យោងតាមតួលេខបឋម ក្នុងឆ្នាំ 2015 ក្រុមហ៊ុន Bosch Group សម្រេចបាននូវផលលក់សរុបជាង 70 ពាន់លានអឺរ៉ូជាលើក ដំបូងបង្អស់ របស់ខ្លួន។ ក្រុមហ៊ុន ទទួលបានកំណើនប្រាក់ចំណូលប្រមាណដប់ភាគរយនៅក្នុងឆ្នាំមុន ហើយប្រាក់ចំណេញ ក៏ប្រសើរឡើងផងដែរ។ បន្ទាត់ពីទូទាត់ផលប៉ះពាល់មិនទៀងទាត់ទាំងឡាយ ប្រាក់ចំណេញទទួលបានប្រមាណ 4.5 ពាន់ លានអឺរ៉ូ។ អត្រាប្រាក់ចំណេញពីប្រតិបត្តិការ (មុនបង់ពន្ធ និងការប្រាក់) មានចំនួនប្រមាណ 6.5 ភាគរយ ដែលអត្រានេះខ្ពស់ ជាងកាលពីឆ្នាំមុនប្រសិនបើប្រៀបធៀបគ្នា។ អនុបាតមូលធន(Equity ratio) រក្សាបានក្នុងកម្រិតល្អ ហើយសន្ទាន័យភាព (Liquidity)រក្សានូវកម្រិតខ្ពស់ដោយទោះបីជាមានការចំណាយអស់រាប់ពាន់លានទៅលើការទិញយកភាគហ៊ុនទាំងអស់ពីក្រុមហ៊ុន BSH Hausgeräte GmbH និងក្រុមហ៊ុន Robert Bosch Automotive Steering GmbH ។ លោកបណ្ឌិត Volkmar Denner ប្រធានក្រុមប្រឹក្សាភិបាលនៃក្រុមហ៊ុន Robert Bosch GmbH បានមានប្រសាសន៍ថា៖ <<ដោយសារភាពខ្លាំងនៃ ការបង្កើតបច្ចេកវិទ្យាថ្មីរបស់យើង យើងអាចបន្តទទួលបានកំណើនអាជីវកម្ម បើទោះស្ថិតនៅក្នុងបរិយាកាសទីផ្សារ ប្រកប ដោយការប្រកួតប្រជែងខ្ពស់ និងនៅក្នុងទីផ្សារមួយចំនួនដែលនៅទ្រឹងក្នុងអំឡុងឆ្នាំ 2015.កត្តាចម្បងដែលនាំ ឱ្យទទួលបានការរីកចម្រើននៃអាជីវកម្មដូចនេះ គឺដោយសារតែការបងើ្កតឡើងបាននូវបច្ចេកវិទ្យាតភា្ជប់ (Connected World) ជាច្រើន។
Bosch កំពុងតម្រង់ទិសការវិវត្តនៃពិភពឌីជីថល
បច្ចេកវិទ្យាតភ្ជាប់ឧបករណ៍ប្រើប្រាស់តាមរយះប្រព័ន្ធអ៊ិនធឺណិត (Internet of Things) កំពុង តម្រង់ទិសអាជីវកម្មរបស់ Bosch ដែលនៅក្នុងករណីមួយចំនួនក្នុងកម្រិតមូលដ្ឋាន។ Bosch គឺជាក្រុមហ៊ុនតែមួយគត់នៅក្នុងពិភពលោកដែលសកម្មលើកម្រិត ទាំងបីនៃ បច្ចេកវិទ្យាតភ្ជាប់ឧបករណ៍ប្រើប្រាស់តាមរយះប្រព័ន្ធអ៊ិនធឺណិត។ Bosch Group