នៅថ្ងៃទី 27 ខែមេសា ឆ្នាំ 2016 ក្រុមហ៊ុន GGear ដែលជាក្រុមហ៊ុនចែកចាយផ្តាច់មុខទូរស័ព្ទម៉ាក LG ប្រចាំប្រទេសកម្ពុជា បានសហការ ជាមួយក្រុមហ៊ុន Cellcard ប្រកាល សម្ពោធ និងចេញលក់ជាផ្លូវការនូវទូរស័ព្ទស្មាតហ្វូនថ្មីចំនួនពីរម៉ូដែល គឺ LG K7 និង LG K10 ដែលនិង ប្រារព្ធឡើងនៅការិយាល័យកណ្តាលរបស់ក្រុមហ៊ុន Cellcard ដែលមានការអញ្ជើញចូលរួមពីសំណាក់លោក លោក Kim Bong Soak ដែកជានាយកគ្រប់គ្រង LG Electronics ប្រចាំព្រះរាជាណាចក្រកម្ពុជា លោក លោក Laszlo Barta ដែលជានាយកផ្នែកពាណិជ្ជកម្ម ក្រុមហ៊ុនសែលកាត និងលោក Hor Hab អគ្គនាយករងក្រុមហ៊ុន GGear រួមជាមួយនឹងវត្តមានរបស់អ្នកសារព័តមានជាច្រើនរូប។
លោក Hor Hab ដែលជាអគ្គនាយករងក្រុមហ៊ុន GGear ដែលជាក្រុមហ៊ុនចែកចាយផ្តាច់មុខទូរស័ព្ទម៉ាក LG ប្រចាំប្រទេសកម្ពុជា បានមាន ប្រសាសន៍ថា បច្ជុប្បន្ននេះ ដោយសារតែតំរូវការស្មាតហ្វូននៅកម្ពុជានាពេល កំពុងតែមានការកើនឡើងពីមួយថ្ងៃទៅមួយថ្ងៃទើបក្រុមហ៊ុន GGear សំរេចនាំមកបន្ថែមនូវទូរស័ព្ទស្មាតហ្វូន LG K7/ K10 នេះ សំរាប់អតិថិជនកម្ពុជា ពីព្រោះថា LG K7/ K10 ជាទូរស័ព្ទស្មាតហ្វូនជំនាន់ថ្មី 2016 ដែលត្រូវបានក្រុមហ៊ុន LG រចនាឡើងជាពិសេសសំរាប់ផ្តល់ជូននូវបទពិសោធន៍ជាមួយបច្ចេកវិទ្យាថ្មីៗរួមទាំងអេក្រង់ធំ និង មានតម្លៃសមរម្យ។
លោក Laszlo Barta នាយកផ្នែកពាណិជ្ជកម្មរបស់ក្រុមហ៊ុន CellCard បានមានប្រសាសន៍ថា ការមកដល់ជាពិសេសនៃទូរស័ព្ទ LG K7 និង LG K10 ដែលបានសម្ពោធជាផ្លូវការនៅទីស្នាក់ការកណ្តាលរបស់ក្រុមហ៊ុនសែលកាត នាពេលនេះ គឺបានបង្ហាញអំពីការរួមសហការជាគ្នាដៃគូរដ៏ល្អបំផុតរវាងក្រុមហ៊ុន GGear និងក្រុមហ៊ុន CellCard នៅក្នុងការនាំយកទូរស័ព្ទស្មាតហ្វូន ដែលមានតំម្លៃសមរម្យបំផុត និងមានសមត្ថភាពប្រកបដោយគុណភាពខ្ពស់ ព្រមទាំងមានបំពាក់បច្ចេកវិទ្យាថ្មីៗ ទំនើបៗ ដែលកំពុងពេញនិយម ស្របពេលដែលក្រុមហ៊ុន សែលកាតបានផ្តល់ជូននូវគម្រោងពិសេសៗជាច្រើនសំរាប់អតិថិជនផងែដរ។
