ថ្មីៗនេះក្រុមយុវជនសកម្ម AIESEC ភ្នំពេញ កំពុងរៀបចំគម្រោងកម្មវិធី “ដំណើរវិវឌ្ឍន៏ខ្លួនឆ្ពោះទៅខាងមុខ (Beyond Yourself)” ដែលនឹងត្រូវប្រារព្ធឡើងនៅ សកលវិទ្យល័យបញ្ញាសាស្ត្រ ថ្ងៃសៅរ៏ទី 25 ខែមិថុនា 2016។ “ដំណើរវិវឌ្ឍន៏ខ្លួនឆ្ពោះទៅខាងមុខ (Beyond Yourself)” គឺជាកម្មវិធី លើកទី 2 បន្ទាប់ពីទទួលបានការគាំទ្រ និងចូលរួមយុវជន សិស្សនិស្សិត និងពីបណ្តាដៃ សហការ និង ក្រុមហ៊ុននានាកាលពីឆ្នាំ 2015 កន្លងទៅ។ សម្រាប់ឆ្នាំ 2016 នេះ កម្មវិធី “ដំណើរវិវឌ្ឍន៏ខ្លួនឆ្ពោះទៅខាងមុខ (Beyond Yourself)” ទទួលបានការគាំទ្រធំពីក្រុមហ៊ុន ផ្តល់ដំណោះស្រាយផ្នែកព័ត៌មានវិទ្យានិងបច្ចេកវិទ្យាទូរគមនាគមន៏ ( ICT) ដ៏ឈានមុខគេ គឺក្រុមហ៊ុន Huawei ដែលកំពុងល្បីលើកឆាកទីផ្សារស្មាតហ្វូន Huawei P9 P9 Plus និង P9 Lite។
កញ្ញា ឈឹម សុវណ្ណរ័ត្ន វ័យ 20 ឆ្នាំ ជាប្រធាន ក្រុមយុវជនសកម្ម AIESEC ភ្នំពេញ បានឲ្យដឹងថា ក្រុមយុវជន AIESEC ភ្នំពេញ រៀបចំកម្មវិធីនេះឡើងក្នុងគោលបំណង បំផុសស្មារតីយុវជន ជាពិសេសគឺ សិស្សនិស្សិតក្នុងថ្នាក់មហាវិទ្យា ឲ្យចេះចាប់យកឱកាស ចុះកម្មសិក្សា រីធ្វើការស្ម័គ្រចិត្តនៅឯបរទេស។ កម្មវិធីនេះគឺបង្រៀនយុវជន ពីគន្លឹះក្នុងការរៀបចំខ្លួនជាស្រេចសម្រាប់ ដណ្តើមយកជ័យលាភី ទទួលបានការចុះកម្មសិក្សា រឺធ្វើការស្ម័គ្រចិត្តនៅខាងក្រៅប្រទេស ដោយមានវាលគ្មិនល្បីៗ មានបទពិសោធន៏ជោគជ័យ ចែករំលែក និងបង្ហាញនូវទិសដៅឲ្យរឹតតែឃើញច្បាស់ពីគោលដៅ និងក្តីស្រមៃរបស់ខ្លួន។ ក្នុងកម្មវិធីនេះត្រូវបានរំពឹងទុកថានឹងមានការចូលរួមពីសំណាក់សិស្សនិស្សិត រឹតតែច្រើនជាងឆ្នាំមុន ដោយតម្លៃសំបុត្រគឺត្រឹមតែ 1 ដុល្លា ស្នើរនឹង 4000 រៀល សម្រាប់អាហារសម្រន់ និងចូលរួមកម្មវិធី។
“វាជាកម្មវិធីល្អ! មកទល់ពេលនេះ យើងលក់សំបុត្របានជាង 200 សំបុត្រហើយ។ យើងរំពឹងទុកថា កម្មវិធីនេះ នឹងមានអ្នកចូលរួមពី ៣០០ ទៅ៥០០ នាក់” សុវណ្ណរ័ត្ន និយាយ “ជាពីសេសយើងមានការចូលរួមឩបត្ថម្ភធំពីក្រុមហ៊ុន Huawei ដែលកំពុងល្បីល្បាញនូវកំពូលស្មាតហ្វូន Huawei P9, P9 Plus និង P9 Lite។ កម្មវិធី “ដំណើរវិវឌ្ឍន៏ខ្លួនឆ្ពោះទៅខាងមុខ (Beyond Yourself)” បើកឲ្យឱកាសឲ្យសិស្សនិស្សិត មានសិទ្ធបង្ហាញនូវគោលដៅ ការរៀបចំផែនការសម្រាប់អនាគត ចែករំលែកនូវបទពិសោធន៏នៃភាពជោគជ័យរវាងគ្នានឹងគ្នានៅលើវេទិការសាធារណៈ។
