កាលពីថ្ងៃទី 21 ខែមិថុនា ឆ្នាំ 2016 នេះ ក្រុមហ៊ុន សែលកាត បានធ្វើការប្រគល់រង្វាន់ ដល់អ្នកអតិថិជនរបស់ខ្លួន ដែលបានឈ្នះរង្វាន់ក្នុងកម្មវិធី 10K ដែលប្រព្រឹត្តិនៅទីស្នាក់ការកណ្តាលរបស់ក្រុមហ៊ុនរបស់ខ្លួន។ អតិថិជន 1 រូប ដែលបានមកទទួលរង្វាន់ជាមួយក្រុមគ្រួសារ បានបង្ហាញពីអារម្្មណ៍ រំភើប និងមានទឹកមុខសប្បាយរីករាយ ព្រមទាំងនិយាយរដេបរដុប ស្ទើរតែរកពាក្យនិយាយ មិនបាននៅចំពោះមុខអ្នកសារព័ត៌មានជាច្រើនរូប។
អ្នកឈ្នះរង្វាន់មានឈ្មោះថា លោក នោម ហ៊ីម មានមុខរបរជាជាងឡាន ដែលស្នាក់នៅទីក្រុងភ្នំពេញបានឈ្នះរង្វាន់ 30000 ដុល្លារសហរដ្ឋអាមេរិច កាលពីថ្ងៃទី 08 ខែមិថុនា ឆ្នាំ 2016។ គួរបញ្ជាក់ផងដែរថា អតិថិជនឈ្នះរង្វាន់ 30000 ដុល្លាររូបនេះ បានលេងកម្មវិធី 10K ដោយធ្វើការវាយអក្សរ 10K ផ្ញើរសារទៅកាន់លេខ 8888 ជាការស្រេច ហើយអតិថិជន សែលកាត ទាំងអស់ ក៍អាចចូលរួមផ្សងសំណាង ដើម្បីក្លាយជាអ្នកឈ្នះបន្ទាប់បានផងដែរ៕