ថ្មីៗនេះមានការសេចក្តីរាយការណ៌ពីការបង្ហាញខ្លួនរបស់ស្មាតហ្វូនជំនាន់ថ្មី vivo V27 series ថា អាចនឹងមានវត្តមានឆាប់ៗនេះ
ហើយនៅពេលនេះ លក្ខណៈសម្បត្តិរបស់ស្មាតហ្វូននេះក៏ត្រូវបានគេទម្លាយចេញផងដែរ។ ផ្អែកទៅលើរបាយការណ៌ថ្មី ចេញពីប្រភពជឿជាក់បាននោះ បាននិយាយថា ក្រុមហ៊ុន vivo នឹងនាំមកនូវបច្ចេវិទ្យាថ្មីៗជាច្រើនសម្រាប់ស្មាតហ្វូន V27 series ដែលក្នុងនោះមានទាំងការអាប់ដែត Hardware និងប្រព័ន្ធកាមេរ៉ាជាដើម។
vivo V27 ត្រូវបានគេទម្លាយថា នឹងមានការឌីស្សាញអេក្រង់កោង ខណៈដែលម៉ូដែល Pro នឹងមានអេក្រង់កោងគ្រប់ជ្រុងតែម្តង។ ជាមួយគ្នានេះរបាយការណ៌ថ្មី បានទម្លាយទៀតថា ស្មាតហ្វូនជំនាន់ថ្មីទាំងពីរម៉ូដែលនេះ នឹងមានការប្រើប្រាស់នូវកាមេរ៉ាជំនាន់ថ្មីរបស់ Sony បំពាក់នៅលើកាមេរ៉ាគោលថែមទៀតផង។ ដូច្នេះអាចនិយាយបាថា ស្មាតហ្វូនជំនាន់ថ្មីនេះ គឺនឹងមានពង្រឹងទៅលើមុខងារថតរូបនៅក្នុងកម្រិត low light បានយ៉ាងល្អបំផុត។ ជាមួយគ្នានេះក៏មានការបញ្ជាក់ទៀតថា V27 lineup នឹងប្រើបន្ទះឈីប MediaTek ដោយម៉ូដែលស្តង់ដារនៅមិនទាន់មានការបញ្ជាក់ទេ ខណៈដែលម៉ូដែល Pro នឹងប្រប្រើប្រាស់ឈីប Dimensity 8200 SoC។ ស្មាតហ្វូនទាំងពីរនេះ កីនឹងមានខ្នងក្រោយប្រែពណ៌ផងដែរ។
គួរបញ្ជាក់ផងដែរថា របាយការណ៌កាលពីពេលមុននេះធ្លាប់និយាយថា vivo V27 series ទំនងជានឹងមានវត្តមាននៅលើទីផ្សារប្រទេសឥណ្ឌានៅចុងខែនេះហើយ ដូច្នេះអាចបញ្ជាក់បានថា ព័ត៌មានរបស់ស្មាតហ្វូននេះ នឹងមានការបង្ហាញថ្មីៗជាច្រើនថែមទៀតនៅក្នុងពេលដ៏ខ្លី។ សូមជំរាបថា មកដល់ពេលនេះ គឺនៅមិនទាន់មានព័ត៌មានបែកធ្លាយច្រើននោះទេពីស្មាតហ្វូននេះ ដោយក្រុមហ៊ុននេះបានបិទជិតតែម្តងនូវព័ត៌មានបែកធ្លាយ។