ផ្តល់ជូននូវបច្ចេកវិទ្យាសំខាន់ៗ ដូចជា សិនសឺ និងកម្មវិធីកំព្យូទ័រដែលធ្វើឱ្យបច្ចេកវិទ្យាតភ្ជាប់អាចកើតឡើងទៅរួច ហើយក្រុមហ៊ុនក៏កំពុងអភិវឌ្ឍសេវាកម្ម បន្ថែមសម្រាប់ផ្នែកនេះ។ លោក Denner បានបន្តទៀតថា៖ ‹‹ជាមួយនឹងជំនាញរបស់យើងក្នុងផ្នែកសិនសឺ កម្មវិធីកំព្យូទ័រ និងសេវាកម្ម យើងកំពុងតម្រង់ផ្លូវរបស់ការអភិវឌ្ឍន៍នៃពិភពបច្ចេកវិទ្យាតភ្ជាប់ និងបើកផ្លូវសម្រាប់ឱកាសនៃអាជីវកម្មបន្ត បន្ថែមទៀត។ បន្លាស់ប្តូរនៃពិភពឌីជីថល គឺជាការគំរាមកំហែងមួយ។ ក៏ប៉ុន្តែសម្រាប់យើងវាក៏ជាឱកាសដ៏ធំមួយផងដែរ។ ឧទាហរណ៍ដូចជាកាលពីពីរទៅបីសប្តាហ៍មុន ក្រុមហ៊ុនបានប្រកាសចូលខ្លួនក្នុងទីផ្សារផ្ទះវ័យឆ្លាត (ផ្ទះដែលមានឧបករណ៍ ប្រើប្រាស់ដែលភ្ជាប់ទំនាក់ទំនងរវាងគ្នាដោយប្រព័ន្ធអ៊ិនធឺណិត)។ នៅក្នុងកម្មវិធីតាំងពិព័ណ៌ CES នៅ Las Vega, Bosch បានធ្វើការបង្ហាញជូននូវប្រព័ន្ធផ្ទះវ័យឆ្លាតរបស់ខ្លួនជាលើកដំបូង។
លទ្ធផលអាជីវកម្មនៅក្នុងឆ្នាំ 2014 តាមវិស័យនីមួយៗ
លទ្ធផលនៃការលក់នៅក្នុងឆ្នាំ 2015 មានលក្ខណះផ្សេងៗគ្នានៅគ្រប់វិស័យទាំងបួនរបស់ Bosch។ ដូចដែលលោកបណ្ឌិត Stefan Asenkerschbaumer នាយកផ្នែកហិរញ្ញវត្ថុ និងអនុប្រធានក្រុមប្រឹក្សាភិបាលពន្យល់៖ នៅក្នុងឆ្នាំ2015 យើងបន្ត ពង្រឹងជំហ និងភាពប្រគួតប្រជែងរបស់យើងនៅក្នុងវិស័យជាច្រើន ក៏ដូចជាបន្តជោគជ័យក្នុងការចាប់យក ចំណែកទីផ្សារ បន្ថែម។›› បើទោះបីជាផលិតកម្មយាន្តជំនិះនៅទូទាំងពិភពលោកមានកំណើនតិចតួចបំផុតក្តី អាជីវកម្មផ្នែកបច្ចេក វិទ្យាយាន្ត ជំនិះរបស់ Bosch បានទទួលបានភាពជោគជ័យផ្នែកលក់ គួឱ្យកត់សំគាល់ នេះបើយោងតាមលទ្ធផលជាបឋម។ តួលេខ លក់ជារួមមានការកើនឡើងចំនួន 12 ភាគរយរហូតដល់ 41.7 ពាន់លានដុល្លាអឺរ៉ូនៅក្នុងឆ្នាំ 2015។ ក្នុងចំណោមផលិតផល របស់ Bosch ដែលទទួលបានជោគជ័យជាងគេបំផុត គឺផលិតផលផ្នែកប្រព័ន្ធបាញ់ប្រេងម៉ាស៊ីនសាំ និងម៉ាស៊ូត