កាលពីឆ្នាំមុននេះ ការបង្ហាញវត្តមានរបស់ស្មាតហ្វូន Nokia 9 PureView ប្រហែលជាធ្វើអោយអតិថិជនជាច្រើនមានការខកចិត្តផងដែរ ប៉ុន្តែសម្រាប់ស្មាតហ្វូន Nokia 9.3 PureView នេះ គឺមិនអោយលោកអ្នកខកបំណងទេ ដោយសារតែវាមានរូបរាងស្រស់ស្អាតខ្លាំងជាង។ ទោះបីជាមិនទាន់មានការឌីស្សាញចេញនូវរូបរាងពិតៗក៏ដោយ ពេលនេះ សម្រាប់ Concept Creator ( តាមរយៈ LetsGoDigital) បានបង្កើតនូវរូបភាព Renders ជាច្រើន នឹងមានការទម្លាយបង្ហាញអំពីរូបរាងរបស់ស្មាតហ្វូន Flagships នេះហើយ។
បើសិនជានិយាយពីដៃគូ ក្រុមហ៊ុន Samsung និង OnePlus បានផ្តោតយ៉ាងខ្លាំងទៅលើការ upgrade ទៅលើអេក្រង់របស់ខ្លួននៅក្នុងឆ្នាំនេះ សម្រាប់ក្រុមហ៊ុន HMD Global ក៏បានធ្វើដូច្នេះដែរ។ ដូចអ្វីដែលបានឃើញនៅក្នុងរូបភាព Renders នេះ ក្រុមហ៊ុននេះ គឺមានគម្រោងក្នុងការឌីស្សាញទៅលើអេក្រង់ពេញគែម ដែលមានរន្ធប្រហោងនៅកណ្តាលជាមួយនឹងបច្ចេកវិទ្យាកាមេរ៉ា Selfie ក្រោមអេក្រង់ផងដែរ។ បច្ចេកវិទ្យានេះ ក្រោយមកក៏ចាប់ផ្តើមធ្វើការផលិតនៅលើស្មាតហ្វូនផងដែរ។
ស្មាតហ្វូន Nokia 9.3 PureView នេះមើលទៅពិតជាមានអេក្រង់ដែលទាក់ទាញស្រស់ស្អាតមែនទែន។ ការប្រើប្រាស់នូវអេក្រង់ថ្មីនេះពិតជាផ្តល់នូវបទពិសោធន៍ដ៏អស្ចារ្យបំផុតក្នុងការប្រើប្រាស់ជាមួយនឹងអេក្រង់កម្រិត 120Hz refresh rate របស់វា។ ស្មាតហ្វូន Nokia 9.3 PureView អាចនឹងធ្វើការប្រកួតប្រជែងជាមួយនឹងស្មាតហ្វូន Galaxy S20 Ultra, OnePlus 8 Pro និង iPhone 12 Pro ផងដែរ។ ស្មាតហ្វូននេះគឺជាប្រភេទ Flagship ដែលមានលក្ខណៈពិសេសដែលគួរអោយចាប់អារម្មណ៍ផងដែរ។
កាមេរ៉ានៅលើស្មាតហ្វូន Nokia 9 PureView គឺពិតជាប្លែកពីគេ ប៉ុន្តែសម្រាប់ Concept Creator ក៏បានប្រែក្លាយនូវការវិលត្រឡប់របស់ស្មាតហ្វូន Lumia 1020 នេះ ទៅជាស្មាតហ្វូន Nokia 9.3 PureView ផងដែរ។ ស្មាតហ្វូននេះ អាចនឹងមានកាមេរ៉ា 5 គ្រាប់ដែលមានទំហំ 108-megapixel ultra-wide-angle និង 64-megapixel main sensor។ វាក៏មានកាមេរ៉ា telephoto, macro និង depth sensors ផងដែរ។ ស្មាតហ្វូននេះ គឺមានម៉ាកយីហោ ZEISS ភ្លើង LED Flash និង microphone តូចមួយផងដែរ។
ស្មាតហ្វូន Nokia 9.3 PureView គឺមានពណ៌លឿនយ៉ាងស្រស់ស្អាតតែម្តង។ ស្មាតហ្វូននេះដំណើរការនូវបន្ទះឈីប high-end Snapdragon 865 ដែលអាចទ្រទ្រង់ទៅលើស្តង់ដារបច្ចេកវិទ្យា 5G network ។ ស្មាតហ្វូន Nokia 9.3 PureView អាចនឹងបង្ហាញខ្លួននៅចុងខែសីហា ឬខែកញ្ញានេះ ជាមួយនឹងស្មាតហ្វូន Nokia 7.3 ផងដែរ៕