ក្រសួងប្រៃសណីយ៍ និងទូរគរមនាគមន៍កម្ពុជា តាមរយះវិទ្យាស្ថានជាតិ NIPTICT នៃក្រសួងប្រៃសណីយ៍ និងទូរគមនាគមន៍ បានរៀបចំឡើងនូវកម្មវិធីប្រកួតប្រជែង ពានរង្វាន់បចេ្ចកវិទ្យាគមនាគមន៍ និងព័ត៌មានកម្ពុជាឆ្នាំ 2016 ដែលកម្មវិធីប្រកួតប្រជែងពានរង្វាន់បចេ្ចកវិទ្យាគមនាគមន៍ និងព័ត៌មានកម្ពុជាឆ្នាំ 2016 នេះ និងផ្តល់ឳកាសក្នុងការជំរុញនវានុវត្តក្នុងវិស័យបចេ្ចកវិទ្យាគមនាគមន៍ និងព័ត៌មាន ក៏ដូចជាលើកទឹកចិត្តការបង្កើតគំនិតថ្មីៗ លើវិស័យនេះ ក្នុងចំនោមក្រុមហ៊ុនឯកជន និងស្ថាប័នពាក់ពាន់និង វិស័យបច្ចេកវិទ្យាគមនាគមន៍ និងព័ត៌មាននានានៅក្នុងព្រះរាជាណាចក្រកម្ពុជា។ គោលបំណងនៃការប្រកួតនេះ គឺដើម្បីលើកទឹកចិត្តដល់សហគមន៍ នៅក្នុងប្រទេសយើងឱ្យ មានគំនិតច្នៃប្រឌិតខ្លាំងជាងមុន ក្នុងការបង្កើតអាជីវកម្ម ក៏ដូចជាសេវាកម្មថ្មីៗ ។
សំរាប់ជ័យលាភីលេខ៣ នឹងទទួលបានទឹកប្រាក់ 1000 ដុល្លារ ជ័យលាភីលេខ 2 នឹងទទួលបានទឹកប្រាក់ 2000 ដុល្លារ និងជ័យលាភីលេខ1 នឹងទទួលបានទឹកប្រាក់ 5000 ដុល្លារ។ កម្មវិធីប្រកួតប្រជែងថ្នាក់ជាតិនេះក៏ នឹងផ្តល់ឱកាសផ្ទាល់ពីជ័យលាភី ពីកម្មវិធីក្លាយជាដំណាងរបស់ព្រះរាជាណាចក្រកម្ពុជា ក្នុងការចូលរួមការប្រកួតប្រជែងពានរង្វាន់បច្ចេកវិទ្យាគមនាគមន៍ និងព័ត៌មានថ្នាក់អាស៊ានឆ្នាំ 2016 Asean ICT Awards 2016 ផងដែរ។ ការចាប់ផ្តើមទទួលពាក្យប្រកួតប្រជែងនេះ គឺពីថ្ងៃទី 25 មីនា ឆ្នាំ 2016 និងឈប់ទទួលពាក្យនៅថ្ងៃទី 25 ឧសភា ឆ្នាំ 2016 ខាងមុខនេះ។
ការប្រកាសលទ្ធផលជ្រើសរើសជ័យលាភី នៅក្នុងវគ្គពាក់កណ្តាលផ្តាច់ព្រ័ត្រ គឺនៅថ្ងៃទី 31 ឧសភា ឆ្នាំ 2016។ ហើយសំរាប់ការជ្រើសរើសវគ្គផ្តាច់ព្រ័ត្រ នឹងប្រព្រឹត្តិទៅនៅថ្ងៃទី 10 មិថុនា ឆ្នាំ 2016។ រីឯពិធីប្រគល់ពានរង្វាន់សំរាសប់ជ័យលាភី គឺនៅថ្ងៃទី 10 មិថុនា ឆ្នាំ 2016 និងបញ្ជូនម្ចាស់ជ័យលាភីទៅប្រកួតថ្នាក់តំបន់អាស៊ាននៅថ្ងៃទី 17 មិថុនា ឆ្នាំ 2016។
សម្រាប់ការទាញយក សំណុំបែបបទចូលរួមប្រកួតប្រជែង អាចរកបានតាមរយៈគេហទំព័រ www.cambodiaictaward.com ដោយផ្ទាល់ រួចបំពេញឈ្មោះតាមរយៈទំរង់ពាក្យអេឡិចត្រូនិក រួចផ្ញើ URL វិដេអូលើ Youtube មុននឹងចុចប៊ូតុង Submit។ បេក្ខជន/ ក្រុមហ៊ុន ត្រូវដាក់សំណុំបែបបទចូលរួម កម្មវិធីប្រកួតប្រជែង និងឯកសារពាក់ព័ន្ធដទៃទៀត ក្នុងស្រោមសំបុត្របិទជិតដោយដៃ ជាមួយត្រាបញ្ជាក់ក្រុមហ៊ុនរបស់សាម៉ីខ្លួន ហើយផ្ញើទៅកាន់ក្រសួងប្រៃសនីយ៍ និងទូរគមនាគមន៍ ឬអ៊ីម៉ែលអាស័យដ្ឋាន [email protected]៕
