នៅថ្ងៃទី 18 ខែវិច្ឆិកា ឆ្នាំ 2015 OMEGA ដែលជាម៉ាកនាឡិកាស្វីដ៏ល្បីល្បាញលំដាប់ពិភពលោក និង THAKRAL ដែលជាភ្នាក់ងារពេញសិទ្ធិលក់នាឡិកា OMEGA នៅក្នុងប្រទេសកម្ពុជា បានធ្វើការចាក់បញ្ចាំងភាពយន្តពិសេសរឿង SPECTRE និងរៀបចំពិធីជប់លៀងពិសារស្រាក្រឡុកនៅរោងភាពយន្ត Major Cineplex នៅផ្សារទំនើប អ៊ីអន ម៉ល ដើម្បីអបអរសាទរដល់ការចេញផ្សាយខ្សែភាពយន្តលើកទី 24 របស់ James Bond នៅក្នុងប្រទេសកម្ពុជា។
ពិធីដ៏មហោឡារឹកនេះ គឺមានការអញ្ជើញចូលរួមពីសំណាក់ លោក Rikhi Thakral នាយកប្រតិបត្តិរបស់ក្រុមហ៊ុន Thakral Group ឯកឧត្ដម Naveen Srivastava ឯកអគ្គរដ្ឋទូតឥណ្ឌាប្រចាំព្រះរាជាណាចក្រកម្ពុជា និងឯកឧត្ដម បណ្ឌិត កៅ គីម ហួន រដ្ឋមន្ត្រីប្រតិភូអមសម្ដេចនាយករដ្ឋមន្ត្រីនៃព្រះរាជាណាចក្រកម្ពុជា ព្រមជាមួយភ្ញៀវកិត្តិយសជាច្រើននាក់ផ្សេងផងដែរ។
OMEGA ពិតជាមានភាពកក់ក្ដៅយ៉ាងខ្លាំងដែល 007 បានពាក់នាឡិកានេះអស់រយៈពេលជិតពីរទសវត្សរ៍មកហើយចាប់តាំងពីថតភាពយន្ត GoldenEye កាលពីឆ្នាំ 1995 មកម្ល៉េះ។ ភ្នាក់ងារសម្ងាត់ដ៏មានប្រជាប្រិយភាពរបស់ពិភពលោករូបនេះ មិនត្រឹមតែមានភាពល្បីល្បាញតាមរយៈការថតឈុតឆាកផ្សងព្រេងរបស់លោកប៉ុណ្ណោះទេ គឺថែមទាំងតាម រយៈការដើរតួជានិមិត្តរូបដែលមានស្ទីលដ៏អស្ចារ្យ ពោលគឺជាការរួមបញ្ចូលគ្នាមួយដែលធ្វើឲ្យ OMEGA និង 007 ក្លាយជាដៃគូដ៏ល្អបំផុត។
នេះគឺជាលើកដំបូងនៅក្នុងប្រវត្តិរបស់ លោក Bond នាឡិកាជាក់ស្ដែងដែលបានពាក់ដោយចារបុរសដ៏មានប្រជាប្រិយភាពរបស់ពិភពលោករូបនេះ ត្រូវបានដាក់លក់ជាម៉ូដែលមានចំនួនកំណត់។ នាឡិកា Seamaster ដ៏វិសេសនេះ ត្រូវបានដាក់តាំងបង្ហាញនៅទីតាំងដាក់បង្ហាញដ៏អស្ចារ្យលើសគេនៅខាងក្រៅសាល។ ភ្ញៀវកិត្តិយសទាំងអស់បានបណ្ដាក់គ្នាមើលនាឡិកានេះ។
នាឡិកា Seamaster ដ៏វិសេសនេះ មានចំនួនកំណត់ត្រឹមតែ 7007 គ្រឿងប៉ុណ្ណោះ និងមានបង្កប់លេខស៊េរីពិសេសតែមួយគត់សម្រាប់នាឡិកាមួយគ្រឿងៗ ព្រមទាំងមានស្លាកសញ្ញា SPECTRE ផងដែរ។ នាឡិកាដែលមានតួទំហំ 41 មីលីមែត្រ។ នាឡិកានេះគែមបញ្ឆិតៗនៃមុខនាឡិកាធ្វើពីសេរ៉ាមិចពណ៌ខ្មៅរលោង ស្រិលដោយមានទ្រនិចដើរពីរទិស មានលើខ្សែប្រភេទ NATO ពណ៌ខ្មៅ និងប្រផេះ។ នៅលើបន្ទះមុខពណ៌ខ្មៅនៃនាឡិកាមានបង្ហាញទ្រនិចម៉ោង និងទ្រនិចនាទី ព្រមទាំងមានទ្រនិចវិនាទីនៅចំកណ្ដាលតាមបែប lollipop។
នាឡិកានេះដំណើរការដោយចលនា Omega MasterCo-Axial Calibre 8400 និងមានថាមពលបម្រុងចំនួន 60ម៉ោង។ ហើយដោយសារតែនាឡិកានេះ ចាំបាច់ត្រូវបង្កើតឡើងឲ្យត្រូវនឹង របៀបរស់នៅជួបប្រទះនឹងឧបសគ្គច្រើនរបស់លោក Bond ទើបវាមានភាពធន់នឹងដែនម៉ាញ៉េទិចរហូតដល់ 15000 ហ្គូស និងធន់នឹងទឹករហូតដល់ជម្រៅ 300ម៉ែត្រ (1000 ហ្វីត ឬ 30បា)។ Thakral គឺជាភ្នាក់ងារពេញសិទ្ធិរបស់ Omega នៅក្នុងប្រទេសកម្ពុជា ឡាវ និងមីយ៉ាន់ម៉ា។ នាឡិកា Omega នៅក្នុងប្រទេសកម្ពុជា មានលក់នៅ Omega Boutique ក្នុងសណ្ឋាគារណាហ្គាវើល និង C.K. International ទីក្រុងភ្នំពេញ។
ទស្សនាវីដេអូខាងក្រោម៖