កាលពីថ្ងៃទី 18 ឧសភា ឆ្នាំ 2106 កន្លងទៅថ្មីៗនេះ ក្រុមហ៊ុន G Gear បានចាប់ដៃគ្នាជាមួយនឹងក្រុមហ៊ុន Hyundai បានធ្វើការប្រកាសជាផ្លូវការ និងបាន ចុះកិច្ចព្រមព្រៀងលើភាពជាដៃគូពាណិជ្ជកម្ម នៅក្នុងការនាំមកនូវផលិតផលជណ្តើរយន្តម៉ាក Hyundai មកកាន់ទីផ្សារនៃព្រះរាជាណាចក្រកម្ពុជា ដែលពពីធីនេះ បានប្រព្រឹត្តធ្វើឡើងនៅសណ្ឋាគារ Himawari រាជធានីភ្នំពេញ។
យោងតាមការបញ្ជាក់របស់ក្រុមហ៊ុន G Gear ដែលជាអ្នកចែកចាយផលិតផលថ្មីនេះ បានអោយដឹងថា ដោយមើលឃើញសន្ទុះតម្រូវការកើនឡើងតាមរយៈភាពរីកចំរើននៃវិស័យសំណង់អាគារខ្ពស់ៗក្នុងទីផ្សារកម្ពុជា ជាពិសេសទីក្រុងភ្នំពេញ ទើបក្រុមហ៊ុន G Gear បាននាំចូលជណ្តើរយន្តម៉ាក Hyundai មកក្នុងប្រទេសកម្ពុជា។ បើគិតចាប់ពីដើមឆ្នាំ 2015 មកក្រុមហ៊ុន G Gear បានធ្វើការផ្គត់ និងតំឡើងជណ្តើរយន្ត នៅតាមអាគារទាំងក្នុងនិងក្រៅប្រទេសដូចជា The Sky Apartment, មន្ទីពេទ្យបង្អែករាជធានីភ្នំពេញ, ធានាគារ Booyoung នៅប្រទេសឡាវ ព្រមទាំងការរដ្ឋានមួយចំនួនទៀត។ ក្រុមហ៊ុន G Gear បានបន្ថែមថា ខ្លួននឹងបង្កើនកិត្យានុភាពអោយបានកាន់តែខ្លាំងថែមទៀត ដើម្បីជាការឆ្លើយតបទៅតាមតំរូវការដែលកំពុងតែមានការរកើនឡើងនាពេលនេះ។ តាមរយៈការប្រកាសជាផ្លូវការជាមួយនឹងក្រុមហ៊ុន Hyundai នៅពេលនេះ គឺនឹងឲ្យអតិថិជន ក៏ដូចជាដៃគូពាណិជ្ជកម្មកាន់តែមានទំនុកចិត្តទៅលើក្រុមហ៊ុន G Gear កាន់តែខ្លាំង ជាពិសេសគឺត្រូវបានទទួលស្គាល់ពី ក្រុមហ៊ុន Hyundai Elevator ដែលជាក្រុមហ៊ុនផលិតជណ្តើរយន្តប្រកបដោយគុណភាពនិងបច្ចេកវិទ្យាទំនើបក្នុងពិភពលោកពិតប្រាកដមែន។
លោក ដាន គីម ដែលជាអគ្គនាយករងនៃក្រុមហ៊ុន Hyundai Elevator បានមានប្រសាសន៍ថា “ជណ្តើរយន្តម៉ាក Hyundai គឺជាប្រភេទជណ្តើរយន្តដែលមានល្បឿនលឿនជាងគេក្នុងពិភពលោក ក្រុមហ៊ុន Hyundai Elevator បាននាំមកនូវបច្ចេកវិទ្យាឈានមុខគេ ជាមួយនឹងល្បឿន 1080 ម៉ែតក្នុង1នាទី។ ក្នុងនោះដែរ ក្រុមហ៊ុន Hyundai Elevator ទើបនឹងតំឡើងជណ្តើរយន្តដែលមានល្បឿនលឿនដោយប្រើប្រាស់រយៈពេលតែ 42 វិនាទីដើម្បីឡើងទៅជាន់ទី 63 នៃដំបូលអាគារក្នុងប្រទេសកូរ៉េ”។
តាមប្រសាសន៍របស់លោកឧកញ៉ា សុខ ពិសិដ្ឋ នាយកប្រតិបត្តិរបស់ក្រុមហ៊ុន G Gear បានបញ្ជាក់ឲ្យដឹងថា នៅក្នុងកិច្ចសហការរវាងក្រុមហ៊ុន G Gear និងក្រុមហ៊ុន HyundaiElevator នៅពលេនេះ យើងនឹងនាំយកជណ្តើរយន្ត ដែលមានបច្ចេកវិទ្យាឈានមុខគេព្រមទាំងគុណភាពស្តង់ដារខ្ពស់មកកាន់ទីផ្សារកម្ពុជា ថែមទាំងបង្កើនឱកាសការងារដល់ប្រជាពលរដ្ឋកម្ពុជាផងដែរ”។ លោកក៏បានបន្ថែមថា យើងនឹងខិតខំបង្កើនប្រតិបត្តិការណ៍ពាណិជ្ជកម្មរវាង ព្រះរាជាណាចក្រកម្ពុជា និងសាធារណៈរដ្ឋកូរ៉េតាមរយៈភាពជាដៃគូនេះ”។ ក្រុមហ៊ុនយើងមានផ្គត់ផ្គង់ជណ្តើរយន្តជាច្រើនប្រភេទដូចជា ជណ្តើរយន្តដឹកអ្នកដំណើរ (Passenger Elevator), ជណ្តើរយន្តកញ្ចក់ (Observation Elevator), ជណ្តើរយន្តដឹកទំនិញ (Freight Elevator), ជណ្តើរយន្តដឹកអ្នកជំងឺ (Hospital Elevator), ជណ្តើរយន្តជើង (Escalator), Moving Walk។ សំរាប់ទំនាក់ទំនងផ្នែកលក់និងសេវាកម្ម សូមធ្វើការទាក់ទងមកកាន់ ក្រុមហ៊ុន G Gear ដែលមានទីតាំងស្ថិតនៅ ផ្ទះលេខ 135A មហាវិថីមុនីវង្ស សង្កាត់មនោរម្យ ខណ្ឌ៧មករា រាជធានីភ្នំពេញ ឬទូរស័ព្ទមកលេខ 023 888 399។