ប្រព័ន្ធជំនួយ ការបើកបរ និងប្រព័ន្ធកំសាន្តនិងព័ត៌មាន (Infotainment systems)។ រីឯអាជីវកម្មផ្នែកផលិតផលប្រើប្រាស់ទូទៅក៏ទទួលបាន កំណើនខ្ពស់គួរឱ្យកត់សំគាល់ផងដែរ។ ក្រុមហ៊ុនអាចសម្រេចបាននូវកំណើនផលលក់ក្នុងឆ្នាំ 2015 ចំនួន 9.3 ភាគរយរហូត ដល់ 17.2 ពាន់លានអឺរូ។ ផលិតផលដែលអាជីវកម្មផ្នែកនេះលក់ដាច់បំផុតគឺឧបករណ៌ជាងគ្មានខ្សែរប្រើថ្មសាក និងផ្នែក ឧបករណ៍អគ្គីសនីយប្រើប្រាស់តាមផ្ទះដូចជាចង្ក្រានដែលប្រើបច្ចេកវិទ្យាតភា្ជប់ទំនាក់ទំនងជាមួយឧបករណ៍ផ្សេង (Connected stoves)។
អាជីវកម្មផ្នែកបច្ចេកវិទ្យាថាមពល និងសំណង់អគារ ទទួលបានកំណើនរហូតដល់ទៅ 11ភាគរយ ដែលខ្ពស់ជាងកាលពីឆ្នាំមុនគួរឱ្យកត់សំគាល់។ អាជីវកម្មផ្នែកនេះរកប្រាក់ចំណូលបានចំនួន 5,1 ពាន់លានអឺរ៉ូ។ ភាពជោគជ័យនេះទទួលបានមកពីផ្នែកសេវាកម្ម ប្រព័ន្ធសុវត្ថិភាពសម្រាប់គម្រោងសំណង់អគារធំៗ និងប្រព័ន្ធកម្តៅឆ្លាតវៃដែលប្រើបច្ចេកវិទ្យាតភ្ជាប់។ រីឯផ្នែកបច្ចេកវិទ្យាសម្រាប់ឧស្សាហកម្ម បន្តទទួលរងនូវផលប៉ះពាល់ពីការចុះទន់ខ្សោយនៃវិស័យវិស្វកម្មមេកានិកនៅទូទាំងពិភពលោក។ លទ្ធផលលក់ថយចុះប្រមាន 1.7ភាគរយមកត្រឹម 6,6 ពាន់លានអឺរ៉ូ។ ផ្នែកច្ចេកវិទ្យាគ្រឿងចក្របញ្ជាបានទទួលរងនៅផលប៉ះពាល់ពីការបន្តធ្លាក់ចុះនៃទីផ្សារវិស្វកម្មមេកានិកនៅក្នុងឆ្នាំ 2015។
លទ្ធផលអាជីកម្មនៅក្នុងឆ្នាំ 2015 តាមតំបន់នីមួយៗ
អាជីវកម្មរបស់ Bosch នៅក្នុងទ្វីបអឺរ៉ុបបានវិវត្តយ៉ាងវិជ្ជមាននៅក្នុងឆ្នាំ2015។ ការលក់នៅក្នុងតំបន់មានកំណើនខ្ពស់ជាងឆ្នាំ 2014៖ បើយោងតាមលទ្ធផលជាបឋម ការលក់របស់ក្រុមហ៊ុនបានកើន 4,2 ភាគរយដល់ទៅ 37,5 ពាន់លានអឺរ៉ូ។ ការលក់នៅក្នុងប្រទេសអាល្លឺម៉ង់ក៏ទទួលបានភាពវិជ្ជមានផងដែរ។ Bosch បានកត់ត្រានូវកំណើនការលក់ដ៏ខ្ពស់នៅក្នុងតំបន់អាមេរិកខាងជើង ដែលប្រាក់ចំណូលកើនឡើងគួឱ្យកត់សំគាល់រហូតដល់ទៅ 24ភាគរយ ស្មើទៅនឹង 12,6 