ជឿជាក់ថា កន្លងមកគ្រប់គ្នាប្រាកដជាបានដឹងរួចមកហើយថា ក្រុមហ៊ុន Apple គឺមានគម្រោងនិងផលិតឈីប Cellular Chip ផ្ទាល់ខ្លួន ហើយក៏មានការបែកធ្លាយថា បន្ទះឈីបនេះ អាចនឹងមានវត្តមាននៅចុងឆ្នាំ 2024 ឬក៏ដើមឆ្នាំ 2025 ខាងមុខនេះផងដែរ។ យោងតាមការបញ្ជាក់ចេញនៅថ្ងៃនេះ បាននិយាយថា បន្ទះឈីប wireless chip នេះ គឺនឹងមានការដាក់បញ្ចូលនូវ បច្ចេកវិទ្យា Bluetooth និង Wi-Fi ជាមួយគ្នាតែម្តង។ គិតត្រឹមថ្ងៃនេះ ក្រុមហ៊ុន Apple គឺបាននឹងកំពុងតែប្រើប្រាស់នូវបន្ទះឈីប cellular chips របស់ Qualcomm និង wireless ជារបស់ Broadcom។
តាមការការចែកចាយរបស់អ្នកទម្លាយបាននិយាយថា បន្ទះឈីបដែលមានការដាក់បញ្ចូលនូវបច្ចេកវិទ្យារួមគ្នាជាច្រើននេះ គឺនឹងបង្ហាញវត្តមាននៅលើ iPhone នៅឆ្នាំ 2025 ខាងមុខនេះហើយ ដែលវត្តមានរបស់ឈីបនេះ គឺនឹងមានការសន្សំសំចៃនូវថវិកាសម្រាប់សង្វាក់ផលិតកកម្ម និងអាចសន្សំទំហំ Space នៅក្នុងតួរស្មាតហ្វូននេះបានមួយចំណែកផងដែរ។
ព័ត៌មានខាងលើនេះ អាចនិយាយថា ក្រុមហ៊ុន Apple គឺមានបំណងចង់កាត់បន្ថយនូវការប្រើប្រាស់សមាសភាគនៃក្រុមហ៊ុនទីបីកាន់តែតិចជាងមុន ដោយងាកមកប្រើប្រាស់នូវសមាសភាគដែលផលិតឡើងដោយខ្លួនឯងតែប៉ុណ្ណោះ។ សូមជំរាបថា ថ្មីៗនេះ ក្រុមហ៊ុននេះបានបញ្ចេញនូវបន្ទះឈីប M-Series Silicon ដែលជាឈីបដ៏ទំនើបបំផុតសម្រាប់ក្រុមហ៊ុននេះផងដែរ។ ឈីបនេះជួយក្រុមហ៊ុនមានភាពជោគជ័យខ្លាំងមែនទែន។