កញ្ញា ប៊ុន រ័ត្ននីតា គឺជាយុវតីមួយរូបដែលទទូលបានជោគជ័យនិងទទួលបានឱកាសចុះកម្មសិក្សា និងការដកស្រង់នូវបទពិសោធន៏ នៅឯប្រទេសថៃ កាលពីឆ្នាំទៅ និយាយថា “រយៈពេល 6 សប្ហាហ៏ គឺពិតជាមានន័យសម្រាប់នាងខ្ញុំ ក្នុងការដកស្រង់នូវបទពិសោធន៏ការងារស្ម័គ្រចិត្តក្នុងប្រទេសថៃ។ បើទោះបីជាប្រទេសកម្ពុជា នៅជិតប្រទេសថៃក៏ដោយ ប៉ុន្តែមានចំណុចខុសគ្នាជាច្រើនរវាងប្រទេសទាំងពីរ។ ជាពិតជាពិបាកណាស់សម្រាប់នាងខ្ញុំក្នុងបេសកម្មសប្តាហ៏ទីមួយ គឺនាងខ្ញុំត្រូវធ្វើការងាររួមគ្នាជាមួយបេក្ខជនដ៏ទៃទៀតមកពីប្រទេសខុសៗគ្នា ចំនួន 20 ប្រទេស។ នាងខ្ញុំត្រូវរស់នៅជាលក្ខណៈដូចក្រុមគ្រួសារ និងត្រូវបង្រៀន កូនសិស្សពីថ្នាក់ទី 1 ដល់ទី 9 ហើយវាពិតជាហត់បន្តិចមែន។ ប៉ុន្តែ ចំណេះដឹងភាសាអង់់ភ្លេសរបស់ពួកគេពិតជាវិវត្តន៏យ៉ាងលឿនក្នុងរយៈពេលដ៏ខ្លី ហើយនាងខ្ញុំពិតជាសប្បាយចិត្ត”។
ភាពជោគជ័យជាបន្តបន្ទាប់របស់រៀមច្បង បានជំរុញឲ្យ យុវជនជាច្រើនចាប់អារម្មណ៏ចូលរួមកម្មវិធី ដំណើរវិវឌ្ឍន៏ខ្លួនឆ្ពោះទៅខាងមុខ (Beyond Yourself)” គួរឲ្យកត់សម្គាល់សម្រាប់ឆ្នាំ 2016 នេះ។ យុវជន ស៊ុន សំណាង វ័យ 19 ឆ្នាំ បាននិយាយថា “ខ្ញុំពិតជាចាប់អារម្មណ៏លើកម្មវិធីនេះ ពីព្រោះគិតថាមានផលប្រយោជន៏ច្រើនសម្រាប់អនាគត។ បន្ទាប់ពីទទួលបានព័ត៌មានពីកម្មវិធីនេះ ខ្ញុំបាទប្រញាប់រួសរាន់ចូលរួមទិញសំបុត្រ ពីព្រោះពុំងាយមានឱកាសល្អបែបនេះទេ ចឹងហើយគឺប្តេជ្ញាចិត្តថា មិនត្រូវរំលង”។
ជុំវិញសកម្មភាពគំរូឥតខ្ចោះ ដែលផ្តួចផ្តើមឡើងដោយក្រុមយុវជនវ័យក្មេងៗ លោក Jason អគ្គនាយកក្រុមហ៊ុន Huawei Mobile Device ប្រចាំប្រទេសកម្ពុជាបានឲ្យដឹងថា “Huawei សូមគាំទ្រពេញទំហឹងសម្រាប់សកម្មភាពគំរូល្អ និងបំផុសស្មារតី យុវជនឲ្យចេះប្រើប្រាស់ពេលវេលាមានប្រយោជន៏ ជាពិសេស រៀបចំខ្លួន ឲ្យល្អប្រសើ ចាប់ឱកាស ល្អៗ និងដេញឲ្យទាន់ប្រព័ន្ធបច្ចេកវិទ្សា ដូចជាក្រុមហ៊ុន Huawei ថ្មីៗនេះបានសហការជាមួយនឹងក្រុម Leica បង្កើតនូវកំពូលស្មាតហ្វូនសករាជថ្មី Huawei P9 និង P9 Plus ដែលមានបំពាក់កាមេរ៉ាភ្លោះ”។