ពាន់លានអឺរ៉ូ។ នៅក្នុងតំបន់អាមេរិកខាងត្បូង ស្ថានភាពនៅតែមានភាពលំបាក ដែលដូចទៅនឹងការវិវត្តផ្នែកលក់របស់ Bosch Group នៅក្នុងតំបន់នោះផងដែរ។ បើយោងតាមលទ្ធផលជាបឋម លទ្ធផលលក់ទទួលបាន 1,4 ពាន់លានអឺរ៉ូនៅក្នុងឆ្នាំ 2015 ដែលជាអត្រាថយចុះចំនួន 13 ភាគរយប្រៀបធៀបទៅនឹងឆ្នាំកន្លងមក។ នៅក្នុងតំបន់អាស៊ីប៉ាស៊ីហ្វិក Bosch សម្រេចបាននូវកំណើនលក់ 16 ភាគរយដល់ទៅ19,1 ពាន់លានអឺរ៉ូ។ Bosch បានឃើញនូវសក្តានុពលទីផ្សារក្នុងទ្វីបអាហ្វិក។ នៅក្នុងឆ្នាំ 2015 ក្រុមហ៊ុនបានបន្តពង្រីកសកម្មភាពរបស់ខ្លូននៅក្នុងតំបន់នេះបន្តទោះទៀត។
កំណើនបុគ្គលិកនៅក្នុងតំបន់អឺរ៉ុប អាស៊ីប៉ាស៊ីហ្វិក និងអាមេរិក
នៅទូទាំងពិភពលោក Bosch Group មានបុគ្គលិកសរុបចំនួនប្រមាណ 375.000 នាក់ បើគិតត្រឹមថ្ងៃទី 31 ខែធ្នូ ឆ្នាំ 2015។ សរុបមក ចំនួនបុគ្គលិកកើនឡើងជាង 17600 នាក់នៅក្នុងឆ្នាំ 2015។ កំណើនខ្ពស់បំផុតគឺនៅក្នុងតំបន់អឺរ៉ុបកណ្តាល និងខាងកើត ប្រទេសអាល្លឺម៉ង់ អាស៊ីប៉ាស៊ីហ្វិក និងសហរដ្ឋអាមេរិក។ តម្រូវការខ្លាំងបំផុត គឺអ្នកជំនាញផ្នែកព័ត៌មានវិទ្យា។
ទស្សនវិស័យសម្រាប់ឆ្នាំ 2016 ៖ វិជ្ជមាន ប៉ុនែ្តជាមួយការប្រុងប្រយ័ត្ន
សម្រាប់ឆ្នាំ 2016 Bosch ព្យាករណ៍កំណើនសេដ្ឋកិច្ចពិភពលោកជាមធ្យមត្រឹម 2.8 ភាគរយតែប៉ុណ្ណោះ។ លោកបណ្ឌិត Asenkerschbaumer បានមានប្រសាសន៍ថា ‹‹យើងក៏ត្រូវត្រៀមខ្លួនសម្រាប់ការឡើងចុះនៅក្នុងទីផ្សាររបស់ យើងទាំងក្នុង តំបន់ និងក្នុងឧស្សាហកម្មនីមួយៗ។ តាមភូមិសាស្ត្រនយោបាយ ស្ថានភាពនៅក្នុងឆ្នាំ 2016 នឹងនៅមានភាពស្មុគស្មាញ និងមិនច្បាស់នៅឡើយ។ បើទោះបីជាដូចនេះក្តី Bosch មានបំណងចង់បន្តកំណើនលក់របស់ខ្លួននៅក្នុងឆ្នាំនេះ ហើយកើន លើសទីផ្សារនានាដែលខ្លួនមានវត្តមាននៅក្នុងនោះ។ បើទោះបីជាត្រូវចំណាយយ៉ាងច្រើនលើការវិនិយោគសម្រាប់ ភាពជោគ ជ័យអាជីវកម្មនៅថ្ងៃអនាគត លទ្ធផល និង អត្រាប្រាក់ចំណេញពីប្រតិបត្តិការ (មុនបង់ពន្ធ និងការប្រាក់) នឹងត្រូវបន្តបង្កើន។