ស្មាតហ្វូន LG K10 ត្រូវបានបំពាក់មកជាមួយបន្ទះឈីប MediaTek MT6582 និងត្រូវបានភ្ជាប់មកជាមួយអង្គគណនាបួនគ្រាប់ប្រភេទ Quad-Core Cortex-A7 ល្បឿន 1.3GHz រួមជាមួយនឹងអង្គក្រាហ្វិច Mali-400MP, ទំហំ RAM 1.5GB ជាមួយនឹងអង្គចងចាំផ្ទុកក្នុងម៉ាស៊ីនស្រាប់ ដែលមានទំហំ 8GB ហើយថែមទាំងអាចដាក់បន្ថែមនូវមេម៉ូរីកាត (Memory Card) ប្រភេទ MicroSD និងមានទំហំថ្ម 2300mAh។ LG K10 មានអេក្រង់ថាច់ស្គ្រីន IPS LCD ទំហំ 5.3អ៊ីង អាចបង្ហាញចេញនូវកម្រិតរូបភាពបានកម្រិត HD និងមានកាមេរ៉ាទំហំ 8 មេហ្គាភិចសែ Autofocus, កាមេរ៉ា Selfie ទំហំ 5 មេហ្គាភិចសែល ដែលអាចថតរូបភាពបានយ៉ាងច្បាស់ ។
សំរាប់ LG K7 ត្រូវបានបំពាក់មកជាមួយបន្ទះឈីប MediaTek MT6580M និងត្រូវបានភ្ជាប់មកជាមួយអង្គគណនាបួនគ្រាប់ប្រភេទ Quad-Core Cortex-A7 ល្បឿន 1.3 GHz រួមជាមួយនឹងអង្គក្រាហ្វិច Mali-400MP2, ទំហំ RAM 1GB ,អង្គចងចាំផ្ទុកក្នុងម៉ាស៊ីនស្រាប់ទំហំ 8GB ហើយថែមទាំងអាចដាក់បន្ថែមនូវមេម៉ូរីកាត (Memory Card)ប្រភេទ MicroSD បានថែមទៀតផង,ថ្ម 2125 mAh។ អេក្រង់ដែលបានបំពាក់នៅលើ LG K7 មានទំហំ 5អ៊ីង ចំនុចពិសេសមួយទៀតនោះគឺ LG K7 មានកាមេរ៉ាទំហំ 8 មេហ្គាភិចសែល Autofocus, កាមេរ៉ាខាងមុខទំហំ 5 មេហ្គាភិចសែល ដែលអាចថតរូបភាពបានយ៉ាងច្បាស់ ។
នៅក្នុងឱកាសសម្ពោធស្មាតហ្វូនស៊េរីថ្មី LG K7/ K10 នេះ ក្រុមហ៊ុន GGear និងក្រុមហ៊ុន Cellcard បានផ្ដល់ជូន ការលក់ក្នុងតម្លៃពិសេស + កាដូពិសេសៗដូចជា ស៊ីមលេខពិសេស + ឥតគិតថ្លៃគម្រោងអស្ចារ្យ $1= $30 រយៈពេល 3 ខែ + 3GB និងលេង Facebook, WhatsApp, Viber & LINE ដោយឥតគិតថ្លៃ និងឥតកំណត់! រួមជាមួយ Free Power Bank, ស្រោមទូរស័ព្ទ, Screen Protector និងមានឱកាស បង្វិលកងសំណាង ដើម្បីមានរង្វាន់យ៉ាងច្រើនសន្ធឹកសន្ធាប់ដល់អតិថិជនទាំងអស់ក្នុងរាល់ការជាវទូរសព្ទ LG K7/ K10 ចាប់ពី ថ្ងៃ 27 ដល់ ថ្ងៃ ទី 30 ខែមេសា ឆ្នាំ 2016 នេះ តែប៉ុណ្ណោះ៕