Leagoo Alfa1 គឺជាស្មាតហ្វូនស៊ីមពីរស៊េរីថ្មីមួយដែលមានសមត្ថភាពល្អ ប្រសើរសម្រាប់ការ ប្រើប្រាស់ នៅលើម៉ូដែលនេះមានគុណសម្បត្តិពិសេសៗមួយចំនួនដូចជា អេក្រង់ធំទូលាយទំហំ 5.5”, កាមេរ៉ាថតរូបកម្រិត 13 មេហ្គាភិចសែល, អង្គគណនា 4 គ្រាប់ និង ដំណើរការដោយ Android Lollipop v5.1 ជាដើម។
Leagoo Alfa1 មានជម្រើសបីពណ៌គឺខ្មៅ ស និងផ្កាឈូក។ រូបរាងរបស់ Alfa1 គឺមើលទៅរាងសាមញ្ញបន្តិច ប៉ុន្តែការរចនាទូទៅរបស់ម៉ូដែលនេះក៏មានភាពទាក់ទាញខ្លាំងផងដែរ។ សំបកខាងក្រោយរបស់ Leagoo Alfa1 ជាជ័រស្វិតអាចដោះចេញបាន និងផ្នែកខាងមុខក្រាលដោយកញ្ចក់។ នៅចំហៀងខាងស្តាំទូរស័ព្ទមានប៊ូតុងបិទបើក-ចាក់សោរទូរស័ព្ទ, នៅខាងឆ្វេងវិញមានប៊ូតុងឡើងចុះសម្លេងរោទិ៍ ងាកមកខាងលើទូរស័ព្ទឃើញមានរន្ធដោតកាសខ្នាត 3.5 មម និងUSB។ផ្ទៃខាងមុខ Alfa1 ក្រាលដោយកញ្ចក់ទំហំ 5.5” ដែលនៅខាងក្រោមកញ្ចក់មានប៊ូតុងថាច់ស៊ិនស័រស៊ីធីវចំនូនបី និងខាងលើមានរន្ធឧប៉ាល័រស្តាប់ការសន្ទនា កាមេរ៉ា និងស៊ិនស័របិទពន្លឺអេក្រង់។ រីឯផ្នែកខាងក្រោយវិញមានកាមេរ៉ា អំពូល LED Flash មួយគ្រាប់ អក្សរ Alfa1, LEAGOOនិងឧប៉ាល័របំពងសម្លេង។ ចំនែករន្ធជើងស៊ីមកាតទាំងពីរ និងម៉េមូរីកាតស្ថិតនៅក្រោមសន្ទះខាងក្រោយ។
សម្រាប់ការកម្សាន្តទូទៅដូចជាមើលវីដេអូ ឆែកអ៊ីនធើណិត មើលព័ត៌មាន អានសៀវភៅអេឡិចត្រូនិក លេងហ្គេម ហ្វេសប៊ុក…ជាដើម Leagoo Alfa1 អាចបំពេញតាមតម្រូវការរបស់លោកអ្នកបានជាមួយនឹងអេក្រង់ថាច់ស្រ្គីនប្រភេទ IPS LCD កម្រិត HD ទំហំ 5.5” របស់វាដែលមានសមត្ថភាពទ្រទ្រង់ការបង្ហាញរូបភាពវីដេអូបានក្នុងទំហំ 1280x720px បានច្បាស់ល្អជាមួយកម្រិតដង់ស៊ីតេភាពម៉ដ្ឋ 267ppi។
ចំពោះកាមេរ៉ាសម្រាប់ផ្តិតយករូបភាព និងវីដេអូដែលភ្ជាប់មកជាមួយ Leagoo Alfa1 វិញមានទំហំ 13 មេហ្គាភិចសែលនៅផ្នែកខាងក្រោយប្រភេទ autofocus និងមានអំពូល LED flash មួយគ្រាប់ជាជំនួយក្នុងការថតរូប និងវីដេអូនៅទីដែលមានពន្លឺទាប។ ហើយកាមេរ៉ារបស់ Alfa1 អាចថតវីដេអូបានក្នុងកម្រិត HD-720px ក្នុងល្បឿន 60fps និងមានកាមេរ៉ាមុខទំហំ 5.0 មេហ្គាភិចសែលសម្រាប់ថតរូប Selfie ផងដែរ។
ផ្នែកខាងក្នុងរបស់ស្មាតហ្វូន Leagoo Alfa1 បានបំពាក់មកនូវបន្ទះឈីប MediaTek MT6580 ភ្ជាប់ដោយអង្គគណនាចំនួន 4 គ្រាប់ (Quad-Core Processor) ល្បឿនគណនា 1.3GHz, រ៉េមទំហំ 2GB និងប្រើអង្គក្រាហ្វិកប្រភេទ Mali-400។ ដូចនេះសម្រាប់ការប្រើការទូទៅ និងលេងហ្គេមកម្រិតមធ្យមវាអាចដំណើរការបានរលូនល្អគួរសម។ បន្ថែមពីនេះ Alfa1 ក៏មានភ្ជាប់នូវថ្មខ្នាត3,000mAh, ម៉េមូរីជាប់ម៉ាស៊ីនទំហំ 16GB និងអាចបន្ថែមម៉េមូរីក្រៅបានទំហំ 64GB។
Leagoo Alfa1 ត្រូវបានក្រុមហ៊ុនដាក់ឲ្យដំណើរជាមួយ Android Lollipop កំនែប្រែ 5.1 ជាមួយ Leagoo OSv1.1 និងប្រើយូរស័រអ៊ីនធើហ្វេសផ្ទាល់របស់ក្រុមហ៊ុន។ ដូចនេះលោកអ្នកនឹងទទួលបទពិសោធន៍ថ្មីជាមួយកម្មវិធី និងមុខងារប្រើប្រាស់ថ្មីដែលមានភ្ជាប់មកជាមួយស្មាតហ្វូន Leagoo Alfa1 មួយនេះ។ តាមអ្វីដែលក្រុមការងារទស្សនាវដ្តីពិភពអេឡិចត្រូនិក បានបរិយាខាងលើទាំងប៉ុន្មានទាក់ទងនឹងស្មាតហ្វូនស៊ីមពីររបស់ក្រុមហ៊ុន Leagoo ម៉ូដែល Alfa1 នេះលោកអ្នកអាចពិចារណាដើម្បីជាវយកទៅប្រើប្រាស់បានជាមួយនឹងស្មាតហ្វូនមួយនេះ។
សូមជំរាបថា ឥលូវនេះ Leagoo Alfa1 (ROSE GOLD) ចេញលក់ហើយ! អាចទំនាក់ទំនងទូរស័ព្ទ 098 39 88 11.