ជីវិតកាន់តែសមញ្ញ ងាយស្រួល និងប្រសើរគ្រប់មុខ ជាមួយបច្ចេកវិទ្យាតភា្ជប់
គោលដៅជាយុទ្ធសាស្ត្ររបស់ Bosch គឺផ្តល់ជូននូវដំណោះស្រាយផ្នែកបច្ចេកវិទ្យាតភ្ជាប់សម្រាប់យាន្តជំនិះ តភ្ជាប់ផលិតកម្ម និង តភ្ជាប់ប្រព័ន្ធថាមពល និងអគារ។ ក្រុមហ៊ុនបានសម្ពោធដំណោះស្រាយបច្ចេកវិទ្យាក្នុងផ្នែកនេះជាច្រើននៅក្នុងឆ្នាំ 2015 ។ លោក Denner បានមានប្រសាសន៍ថា៖ បច្ចេកវិទ្យាតភ្ជាប់ គឺជាផ្នែកមួយដ៏សំខាន់សម្រាប់ប្រឈមនឹងឧបសគ្គនៅថ្ងៃ អនាគត ដូចជាការខ្វះខាតធនធានដើម និងនគរូបនីយកម្ម។ ឧទាហរណ៍ដូចជា នៅក្នុងអគារដែលបំពាក់បច្ចេកវិទ្យាតភា្ជប់ ដ៏ឆ្លាតវៃ ការប្រើប្រាស់ថាមពលអគ្គីសនីយអាចត្រូវបានកាត់បន្ថយដល់ទៅ 40 ភាគរយ។ ត្រឹមឆ្នាំ 2020 គេហដ្ឋានប្រមាណ 230 ឬ 15 ភាគរយនៃគេហដ្ឋានសរុបទាំងអស់នៅទូទាំងពិភពលោក នឹងបំពាក់ជាមួយបច្ចេកវិទ្យាផ្ទះឆ្លាតវៃ។ លោក Denner បានមានប្រសាសន៍បន្តទៀតថា ប្រព័ន្ធ និងបច្ចេកវិទ្យាតភ្ជាប់ ត្រូវតែមានលក្ខណៈងាយស្រួលប្រើសម្រាប់អ្នកប្រើប្រាស់។ ហេតុដូច្នេះហើយ ទើបការអភិវឌ្ឍន៍ប្រព័ន្ធបច្ចេកវិទ្យាផ្ទះឆ្លាតវៃរបស់ Bosch ផ្តោតសំខាន់ទៅលើបទពិសោធន៍របស់អ្នក ប្រើប្រាស់។ ដោយមានកម្មវិធីមូលដ្ឋានតែមួយ ប្រព័ន្ធនេះ អនុញ្ញាតិឱ្យតភ្ជាប់បណ្តាញឆ្លាតវ័យនៃឧបករណ៍ជាច្រើនដូចជា ម៉ាស៊ីនកម្ដៅ សម្ភារះប្រើប្រាស់ក្នុងគេហដ្ឋាន ប្រព័ន្ធកំសាន្ត អំពូលភ្លើង ក៏ដូចជាប្រព័ន្ធសុវិត្ថិភាព។ គ្រប់ឧបករណ៍ប្រើបច្ចេក វិទ្យាតភ្ជាប់នៅក្នុងផ្ទះទាំងអស់ អាចបញ្ជាបានតាមរយះទូរស័ព្ទដៃស្មាតហ្វូនដោយប្រើកម្មវិធីតែមួយ។
ហានចាប់ផ្តើមក្នុងវិស័យអាជីវកម្មថ្មី ដោយប្រើភាពខ្លាំរបស់ខ្លួនក្នុវវិស័យអាជីវកម្មដែលកំពុងដំណើរការ
