ថ្មីៗនេះ ក្រុមហ៊ុន Mazda បានប្រកាសចេញនូវម៉ូដែលថ្មីរបស់ CX-6e នៅលើទីផ្សារប្រទេសចិន ដែលជាឡានប្រភេទ Midsize SUV ដែលកំពុងតែមានការពេញនិយមខ្លាំងនៅលើទីផ្សារប្រទេសកម្ពុជា។ សម្រាប់ EV trim ម៉ូដែលថ្មីនេះ គឺមានសមត្ថភាពអាចរត់បានចម្ងាយ 600km តាមស្តង់ដារ CLTC range និងមានតម្លៃចាប់ពី 145,900 យ៉ន់ ដែលប្រហែលជា 21,400 ដុល្លារ ខណៈដែលម៉ូដែល EREV trim សាំង+អគ្គិសនី វិញ គឺមានតម្លៃ 139,900 យ៉ន់ ដែលប្រហែលជា 20,500 ដុល្លារ។ ម៉ូដែលនេះ បើកបរជាមួយអគ្គិសនីសុទ្ធបានចង្ងាយ 200 km តាមស្តង់ដារ CLTC range។
សូមជំរាបថា CX-6e ត្រូវបានគ្រប់គ្នាស្គាល់ថា ច្បាស់ថាគឺជា EZ-60 នៅលើទីផ្សារប្រទេសចិន នឹងដាក់លក់ជាមួយតម្លៃចាប់ពី 119,900 យ៉ន់ ទៅ 166,900 យ៉ន់ ដែលប្រហែល 17,600 ដុល្លារ ទៅ 24,500 ដុល្លារ។ ជាមួយនិងការបង្ហាញវត្តមានក្នុងនាមជា Year of the Horse edition នេះ គឺស្របពេលដែលឆ្នាំនេះ គឺជាឆ្នាំ សេះ (មមី) ដែលមានលេខរៀងទី 7th នៅក្នុងឆ្នាំទាំង 12។
ទៅលើការឌីស្សាញខាងក្រៅរបស់ CX-6e ម៉ូដែលពិសេសនេះ គឺមានរូបរាងដូចជំនាន់មុនៗដែរ ប៉ុន្តែមានការផ្លាស់ប្តូរពណ៌ខាងក្នុង ដោយ Mazda បានឌីស្សាញពណ៌ purple-white ខណៈដែលម៉ូដែលមុនមានជម្រើស black-white។ នៅក្នុងរថយន្តនេះដែរ គឺមានការតម្លើងអេក្រង់កម្សាន្តនៅចំកណ្តាលមានទំហំ 26.45 អ៊ីង និងមានកម្រិត 5K និងអេក្រង់ (HUD) ទំហំ 50-អ៊ីង និងអាចពង្រីកដល់ទំហំ 100 អ៊ីងទៀតផង។
សម្រាប់ការមកដល់នៅពេលនេះ ទៅលើម៉ូដែលអគ្គិសនីសុទ្ធ គឺមានការប្រើប្រាស់អាគុយ 77.94 kWh LFP pack គាំទ្រដោយម៉ូទ័រ 190 kW (255 hp) និងអាចបើកបរបានចម្ងាយ 185km/h។ ហើយបើមើលទៅលើ EREV trim គឺមានអាគុយទំហំ 31.73 kWh LFP ផ្គត់ផ្គង់ដោយ CATL–Changan។ ម៉ូដែល EREV trim នេះ ក៏មានការគាំទ្រដោយម៉ាស៊ីន 1.5-litre កម្លាំង 72 kW (97 hp) ហើយនឹងមានការប្រើប្រាស់នូវម៉ូទ័រមុខមានកម្លាំង 190 kW (255 hp) ដូចគ្នាដែរ។ CX-6e មានប្រវែង 4850mm ទទឹង 1935mm និងកំពស់ 1620mm ខណៈដែលគម្លាតកង់មុខក្រោយមានប្រវែង 2902mm។
