Denza ត្រៀមចេញម៉ូដែល N8L hybrid SUV គាំទ្រដោយ flash charging នៅថ្ងៃទី 23 ខែមិថុនានេះហើយ Denza ដែលជាម៉ាកយីហោឡានប្រណិតរបស់ BYD នៅថ្ងៃនេះ បានប្រកាសត្រៀមធ្វើការបង្ហាញចេញនូវម៉ូដែល N8L hybrid SUV គាំទ្រដោយ flash charging នៅប្រទេសចិននាថ្ងៃទី 23 ខែមិថុនានេះហើយ។ ព័ត៌មានថ្មីនេះត្រូវបានក្រុមហ៊ុនធ្វើការបង្ហោះនៅលើបណ្តាញ Weibo កាលពីថ្ងៃច័ន្ទកន្លងទៅ ដោយម៉ូដែលនេះ នឹងក្លាយជាឡាន SUV ថ្នាក់ប្រណិតជម្រើស 6 កៅអី ដែលមានសុវត្ថិភាពខ្លាំង ហើយនឹងធ្វើការប្រជែងនៅលើទីផ្សារឡាន premium market ទៀតផង។

សូមជំរាបថា រថយន្តនេះ ធ្លាប់បានបើកអោយមានការបញ្ជាទិញរួចហើយកាលពីថ្ងៃទី 10 ខែមេសាកន្លងទៅ ដោយមានតម្លៃ 350,000 យ៉ន់ ($51,780) ទៅ 400,000 យ៉ន់។ ប្រភពខាងលើនេះ បានបញ្ជាក់ទៀតថា ឡានប្រណិត Denza N8L Flash-Charging បានបង្ហាញវត្តមានររួចហើយនៅតាមហាងលក់ឡានរបស់ Denza ចំនួន 450 កន្លែង ក្នុងទីក្រុង 174 រួមទាំងទីផ្សារធំៗដូចជា Beijing, Shanghai និង Shenzhen ផងដែរ។

ក្រុមហ៊ុនបានបញ្ជាក់ថា សម្រាប់ចំណុចសំខាន់ដែលនាំអោយការលក់ទៅលើ Denza N8L flash-charging នេះទទួលបាននូវភាពជោគជ័យនោះ គឺដោយសារតែក្រុមហ៊ុនបានបំពាក់នូវថាមពលអាគុយជំនាន់ទី 2 របស់ BYD ហើយនឹងមានការដាក់អោយប្រើប្រាស់នូវបច្ចេកវិទ្យាសាកថ្មជំនាន់ថ្មីរបស់ខ្លួន ultra-fast flash charging technology។ ទៅលើម៉ូដែល PHEV គឺមានអាគុយទំហំ 75.26-kwh សាកពេញម្តងអាចបើកបានចម្ងាយ 430km។ សម្រាប់ការសាកពី 10% ទៅ 97% គឺស៊ីពេលត្រឹមតែ 9 នាទីប៉ុណ្ណោះ។ ខណៈដែលសាកពី 10% ទៅ 70% ស៊ីពេលត្រឹមតែ 5 នាទីប៉ុណ្ណោះ។

N8L hybrid SUV PHEV ថ្មីនេះ ដំណើរការនៅលើម៉ាស៊ីន 2.0T hybrid system អាចបង្កើតសន្ទុះពី 0 ទៅ 100km ប្រើប្រាស់ពេលត្រឹមតែ 3 វិនាទីប៉ុណ្ណោះ។ អ្វីដែលពិសេសនៅឡាននេះ គឺមានការបំពាកក់នូវប្រព័ន្ធប៊ូម DiSus-A body control system។ Denza N8L flash-charging ក៏មានមកជាមួយនូវប្រព័ន្ធ New-Generation AI smart cockpit ដែលផ្តល់នូវអត្ថប្រយោជន៌ខ្លាំងសម្រាប់អ្នកប្រើប្រាស់ផងដែរ។

បន្ថែមពីនេះនៅលើ N8L hybrid SUV PHEV ថ្មីនេះ ក៏មានការគាំទ្រនូវប្រព័ន្ធបញ្ជាដោយសម្លេង និងអាចដំណើរការជាមួយ DeepSeek large language model ដែលអាចធ្វើការទៅលើ in-car payments, dialect recognition និង shortcut commands បានទៀតផង។ N8L hybrid SUV PHEV ថ្មីនេះ ក៏មានជំនួយការ God's Eye 5.0 ផងដែរ។ ទៅលើការលក់វិញ កាលពីខែឧសភា Denza លក់រថយន្តបាន 16,303 គ្រឿង ដែលមានការកើនឡើង 44.92% ប្រៀបធៀបទៅនឹងខែមេសា។