លោកបណ្ឌិត Denner បានមានប្រសាសន៍ថា៖ ‹‹យើងកំពុងបោះជំហានចូលក្នុងទីផ្សារដែលមានសក្កតានុពលភាពខ្ពស់ នៃបច្ចេកវិទ្យាផ្ទះឆ្លាតវៃ និងឧស្សាហកម្មប្រើបច្ចេកវិទ្យាឆ្លាតវៃ ហើយក្នុងពេលតែមួយយើងក៏កំពុងចាប់យកឱកាសសម្រាប់ វិស័យនៃអាជីវកម្មនានាដែលយើងកំពុងមានប្រតិបត្តិការសព្វថ្ងៃនេះផងដែរ។ ឱកាសទាំងនោះក៏មានផងដែរនូវប្រព័ន្ធយាន្ត ជំនិះប្រើអគ្គិសនី។ នៅក្នុងចំណោមការទិញយកក្រុមហ៊ុនដែលយើងបានធ្វើទាំងអស់នៅក្នុងឆ្នាំ 2015 ការទិញយកក្រុម ហ៊ុន Seeo Inc ដែលជាក្រុមហ៊ុនបង្កើតបច្ចេកវិទ្យាថ្មពិល ឬអាគុយ គឹជាការទិញយកដ៏សំខាន់បំផុតរបស់យើងនៅក្នុង ចំណោម ការទិញយកក្រុមហ៊ុនដែលយើងបានធ្វើទាំងអស់នៅក្នុងឆ្នាំ 2015។ ជាមួយនឹងក្រុមហ៊ុនថ្មីនេះ Bosch ឥលូវមាន ចំណេះធ្វើក្នុងវិស័យអាគុយ និងថ្ម។ ដូចលោកបណ្ឌិត Denner បានពន្យល់៖ ‹‹មិនថាអាជីវកម្មមួយនេះនឹងចូលរួម ការវិវត្តន៍ នៃវិស័យនេះទៅមុខបានល្អ ឬទេ Bosch នឹងតាំងចិត្តរួមចំនែកក្នុងការវិវត្តន៍នៃវិស័យនេះ។›› Bosch ក៏ឃើញ សក្កតានុពល ដ៏ខ្ពស់ក្នុងផ្នែកទោចក្រយាន្ត និងយានយន្តសម្រាប់វិស័យពាណិជ្ជកម្មផងដែរ។ នាពេលថ្មីៗនេះក្រុមហ៊ុនបានបង្កើតនូវផ្នែក អាជីវកម្មសម្រាប់ផ្នែកទោចក្រយានយន្ត និងយានយន្តសម្រាប់វិស័យពាណិជ្ជកម្មនេះដែលដាច់ដោយឡែកពីគេ ដើម្បីបម្រើ តម្រូវការទីផ្សារ និងអតិថិជនឱ្យកាន់តែប្រសើរជាងមុន។ ស្វ័យប្រវត្តិកម្ម អគ្គីសនីយកម្ម និងបច្ចេកវិទ្យាតភ្ជាប់ គឺជាផ្នែកដែល សំខាន់បំផុតក្នុងវិស័យយាន្តជំនិះ ហើយវានឹងមានឥទ្ធិពលលើផ្នែកទោចក្រក្រយាន្ត និងយានយន្តពាណិជ្ជកម្មផងដែរនា ថ្ងៃអនាគតដ៏យូរអង្វែង។ សម្រាប់យានយន្តបម្រើក្នុងវិស័យពាណិជ្ជកម្ម ស្វ័យប្រវត្តកម្មនឹងដើរតួកាន់តែសំខាន់ក្នុងការ កាត់ បន្ថយគ្រោះថ្នាក់ចរាចរណ៍។ ផ្ទុយទៅនឹងប្រព័ន្ធបេនសាំងដែលកំពុងប្រើប្រាស់សព្វថៃ្ងនេះ ប្រព័ន្ធបាញ់ប្រេងសម្រាប់ ទោចក្រ យានយន្ត នឹងកាត់បន្ថយការស៊ីប្រេង ក៏ដូចជារួមចំណែកយ៉ាងសំខាន់ក្នុងការការពារបរិស្ថាន ជាពិសេសក្នុងប្រទេស កំពុងអភិវឌ្ឍន៍។
