នាព្រឹកថ្ងៃទី 20 ខែវិច្ឆិកា ឆ្នាំ 2015 នេះ នៅសណ្ឋាគារ ឡឺ រ៉ូយ៉ាល់ ក្រុមហ៊ុន LDI ENTERPRISE ដែលជាក្រុមហ៊ុននាំចូលផ្ដាច់មុខនូវនាឡិកាដៃម៉ាក CASIO ដែលរួមមាន ៖ G-Shock Baby G, Edi Fice, Protrex និង Sheenនៅក្នុងព្រះរាជាណាចក្រកម្ពុជា បានសហការជាមួយក្រុមហ៊ុន CASIO របស់ប្រទេសជប៉ុន រៀបចំឡើងនូវសន្និសិទសារពត៌មានស្តីអំពីព្រឹត្តិការណ៏ “SHOCK THE WORLD ភ្នំពេញ2015” ដែលជាកម្មវិធីលំដាប់ពិភពលោករបស់ G-SHOCK។
កម្មវិធីដ៏ធំនេះ មានការចូលរួមពីភ្ញៀវកិត្តិយសសំខាន់ៗដូចជា លោកស្រី គួច លីគាវ អគ្គនាយិកា ក្រុមហ៊ុនLDI ENTERPRISE , លោក គួច ណាវ នាយកប្រតិបត្តិក្រុមហ៊ុន LDI ENTERPRISE, លោក Atsushi Yamaoka នាយកគ្រប់គ្រងទូទៅផ្នែកលក់ និងទីផ្សាររបស់ក្រុមហ៊ុននាឡិកា CASIO ប្រទេសជប៉ុន លោក KIKUO IBE អ្នកបង្កើតនាឡិកាម៉ាក G-SHOCK ដែលនៅប្រទេសជប៉ុន និងតំណាងអ្នកចែកចាយនាឡិកា G-SHOCK ទូទាំងរាជធានីភ្នំពេញ។
នៅក្នុងព្រឹត្តិការណ៍លំដាប់ពិភពលោករបស់ G-SHOCK “SHOCK THE WORLD ភ្នំពេញ2015” ក្រុមហ៊ុន LDI ENTERPRISE និងក្រុមហ៊ុន CASIO របស់ប្រទេសជប៉ុនក៏បានដាក់បង្ហាញនាឡិកាដៃ 3 ម៉ូដដែលមានលក្ខណះពិសេសជាមួយរចនាបទបែបខ្មែរដូចជា៖ រចនាបទទី១៖ មានលក្ខណៈក្បាច់ខែ្មរ ដែលមានការច្នៃម៉ូដជាពិសេសពីក្រុមហ៊ុនCASIO សម្រាប់ប្រទេសកម្ពុជា ដែលរំលេចនូវក្បាច់រចនាបែបបុរាណ តែទាន់សម័យទៅតាមបច្ចុប្បន្នកាល ធ្វើឲ្យម៉ូដ នាឡិកាពោរពេញដោយលក្ខណៈពិសេស និងគួរឲ្យទាក់ទាញជាពិសេសពីក្រុមហ៊ុនCASIO សម្រាប់ប្រទេសកម្ពុជា ដែរ។
រចនាបទទី២៖ នាឡិកាមានការច្នៃម៉ូដបែបតន្ត្រី ដែលមានពណ៌ស ច្នៃរំលេចទៅដោយអក្សរភ្លេង រឺណោតភ្លេង ចំរុះពណ៌ ធ្វើឲ្យម៉ូដនាឡិកានេះ មានភាពទាក់ទាញបែបយុវវ័យ គួរឲ្យស្រលាញ់ពេញចិត្ត ជាពិសេសស ម្រាប់អ្នកដែលនិយមចូលចិត្តវិស័យចម្រៀង។ រចនាបទទី៣៖ មានការរចនាបទពិសេសតំណាងឲ្យប្រទេសកម្ពុជា ដែលប្លែកពីនាឡិកាផ្សេងៗ ពីព្រោះនាឡិកានេះ បានច្នៃរំលេចទៅដោយទង់ជាតិកម្ពុជា ដែលបង្ហាញពីអត្តសញាណជាតិខ្មែរ ជាពិសេសបង្ហាញពីភាពរឹងម៉ាំ របស់សុភាពបុរសទៀតផង។ លោក KIKUO IBE ដែលជាបិតារបស់នាឡិកា G-SHOCK ក៏បានធ្វើបទបង្ហាញពីប្រវត្តិ និងការបង្កើតនាឡិកាដៃ G-SHOCK ដ៏ភ្ញៀវកិត្តិយសទាំងអស់ផងដែរ។ អ្វីដែលកាន់តែពិសេសទៀតនោះ យើងក៏មានវត្តមានអញ្ជើញចូលរួមរបស់កំពូលតារាចម្រៀងពីររូបគឺ លោក ឆន សុវណ្ណរាជ និងកញ្ញា ឳក សុគន្ធកញ្ញា ក្នុងកម្មវិធីសន្និសិទកាសែតព្រឹត្តិការណ៍ពិភពលោក “SHOCK THE WORLD ភ្នំពេញ 2015” នេះផងដែរ។
