នៅថ្ងៃទី 23 ខែមិថុនា ឆ្នាំ 2016 ក្រុមហ៊ុន Q-Office ដែលជាតំណាងចែកចាយផលិតផលម៉ាក Panasonic ប្រចាំកម្ពុជា បានរៀបចំសិក្សាសាលាស្តីអំពី “បច្ចេកវិទ្យាទំនើបនៃមាស៊ីនបញ្ចាំងរូបភាពម៉ាក Panasonic” ដើម្បីបង្ហាញអំពីបច្ចេកវិទ្យាឈានមុខ ប្រកបដោយប្រសិទ្ធភាពពី Panasonic។ សិក្ខាសាលានេះ ត្រូវបានរៀបចំឡើងនៅសណ្ឋាគារអាំងទែរកុងទីណង់តាល់ ដែលមានការចូលរួមពីភ្ញៀវកិត្តិយសជាង100 នាក់ និងបានបង្ហាញជូននូវបច្ចេកវិទ្យារបស់ប្រភេទម៉ាស៊ីនបញ្ចាំងរូបភាពទំនើប 3 ប្រភេទ ដែលមានតម្លៃថោកសមរម្យ។
ពិធីនេះគឺត្រូវបានរៀបចំឡើងដោយក្រុមហ៊ុន Q-Office ដែលជាតំណាងចែកចាយផលិតផលម៉ាក Panasonic ប្រចាំកម្ពុជា មានអស័នៅតាមបណ្តោយមហាវិថីព្រះសីហនុដ៏ងាយស្រួលនិងក្បែរលោកអ្នក និងមានផ្តល់សេវាកម្មផ្នែកប្រព័ន្ធដំណោះស្រាយបច្ចេកទេសជាច្រើនប្រភេទសម្រាប់អតិថិជនទូទៅ ក្រុមហ៊ុន និងសហគ្រាសនានា ចាប់ពីប្រព័ន្ធទូរស័ព្ទលក្ខណៈប្រើប្រាស់តាមសណ្ឋាគារ (PABX Systems), ប្រព័ន្ធ Video Intercom, កាម៉េរាសុវត្ថិភាព CCTV រហូតដល់បណ្តាញប្រព័ន្ធម៉ាស៊ីនត្រជាក់ដ៏មានគុណភាពនិងបច្ចេកវិទ្យាខ្ពស់។ ម៉ាស៊ីនបញ្ចាំងរូបភាពទាំងបីប្រភេទរួមមាន៖ 1. TH-70LF50 – (បង្ហាញរូបទំហំ 70 អ៊ីង កម្រិតអាជីព) 2. PT-TW343R– (តម្លៃថោកសមរម្យ ប្រភេទ 3,300 Lumens LCD Projector) និង 3. PT-VX425N – (ម៉ាស៊ីនបញ្ចាំងរូបគុណភាពខ្ពស់ ប្រភេទ 4,500 LCD Projector)។
លោក Alvin Lee តំណាងក្រុមហ៊ុន Panasonic System Solutions មកពីប្រទេសសិង្ហបុរី បានមានចំណាប់អារម្មណ៍ថា សិក្ខាសាលាថ្ងៃនេះ មានគោលបំណងណែនាំអំពីវិធីសាស្ត្រត្រឹមត្រូវក្នុងការជ្រើសរើសប្រភេទម៉ាស៊ីនបញ្ចាំងរូបភាព (Projector) និងការពិនិត្យមើលចំណុចវិសេសៗមានលើម៉ាស៊ីន។ សម្រាប់ខាងផ្នែកអេក្រង់វិញ យើងខ្ញុំសូមណែនាំអំពីមូលហេតុនៃការប្រើប្រាស់ប្រភេទអេក្រង់បែបអាជីព ជាជាងការប្រើប្រាស់ទូរទស្សន៍ជំនួសវិញ។ យើងខ្ញុំមានជម្រើសប្រភេទផលិតផលម៉ាស៊ីនបញ្ចាំងរូបភាពច្រើនប្រភេទចាប់ពីប្រភេទប្រើ LCD ទូទៅ រហូតដល់ប្រភេទទំនើប 4k 3-Chip DLP និងមានប្រភេទអេក្រង់ចាប់ពីទំហំ 32 អ៊ីង រហូតដល់ 98 អ៊ីង។ សព្វថ្ងៃនេះ សកលលោកយើងមានការវិវត្តយ៉ាងឆាប់រហ័ស ចេញពីម៉ាស៊ីនប្រើអំពូលធម្មតា ទៅជាម៉ាស៊ីនប្រើអំពូលប្រភេទឡាស៊ែ ដែលមានអាយុកាលយ៉ាងហោចណាស់បីឆ្នាំ។ ពិសេស ក្នុងឆ្នាំថ្មីនេះ ក្រុមហ៊ុនបាននាំមកនូវប្រភេទម៉ាស៊ីនមានតម្លៃថោកសមរម្យសម្រាប់បំពេញតម្រូវការទីផ្សារនៃព្រះរាជាណាចក្រកម្ពុជាផងដែរ។
