នៅថ្ងៃទី 29 ខែមេសា ឆ្នាំ 2016 ក្រុមហ៊ុន Q-Office ដែលជាតំណាងចែកចាយផលិតផល Panasonic ប្រចាំកម្ពុជា បានធ្វើការដាក់សម្ពោធម៉ាស៊ីនថតចម្លងទំនើបថ្មីម៉ាក Panasonic DP-MB500 រួមមានពីរម៉ូឌែល DP-MB454CX & DP-MB536CX នៅសណ្ឋាគារអាំងទែរកុងទីណង់តាល់ ដោយមានការចូលរួមពីភ្ញៀវកិត្តិយសជាច្រើនរូប។ DP-MB500 ម៉ាស៊ីនថតចម្លងទំនើបថ្មី ត្រូវបានភ្ជាប់ដោយមុខងារដំណើរការប្រកប ដោយផលិតភាព និងគុណភាពខ្ពស់ ដែលរួមមានមុខងារថតចម្លង ព្រីន ស្កេន និងទូរសារ។
ម៉ាស៊ីនថតចម្លងថ្មីម៉ូឌែល DP-MB545 ផ្តល់នូវល្បឿនព្រីនលឿនរហ័សទាន់ចិត្តទាំងព្រីនម្ខាង និងសងខាងក្នុងល្បឿន 45 ទំព័រ/នាទី និងល្បឿន36 ទំព័រ/នាទី ចំពោះម៉ូឌែល DP-MB536 ហើយម៉ូឌែលថ្មីទាំងពីរនេះ អាចធ្វើការស្កេនថតចម្លង ក្នុងល្បឿន៤៥ទំព័រ/នាទីសម្រួលដល់ការងារបានកាន់តែច្រើន។ បន្ថែមពីលើមុខងារ ព្រីន ស្កេន ថតចម្លង និងទូរសារ ប្រភេទម៉ាស៊ីនថតចម្លង DP-MB500 អាចធ្វើការព្រីន ខ្នាតA3 បើទោះជាម៉ាស៊ីននេះមានរូបរាងតូចខ្នាត A4ក្តី។ លក្ខណៈពិសេស នេះមានន័យថាប្រភេទក្រដាស ច្រើនប្រភេទ ចាប់ពីទំហំ A6 រហូតដល់ទំហំ A3 អាចប្រើប្រាស់ បានជាមួយម៉ាស៊ីននេះ។
ចំណុចពិសេសមួយទៀតរបស់ម៉ាស៊ីនថតចម្លង DP-MB500 នេះ គឺការជួយសន្សំសំចៃដល់ អាជីវកម្មដែល ត្រូវការការបោះពុម្ពឯកសារក្នុងចំនួនច្រើនតាមរយៈមុខងារព្រីនត្រលប់សងខាងរហ័ស(Quick Duplexing) និងមានទឹកថ្នាំប្រើប្រាស់បានយូរកាត់បន្ថយថ្លៃចំនាយ។ DP-MB500 ក៏មានភ្ជាប់ជាមួយនូវបច្ចេកវិទ្យាទំនើបៗសម័យឌីជីថលផងដែរដូចជា មុខងារ ព្រីនសុវត្ថិភាព ដោយប្រើលេខសម្ងាត់ ការកំណត់លេខសម្ងាត់ប្រើប្រាស់តាមផ្នែក ព្រមទាំង Wifi សម្រាប់ការព្រីនពី ទូរស័ព្ទដៃ តាមរយៈកម្មវិធី AirPrint, Google Cloud Print ឬ Panasonic’s Mobile Print Application ហើយ Wi-Fi Direct អនុញ្ញាតឱ្យលោកអ្នកធ្វើការ ព្រីនដោយមិនបាច់ឆ្លងកាត់ Wi-Fi router ឡើយ។
លោក ធីម៉ូធី ខូ នាយកក្រុមហ៊ុន Q-Office បានបញ្ជាក់ថា ម៉ាស៊ីនថតចម្លងទំនើប Panasonic DP-MB500 ពិតជាសាកសមបំផុតសម្រាប់បម្រើដល់គ្រប់អាជីវកម្មសព្វថ្ងៃ ដោយយោងទៅលើគុណសម្បត្តិ ដ៏ល្អរបស់ម៉ាស៊ីននិងថ្លៃចំណាយលើការបោះពុម្ពទាបបំផុតមិនធ្លាប់មាន។ ក្នុងឱកាសនៃការដាក់សម្ពោធ ផលិតផលថ្មីនេះ ក្រុមហ៊ុន Q-Office បានសហការជាមួយគ្រឹះស្ថានមីក្រូហិរញ្ញវត្ថុ KK Fund ដើម្បីសហការផ្តល់ជូននូវកញ្ចប់សម្រាប់អាជីវកម្មពិសេស គឺកញ្ចប់បង់រំលោះឥតការប្រាក់ និងឥតបង់ប្រាក់កក់។
គ្រប់សហគ្រាស និងអាជីវកម្មទាំងអស់គ្រាន់តែធ្វើការបង់ក្នុងតម្លៃយ៉ាងទាបចាប់ពី 150ដុល្លា ក្នុងមួយខែ ដើម្បីក្លាយជាម្ចាស់ម៉ាស៊ីនថតចម្លងនេះភ្លាមៗ។ ជាពិសេសលោកអ្នកនឹងមានទំនុកចិត្តខ្ពស់ជាមួយការ ធានាជូនជាផ្លូវការរយៈពេល 3 ឆ្នាំ ។ Panasonic DP-MB545 មានតម្លៃ $4,000 ហើយ DP-MB536 មានតម្លៃ $3,600។ ជាមួយកម្មវិធីបង់រំលោះឥតការប្រាក់ និងឥតបង់ប្រាក់កក់ ពី KK Fund អតិថិជនអាចសន្សំបានរហូតដល់ ទឹកប្រាក់ $1,800 ពីថ្លៃនៃអត្រាការប្រាក់។
ពិសេស អតិថិជននឹងទទួលបាននូវ Roller Stand មួយមានតម្លៃ $95 និងក្រដាស A4 មួយដុំផងដែរ។ KK Fund នឹងធ្វើការសម្រេចផ្តល់ជូនកម្មវិធីបង់រំលោះនេះ ក្នុងអំឡុង ពេលបីថ្ងៃប៉ុណ្ណោះ។ អតិថិជនដែលមានចំណាប់អារម្មណ៍ចំពោះម៉ាស៊ីនថតចម្លង Panasonic ថ្មីនេះ សូមមេត្តា ទំនាក់ទំនងតាម ទូរស័ព្ទលេខ 015 969 808 ឬ 016 555 285។ ព័ត៌មានបន្ថែម លោកអ្នកក៏អាចអញ្ជើញមកសាកសួរ នៅក្រុមហ៊ុន i-Qlick/Q-Office ដែលមានអាស័យដ្ឋាន ស្ថិតនៅ អគារលេខ 146 មហាវិថីព្រះសីហនុ រាជធានីភ្នំពេញ។