ថ្មីៗនេះ នៅលើផេកផ្លូវការណ៌របស់ក្រុមហ៊ុន ASUS ប្រចាំនៅប្រទេសកម្ពុជា ត្រូវបានគេមើលឃើញថា មានការចែកចាយនូវរូបភាពឡេបថប់ថ្មីមួយរបស់ខ្លួន ដែលមានភ្ជាប់ជាមួយនូវការញ្ជាក់ពីការប្រើប្រាស់នូវ CPU ថ្មីរបស់ Qualcomm ម៉ូដែល Snapdragon X Elite ហើយថែមទាំងមានការសសេរទៀតថា CPU នេះ មានកម្លាំងខ្លាំង និងប្រសិទ្ធភាពខ្ពស់បំផុតថែមទៀតផង។ ផ្អែកដំណឹងថ្មីនេះ មានការព្យាករណ៌ថា ក្រុមហ៊ុន ASUS នឹងមានការប្រកាសចេញនូវឡេបថបជំនាន់ថ្មីរបស់ខ្លួនននៅលើទីផ្សារប្រទេសកម្ពុជានាពេលឆាប់ៗនេះហើយ។
សូមជំរាបថា កាលពីដើមខែមិថុនាកន្លងទៅនេះ នៅក្នុងកំឡុងព្រឹត្តិការណ៌ Computex 2024 ដែលបានរៀបចំឡើងនៅទីក្រុងតៃប៉ិនោះ ក្រុមហ៊ុន ASUS បានប្រកាសចេញនូវឡែបថបជំនាន់ថ្មីរបស់ខ្លួនជាច្រើនម៉ូដែល និងច្រើនប្រភេទ ហើយនិងច្រើនជម្រើសសម្រាប់អ្នកប្រើប្រាស់ថែមទៀតផង។ ហើយគ្រប់ផលិតផលឡេបថប់ទាំងអស់របស់ក្រុមហ៊ុនបច្ចេកវិទ្យាយក្សរបស់តៃវ៉ាន់មួយនេះ គឺមានការបំពាក់នូវ CPU ជំនាន់ថ្មីៗ ដែលមានការគាសមទ្រដោយបច្ចេកវិទ្យា AI គ្រប់ម៉ូដែល នៅក្នុងក្រុមហ៊ុននេះក៏មានការអាប់ដែតទៅលើ Hardware ទៀតផង។
បើតាមរូបភាពថ្មីដែលយើងឃើញនៅលើផេក ASUS នេះ មានការសង្ស័យថា ឡែបថបថ្មីនេះ គឺជាម៉ូដែល ASUS Vivobook S 15 ដែលជាកុំព្យូទ័រ Copilot+PC ដំបូងបំផុតរបស់ក្រុមហ៊ុន ASUS ដែលមានការបង្កើនទៅលើប្រសិទ្ធិភាពទៅលើការប្រើប្រាស់ ហើយនិងមានថាមពលថ្មកាន់តែប្រសើរជាងមុន រួមនិងការបំពាក់បន្ថែមនូវ AI Engine ដែលគាំទ្រដោយ CPU ម៉ូដែលថ្មី Snapdragon X Elite Platform ទៀតផង។ ប្រសិនបើព័ត៌មាននេះ ជាការពិតមែននោះ អ្នកប្រើប្រាស់ជាច្រើន នឹងកាន់តែមានភាពអាចរីករាយជាមួយនឹងការប្រើប្រាស់នូវមុខងារ AI ដ៏អស្ចារ្យ និងសមត្ថភាពដែលមិនគួរ និងប្រសិទ្ធិភាពខ្ពស់ដែលជាលទ្ធផលនៃការបំពាក់នូវបន្ទះឈីប Qualcomm Oryon™ CPU។
ជាមួយគ្នានេះ បើតាមការបង្ហាញនៅ នៅក្នុងកំឡុងព្រឹត្តិការណ៌ Computex 2024 កន្លងទៅនោះ គឺបានអោយដឹងថា ASUS Vivobook S 15 នឹងមានថាមពលថ្មដែលមានសមត្ថភាពអាចប្រើប្រាស់បានដល់ទៅ 18 ម៉ោងហើយនិងមានភ្ជាប់ជាមួយនូវបន្ទះអេក្រង់ ASUS Lumina OLED ដែលមានសមត្ថភាពអាចបង្ហាញចេញបាន 3K ល្បឿន 120Hz រួមនិងប្រព័ន្ធសំឡេង Harman Kardon Audio ទៀតផង។ ឡែបថ្មីនេះ អាចនឹងមានកម្រ៉ាស្តើងត្រឹមតែ 14.7mm និងមានទម្ងន់ស្រាល 1.42kg ប៉ុណ្ណោះ ដែលផ្តល់នូវភាពងាយស្រួលមែនតែននៅក្នុងការចល័ត។
សូមជំរាបផងដែរថា សម្រាប់ព័ត៌មានខាងលើនេះ គឺគ្រាន់តែជាព័ត៌មានបឋមដែលបានដកស្រង់ចេញពីប្រភពមួយប៉ុណ្ណោះ! គេនៅមិនទាន់ច្បាស់ថា ឡេបថបខាងលើនេះ មានឈ្មោះផ្លូវការអ្វីនោះទេ! ដើម្បីជ្រាបច្បាស់ពីឡេបថប់ថ្មីនេះ សូមតាមដានជាមួយផេកផ្លូវការរបស់ ASUS ទាំងអស់គ្នា! យើងជឿជាក់ថា នៅពេលដ៏ខ្លីខាងមុខនេះ ASUS នឹងបន្តបញ្ចេញព័ត៌មានថ្មីៗជាច្រើនទៀតរបស់ឡេបថប់នេះ ។