លោក Zaw Naing Nyint ដែលជាវិស្វករផ្នែកប្រព័ន្ធបណ្តាញ របស់ Panasonic System Solutions បានធ្វើបទបង្ហាញអំពីចំណុចពិសេសជាច្រើន របស់ម៉ាស៊ីនបញ្ចាំងរូបភាពម៉ាក Panasonic ដែលរួមមានមុខងារ Daylight view (បញ្ចាំងពេលថ្ងៃ) ដែលរូបភាពបញ្ចាំងនៅតែអាចមើលឃើញយ៉ាងច្បាស់ បើទោះជាម៉ាស៊ីនត្រូវបានបើកប្រើប្រាស់ក្នុងបន្ទប់ដែលមានពន្លឺក្តី។ លោកបានបង្ហាញឧទាហរណ៍ជាក់ស្តែងខ្លះៗ ពាក់ព័ន្ធបច្ចេកវិទ្យាប្រកបដោយសមត្ថភាពពិសេស Dynamic RGB Booster (បច្ចេកវិទ្យាសម្រួលពណ៌រូបភាពតាមទិដ្ឋភាពជាក់ស្តែង) ដែលគ្រប់រូបភាពត្រូវបានវិភាគ ហើយគុណភាព និងពណ៌រូបភាព ក៏ដូចជាកម្រិតពន្លឺត្រូវបានសម្រួលតាមការគ្រប់គ្រងចរន្តនៃអំពូលស្វ័យប្រវត្តិរបស់ម៉ាស៊ីន ផ្តល់នូវការបញ្ចាំងរូបភាពច្បាស់ជានិច្ច។ សម្រាប់ប្រភេទអេក្រង់បង្ហាញរូបភាពកម្រិតអាជីពវិញ។ លោក Zaw បានគូសបញ្ជាក់យ៉ាងត្រឹមត្រូវនូវភាពខុសគ្នារវាងអេក្រង់ប្រភេទ LCD, LED និង Plasma ទៅលើសមត្ថភាពនៃការបង្ហាញរូបភាពក្នុងល័ក្ខខ័ណ្ឌផ្សេងៗគ្នា។ ជាពិសេស គឺបង្ហាញពីសមត្ថភាពនៃបច្ចេកវិទ្យាទំនើបចុងក្រោយមានលើអេក្រង់បង្ហាញរូបភាពពី Panasonics ដែលរួមមានមុខងារ Anti-Glare និង Anti-Reflection (ការពារចំណាំងផ្លាត) សមត្ថភាពដំណើរការ 24 ម៉ោង និងការបង្ហាញរូបភាពច្បាស់ល្អបំផុតក្រោមល័ក្ខខ័ណ្ឌភ្លឺខ្លាំង។
នៅក្នុងពីធីនេះតំណាងរបស់ក្រុមហ៊ុន Q-Office ក៏បានផ្តល់ចំណាប់អារម្មណ៍ថា៖ យើងខ្ញុំពិតជាមានសេចក្តីរំភើបរីករាយ ចំពោះឱកាសដ៏វិសេសសម្រាប់ Panasonic ក្នុងការផ្តល់នូវដំណោះស្រាយបច្ចេកទេសសម្រាប់ក្រុមហ៊ុន និងស្ថាប័ន អង្គការនានានៅក្នុងព្រះរាជាណាចក្រកម្ពុជា។ ចាប់ពីផលិតផលប្រព័ន្ធទូរស័ព្ទ PABX, ម៉ាស៊ីនថតចម្លង, ទូរស័ព្ទលើតុ,និង ម៉ាស៊ីនបញ្ចាំងរូបភាព ដូចកំពុងបង្ហាញជូននេះ ក្រុមហ៊ុន Q-Office ប្រចាំកម្ពុជាអាចបម្រើជូនលោកលោកស្រី នូវដំណោះស្រាយបច្ចេកទេសជាច្រើនទៀតសម្រាប់កម្ពុជា។ គ្រប់ផលិតផលបង្ហាញក្នុងសិក្ខាសាលានេះ រួមទាំងប្រភេទផលិតផលសម្រាប់ក្រុមហ៊ុន ស្ថាប័នផ្សេងៗ អាចរកជាវបានតាមរយៈក្រុមហ៊ុន Q-Office (Cambodia) Co., Ltd.
