ថ្មីៗនេះ ក្រុមហ៊ុន Nokia ទើបតែប្រកាសចេញនូវទូរស័ព្ទ Feature Phone ជំនាន់ថ្មីរបស់ខ្លួននៅក្នុងទីផ្សារប្រទេសឥណ្ឌា។ ទូរស័ព្ទថ្មីនេះ គឺជាម៉ូដេល Nokia 110 2022 ហើយទូរស័ព្ទនេះ ក៏ត្រូវបានក្រុមហ៊ុនេនេះ ប្រកាសចេញលក់ភ្លាមៗផងដែរ ដោយមិនចាំយូរទេ។ ខាងក្រោមនេះគឺជាតម្លៃរបស់ទូរស័ព្ទនេះនៅក្នុងប្រទេសនេះ និងលក្ខណៈសម្បត្តិរបស់ទូរស័ព្ទនេះ។
Nokia 110 2022 ត្រូវបានក្រុមហ៊ុននេះ ធ្វើការឌីស្សាញចេញជាមួយនិងរូបរាងថ្មី ដោយបានធ្វើការតម្លើងមកជាមួយនិងកាមេរ៉ាខាងក្រោយ 1 គ្រាប់ និងមានភ្ជាប់នូវមុខងារចាក់ភ្លេង Music Player ថែមទៀតផង។ នៅលើទូរស័ព្ទនេះ ក៏អាចបន្ថែមនូវម៉េមូរី 32GB ជាមួយនឹង microSD card slot ហើយនិងមានថាមពលថ្ម 1,000mAh, មានមុខងារ FM Radio ព្រមទាំងមានអេក្រង់កូល័រ និងមានការបញ្ចូលហ្កេមជាច្រើនទៀតផងដែរ។ Nokia 110 ឆ្នាំ 2022 មានពណ៌ Cyan, Charcoal និង Rose Gold និងចេញលក់នៅក្នុងប្រទេសឥណ្ឌាជាមួយតម្លៃ 1,799 INR ៕
គួរបញ្ជាក់ផងដែរថា ថ្មីៗនេះ ក្រុមហ៊ុនផលិតស្មាតហ្វូនរបស់ប្រទេសហ្វាំងឡង់នេះ ក៏ទើបតែប្រកាសបង្ហាញនូវទូរស័ព្ទម៉ូឌែល Nokia 8210 4G សម្រាប់ទីផ្សារនេះផងដែរ ដែលម៉ូដែលនេះ ក៏ជាម៉ូដែល Feature Phone ជំនាន់ថ្មីដូចគ្នា។ ម៉ូដែលនេះ គឺមានតម្លៃ 3,999 INR ។
