នៅក្នុងរបាយការណ៍ថ្មីមួយទម្លាយថា ក្រុមហ៊ុន HMD Global ប្រហែលជាបង្ហាញនូវវត្តមានរបស់ស្មាតហ្វូន Nokia 9.3 PureView របស់ខ្លួនជាមួយនឹងស្មាតហ្វូនថ្នាក់កណ្តាលកម្រិតខ្ពស់ Nokia 7.3 នៅក្នុងត្រីមាសទី 3 ឆ្នាំនេះ។ ស្មាតហ្វូន Nokia 7.2 បង្ហាញខ្លួនជាផ្លូវការនៅក្នុងខែកញ្ញា ឆ្នាំ 2019 ដែលមានភ្ជាប់ជាមួយនឹងកាមេរ៉ា 3 គ្រាប់ មានទំហំ 48-megapixel។ របាយការណ៍ថ្មីមួយរបស់ Nokia Power User បានអះអាងថា ស្មាតហ្វូន Nokia 7.3 នឹងភ្ជាប់ជាមួយនឹងកាមេរ៉ា 4 គ្រាប់។
ប្រព័ន្ធផ្សព្វផ្សាយនេះ បានដកស្រង់ចេញពីប្រភពជាច្រើនដែលបញ្ជាក់ថា ស្មាតហ្វូន Nokia 7.3 នឹងមានការពង្រឹងទៅលើសមត្ថភាពកាមេរ៉ារបស់វាបើធៀបជាមួយនឹងស្មាតហ្វូនជំនាន់មុន។ វាមានពាក្យចចាមអារ៉ាមថ្មីថា ស្មាតហ្វូននេះនឹងមានកាមេរ៉ា ៤ គ្រាប់។ សម្រាប់ស្មាតហ្វូន Nokia 8.3 5G និង Nokia 5.3 គឺមានកាមេរ៉ាដែលមានការឌីស្សាញរូបរាងមូល ហើយសម្រាប់កាមេរ៉ា 4 គ្រាប់របស់ស្មាតហ្វូន Nokia 7.3 ក៏នឹងមានរូបរាងមូលផងដែរ។
NPU និយាយថា សម្រាប់ចំនួនកាមេរ៉ាចុងក្រោយបំផុតសម្រាប់ស្មាតហ្វូន Nokia 7.3 នេះនៅមិនទាន់ដឹងនៅឡើយទេ។ គំរូមួយរបស់ស្មាតហ្វូននេះគឺមានការបញ្ជាក់ថា កាមេរ៉ានេះនឹងមានប្រភេទជា Zeiss optics 48-megapixel sensor ។ វាពិតជាអាចទៅរួចដែលថាកាមេរ៉ានេះ អាចនឹងមានទំហំដល់ទៅ 64-megapixel main lens។ សម្រាប់កាមេរ៉ាសេនស័រនៃប្រព័ន្ធកាមេរ៉ា ៤ គ្រាប់របស់ស្មាតហ្វូន Nokia 7.3 នេះ គឺជា depth sensor, macro និង ultra wide lens ។
ស្មាតហ្វូន Nokia 7.3 នេះ ប្រហែលជាបង្ហាញខ្លួនជាមួយនឹងកាមេរ៉ាខាងមុខដែលមានទំហំ 24-megapixel ឬ 32-megapixel ។សម្រាប់ស្មាតហ្វូនជំនាន់មុនរបស់វាគឺមានទំហំត្រឹមតែ 24-megapixel selfie ហើយស្មាតហ្វូនថ្មី Nokia 8.3 5G គឺមានទំហំត្រឹមតែ 24-megapixel ។ ក្រុមហ៊ុនបច្ចកេវិទ្យានេះ អាចនឹងប្រើប្រាស់នូវកាមេរ៉ា Selfies ធំជាងមុនទៅលើចំនួន megapixel របស់ស្មាតហ្វូន Nokia 7.3 នេះ។ សូមជំរាបថា ស្មាតហ្វូន Nokia 7.2 គឺប្រើប្រាស់នូវបន្ទះឈីប Snapdragon 660 ដូច្នេះ ពិតជាអាចទៅរួចដែលថា ក្រុមហ៊ុននេះ នឹងប្រើប្រាស់នូវបន្ទះឈីប Snapdragon 7-series នៅលើស្មាតហ្វូន Nokia 7.3 នោះ។ វាមានការសង្ស័យថា ស្មាតហ្វូននេះអាចនឹងមានប្រភេទជា 4G និង 5G versions ៕
