ថ្មីៗនេះ ក្រុមហ៊ុន LG បានប្រកាសចេញនូវទូរទស្សន៍ធំបំផុត និងមានតម្លៃថ្លៃបំផុតរបស់ខ្លួន។ ទូរទស្សន៍នេះ គឺជាផ្នែកមួយនៃទូរទស្សន៍ LG Signature Series ដែលមានអេក្រង់ទំហំ 88 អ៊ីងជាមួយនឹងកម្រិតភាពច្បាស់ 8K។ វានឹងបង្ហាញខ្លួននៅក្នុងខែមិថុនា ឆ្នាំ 2020 នេះហើយ។ សម្រាប់ម៉ូឌែល LG OLED 8K នេះ គឺបង្ហាញខ្លួននៅក្នុងស៊េរី ZX series ដែលមានពីរទំហំសម្រាប់ធ្វើការជ្រើសរើសនោះ គឺ 88 អ៊ីង OLED ជាមួយនឹងកម្រិតភាពច្បាស់ 8K ឬ 77 អ៊ីង ដែលមានកម្រិតភាពច្បាស់ 8K ។
ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ បានអះអាងថា សម្រាប់ដង់ស៊ីតេភិចសែល របស់វាគឺមានកម្រិតខ្ពស់ជាង 4 ដងបើធៀបជាមួយនឹងអេក្រង់កម្រិត 4K។ អេក្រង់នេះ គឺជាហេតុផលដែលធ្វើអោយទូរទស្សន៍នេះមានតម្លៃថ្លៃ។ នៅមិនទាន់មានមាតិកា 8K content ដែលដំណើរការនៅក្នុងពេលនេះនៅឡើយទេ។ ទូរទស្សន៍នេះ ត្រូវបានក្រុមហ៊ុនបញ្ជាក់ថា គឺមានការពង្រឹងទៅលើកម្រិតនៃការបង្ហាញរូបភាពច្រើនខ្លាំងជាងទូរទស្សន៍ 4K TVs។ ក្រៅពីនេះ ម៉ូឌែលរបស់ទំហំ 88 inch នេះគឺ 88ZXPJA ដែលមានតម្លៃ 3.7 លានយ៉េន ខណៈពេលដែល 77 inch version គឺមានលេខកូដ 77ZXPJA ដែលមានតម្លៃ 2.5 លានយ៉េន។
សម្រាប់ការឌីស្សាញទៅលើទូរទស្សន៍ LG 8K TV គឺពិតជាអស្ចារ្យ និងមានគែមស្តើងមែនទែន អាចដាក់នៅលើជញ្ជាំងបានយ៉ាងស្រស់ស្អាតបំផុត។ បន្ថែមពីនេះទៀតនោះ ទូរទស្សន៍ គឺមានការឌីស្សាញទម្រង់ជា Artistic Sculpture Design និងទ្រទ្រង់នូវប្រព័ន្ធសំលេងជំនួយការឆ្លាតវៃ LG ThinQ voice assistant ថែមទៀតផង។ ទូរទស្សន៍ប្រណិតនេះ គឺមាន 60W Speakers ដែលផ្តល់នូវភាពអស្ចារ្យបំផុតក្នុងការប្រើប្រាស់។ បើនិយាយអំពីលក្ខណៈពិសេសវិញនោះ ទូរទស្សន៍ LG 88 អ៊ីង8K OLED TV នេះ គឺមានបច្ចេកវិទ្យា AI processor technology ជំនាន់ទី 3 ជាមួយនឹង HDMI 2.1 inputs និងកញ្ចក់ការពារថែមទៀតផង៕