ការកាត់បន្ថយឧស្ម័នផ្ទះកញ្ចក់ មិនអាចទៅរួចបានប្រសិនបើគ្មានម៉ាស៊ីនម៉ាស៊ូត
នៅក្នុងបរិបទនេះ លោកបណ្ឌិត Denner ក៏បានសង្កត់ធ្ងន់ទៅលើសារៈសំខាន់របស់បច្ចេកវិទ្យាម៉ាស៊ូតសម្រាប់ឆ្លើយតប ទៅ នឹងគោលដៅកាត់បន្ថយកំដៅផែនដី។ មានតែផ្តោតលើបចេ្ចកវិទ្យាប្រើប្រព័ន្ធម៉ាស៊ូតទេដែលជួយឱ្យអឺរ៉ុបសម្រេច បាននូវ គោល ដៅកាត់បន្ថយឧស្ម័ន CO2 បាន។ យានយន្តប្រើប្រព័ន្ធម៉ាស៊ីនម៉ាស៊ូត បញ្ចេញឧស្ម័ន CO2 តិចជាងប្រព័ន្ធម៉ាស៊ីន សាំងជាច្រើនគួឱ្យកត់សំគាល់។ លោកបណ្ឌិតបានបន្តទៀតថា៖ ‹‹ក្នុងការតស៊ូមតិអំពីគុណភាពខ្យល់ និងបញ្ហាមួយចំនួន ទៀតដែលទីក្រុងនានាកំពុងប្រឈមមុខជាមួយ ម៉ាស៊ូតមិនត្រូវបានរាប់បញ្ចូលទៅក្នុងបញ្ហាទាំងនោះនោះទេ តែថែមទាំង ក្លាយជាផ្នែកមួយនៃដំណោះស្រាយបញ្ហាទាំងនោះទៅវិញ។ ភាពអស្ចារ្យនៃម៉ាស៊ូតនេះ គឺអាចទៅរួចដោយសារបច្ចេក វិទ្យាតម្រងទំនើប។ ក្នុងករណីខ្លះ យានយន្តប្រើម៉ាស៊ូតអាចដល់ទៅសម្អាតល្បាយខ្យល់នៅក្នុងទីក្រុងធំៗផងដែរ។ ម៉ាស៊ូត គឺជាម៉ាស៊ីនសម្រាប់សម្អាតខ្យល់ លោកបណ្ឌិត Denner បានមានប្រសាសន៍យ៉ាងជាក់លាក់ថាបច្ចេកវិទ្យាម៉ាស៊ីន ម៉ាស៊ូន នឹងកាន់តែប្រសើរឡើង។ Bosch មានបច្ចេកវិទ្យាដែលអាចកាត់បន្ថយការបញ្ចេញឧស្ម័ននីត្រូហ្សេន អ៊ុកស៊ីតរបស់ម៉ាស៊ូត ឱ្យទាបបំផុត ទោះបីជាក្នុងលក្ខ័ណកំពុងបើកបរក្តី។ លោកបានបន្តទៀតថា៖ ‹‹គោលដៅអភិវឌ្ឍន៍ចម្បងរបស់យើង គឺការ អនុវត្តតាមស្តង់ដារ មិនថាតែនៅក្នុងកន្លែងធ្វើទេសត៍នោះទេ តែនៅពេលយានយន្តបើកបរនៅលើផ្លូវជាក់ស្តែងផងដែរ។ អស់មួយរយះពេលមកហើយដែល Bosch បានគាំទ្រពេញទំហឹងទៅលើការណែនាំនូវវដ្ត នៃការធ្វើតេសន៍យានជំនិះ ដែលកាន់តែប្រកដប្រជាសម្រាប់រង្វាស់ឧស្ម័នដែលបច្ចេញនៅពេលបើកបរនៅលើផ្លូវពិត។ លោកបណ្ឌិត Denner ក៏គាំទ្រ ដល់ការត្រួតពិនិត្យផលិតកម្មយានយន្តដោយស្ថាប័ណឯករាជ។
