/Pole Mount
នេះគឺជាឧបករណ៍ថ្មីមួយដែលត្រូវបានគេច្នៃប្រឌិតឡើងសំរាប់កាមេរ៉ា GoPro។ វាមានសមត្ថភាពអាចធ្វើការភ្ជាប់ជាកាមេរ៉ាទៅលើមធ្យោបាយធ្វើដំណើរជាច្រើន ជាពិសេសការហាត់កីឡា ដូចជា ជិះកង់ ជិះស្គីលើទឹក ស្គឺលើទឹកកក និងភ្ជាប់ទៅហ្នឹងដងខ្លួនរបស់យើងជាដើម។ ជាមួយនឹងការប្រើប្រាស់ឧបករណ៍ជំនួយថ្មីមួយនេះ គឺវាអាចអោយអ្នកប្រើប្រាស់ GoPro កាន់តែមានភាពរីករាយ និងកាន់តែមានចំណាប់អារម្មណ៍ច្រើនថែមទៀតទៅលើកាមេរ៉ាដ៏តូចមួួយនេះ ដោយសារតែវាអាចធ្វើការផ្តិតយករូបភាព និងវិដេអូ រាល់សកម្មភាពទាំងអស់ដែលបានឆ្លងកាត់ ដោយមិនចាំបាច់កាន់ និងមិនចាំបាច់មានអ្នកជំនួយថតរូបនោះទេ ពិេសសវាផ្តល់នូវសុវត្ថិភាពខ្ពស់។
2.Jaws: Flex Clamp
មួយនេះវិញក៏មិនធម្មតាដែរ វាត្រូវបានគេរចនាយ៉ាងពិេសសសំរាប់បំពេញមុខងារជាមួយនឹងកាមេរ៉ា GoPro ផងដែរ។ វាគឺជាដង្កៀប ដែលអាចបទបែនបានគ្រប់តំរូវការ ហើយអាចភ្ជាប់កាេមរ៉ាដ៏តូចមួយនេះទៅហ្នឹងឧបករណ៍ផ្សេងៗទៀតបានយ៉ាងល្អ ហើយនឹងអាចចាប់យករូបភាព ក៏ដូចវីដេអូបានយ៉ាងច្បាស់ និងមិនចាំបាច់រំខានយើងឡើយ។ វាត្រូវបាប្រើប្រាស់ច្រើននៅតាមកន្លែងមួយចំនួនដូចជា ឌីជេនៅក្នុងឌីស្កូ អ្នកជិះយោងហក់ចុះក្រោម អ្នកជិះមូ៉តូលើទឹកកក និងអ្នកវាយកូនហ្គោលជាដើម។
3.The Handler (Floating Hand Grip)
ចំពោះអាមួយនេះវិញ គឺជាដង Selfie ដែលកំពុងតែពេញនិយមបំផុតសំរាប់អ្នកប្រើប្រាស់ GoPro នាពេលបច្ចុប្បន្ននេះ វាត្រូវបានគេប្រើប្រាស់ច្រើនបើប្រៀបធៀបទៅហ្នឹង Accessories មួយចំនួនផ្សេងទៀត។ ឧបករណ៍ដង Selfie នេះ គឺភាគច្រើនថតចំពីមុខ ហើយនិងតំរូវអោយអ្នកប្រើប្រាស់កាន់ជាប់រហូតមិនដូចមួយចំនួនទៀតនោះទេ។ វាអាចទាញចេញចូលបានតាមចិត្តដែលអ្នកចង់បាន។ លក្ខណះពិសេសរបស់វា គឺអាចធ្វើកាន់ថតនៅក្នុងទឹក កាន់ថតនៅពេលធ្វើចលនាលេងស្គីលើទឹកកក និងជិះរថភ្លើងលើអាកាស ហើយនឹងជិះក្តាបន្ទះលើឹទឹកជាដើម។
4.Wrist Housing
រីឯខ្សែរនាឡិកានេះវិញគឺពិតជាពិសេសសំរាប់អ្នកប្រើប្រាស់ GoPro វាត្រូវបានគេរចនាមានលក្ខណះសម្បត្តិដូចជាខ្សែរនាឡិកាអញ្ចឹង ហើយវាអាចភ្ជាប់ជាមួយនឹងកាមេរ៉ា GoPro បានយ៉ាងរឹងមាំ និងអាចបង្វិលតាមមុំដែលលោកអ្នកចង់បាន ហើយនឹងអនុញា្តអោយលោកអ្នកដែលប្រើប្រាស់ អាចធ្វើចលនបានតាមចិត្តមិនថានៅក្នុងស្ថានភាពបែបណានោះទេ តួយ៉ាងដូចជា ជិះក្តាបន្ទះ Surfing, ហែលទឹក Swimming, និងលោតឆ័ត្រយោងជាដើម។
5.Side Mount
សំរាប់មូ៉ដែលនេះវិញ គឺរឹតតែពេញចិត្តសំរាប់អ្នកធ្វើដំណើរតាមទោចក្រយាន និងទោច្រយានយន្ត ពិសេសក្រុមអ្នកប្រណាំងមូ៉តូ និនរថយន្ត Formula 1 ឬគេថា MotoGP។ ឧបករណ៍នេះគឺគេច្នៃឡើងគឺសំរាប់ភ្ជាប់កាមេរ៉ា GoPro អោយជាប់ជាមួយនឹងមួកសុវត្ថិភាព ពីព្រោះថា វាមានសមត្ថភាពអាចអោយអ្នកប្រើប្រាស់ធ្វើការកត់ត្រា និងផ្តិតយករូបភាព ក៏ដូចវិដេអូបានគ្រប់សកម្មភាព និងបានគ្រប់ពេលវេលាទាំងអស់ រាល់ពេលដែលលោកអ្នកធ្វើដំណើរនៅតាមដងផ្លូវ។ ម៉ូដែលនេះ ឃើញថា ត្រូវបានគេប្រើច្រើននៅក្នុងពេលប្រកួតកីឡា ដូចជា Baseball, ប្រណាំងឡាន ប្រណាំងមូ៉តូ និងជិះកង់កំសាន្តនៅតាមផ្លូវដ៏សែនពិបាកជាដើម។
6.Tripod Mounts
រីឯអាមួយនេះគឺជាជើងទម្រដែលពិសេសបំផុត ដែលត្រូវបានគេរចនាឡើងសំរាប់ភ្ជាប់ជាមួយនឹងកាមេរ៉ា GoPro ដើម្បីផ្តល់នូវភាពងាយស្រួលដល់អ្នកប្រើប្រាស់កាមេរ៉ាតូចមួយនេះ នៅក្នុងការចាំផ្តិតយករូបភាព និងិវិដេអូ ដែលមានប្លង់ល្អៗ តាមអ្វីដែលចង់បានដូចជា ការធ្វើចលនាវាយកូនហ្គោល ជិះស្គីបន្ទះលើទឹកកក និងថតការបាញ់កាំជ្រួច ថតរូបភាពព្រះអាទិត្យរាបលិច Sunset និងប្លង់មួយចំនួនទៀតដែលពិបាកនៅក្នុងការកាន់ថត។ វាមានជើងបី និងមានទំហំតូចអាចទប់កាមេរ៉ាបានយ៉ាងមានប្រសិទ្ធិភាព។
