យោងតាមពាក្យចចាមអារ៉ាមជាច្រើនដែលចេញផ្សាយកាលពីពេលថ្មីៗនេះ គឺបានទម្លាយថា ក្រុមហ៊ុន Apple បាននិងកំពុងតែធ្វើការនៅលើការឌីស្សាញទៅលើថេប្លេតថ្មី iPad Mini ហើយ។ នៅពេលនេះ មានរូបភាពថ្មីរបស់ផលិតផលថ្មីនេះ ត្រូវបានគេទម្លាយចេញជាមួយនឹងការឌីស្សាញរូបរាងថ្មី កាន់តែប្លែក ហើយនិងមានភ្ជាប់ជាមួយនឹងលក្ខណៈសម្បត្តិសំខាន់ៗរបស់ថេប្លេតជំនាន់ថ្មីនេះផងដែរ។
តាមការបញ្ជាក់នៅក្នុងរបាយការណ៍របស់ GSMArena គឺបានបង្ហាញចេញនូវរូបភាពថ្មីនេះ ដែលមានការឌីស្សាញចេញពី Michael Ma (@apple_idesigner) ដែលបញ្ជាក់ថា ថេប្លេតថ្មីនេះ នឹងបង្ហាញខ្លួននៅក្នុងពេលណាមួយជាមួយនឹងស្មាតហ្វូន iPhone 13 Series នៅចុងឆ្នាំនេះហើយ។ អ្វីដែលគួរអោយកត់សម្គាល់នោះ រូបភាពទាំងនេះ ក៏មានការបង្ហាញអំពីលក្ខណៈសម្បត្តិមួយចំនួនរបស់វាថែមទៀតផង។
ថេប្លេត iPad Mini ថ្មីនេះ នឹងមានអេក្រង់ 8.4 អ៊ីង Liquid Retina Display ហើយនិងមានកម្រិត 60Hz Refresh Rate។ និយាយពីរូបរាងវិញ គឺថេប្លេតមានវិមាត្រ 206x138x6.1mm ហើយសម្រាប់ពណ៌វិញនោះ ថេប្លេតនេះមានពណ៌ Space Gray, Silver, Rose Gold, Green និង Sky Blue។
iPad Mini នេះ នឹងមានបន្ទះឈីប A14 Bionic Chipset និងប្រើប្រាស់ជាមួយនឹង Apple Pencil ជំនាន់ទី 3។ ថេប្លេតនេះ មានប្រភេទ WiFi Only និង 5G Cellular សម្រាប់ជ្រើសរើស។ ថេប្លេតនេះ នឹងមាន Touch ID Scanner នៅលើ Power Button ផងដែរ៕