ស្មាតហ្វូនថ្នាក់កណ្តាលជំនាន់ថ្មី Xiaomi 12 Lite បានបង្ហាញវត្តមានជាផ្លូវការលើទីផ្សារប្រទេសម៉ាឡេស៊ី និងហ្វីលីពីនហើយ

កាលពីខែមុននេះ ជឿជាក់ថា គ្រប់គ្នាប្រាកដជាបានឃើញនូវការបង្ហាញវត្តមានរបស់ស្មាតហ្វូនស៊េរីថ្មី Xiaomi 12 Lite នៅលើទីផ្សារតំបន់អឺរ៉ុបហើយនៅខែសីហានេះ ស្មាតហ្វូន Xiaomi 12 Lite ចាប់ផ្តើមមានវត្តមាននៅលើបណ្តាទីផ្សារតំបន់អាស៊ានហើយ។ នៅពេលនេះ ក្រុមហ៊ុន Xiaomi បានប្រកាសចេញនូវស្មាតហ្វូនថ្នាក់កណ្តាលជំនាន់ថ្មីឆ្នាំ 2022 ម៉ូដែល Xiaomi 12 Lite នេះ ប្រទេសធំៗរបស់តំបន់អាស៊ីអាគ្នេយ៌ហើយគឺប្រទេសហ្វីលីពីន និងប្រទេសម៉ាឡេស៊ី។

ស្មាតហ្វូន Xiaomi 12 Lite នឹងចាប់ផ្តើមចេញលក់នៅលើទីផ្សារប្រទេសម៉ាឡេស៊ី ជាមួយតម្លៃ RM 1699 (379 USD) សម្រាប់ទំហំ 8GB+128GB និងតម្លៃ RM 1899 (424 USD) សម្រាប់ទំហំ 8GB+256GB ខណៈដែលនៅលើទីផ្សារប្រទេសហ្វីលីពីនវិញ ស្មាតហ្វូន Xiaomi 12 Lite ត្រូវបានក្រុមហ៊ុនដាក់លក់ក្នុងតម្លៃ ₱ 20999 (374 USD) សម្រាប់ទំហំ 6GB+128GB និងតម្លៃ ₱ 21999 (392 USD) សម្រាប់ទំហំ 8GB+128GB។ ស្មាតហ្វូន Xiaomi 12 Lite នឹងចេញលក់ជាផ្លូវការណ៌នៅថ្ងៃទី 26 ខែសីហានេះហើយ។

នៅពេលនេះ សូមក្រឡេកមកមើលកម្លាំងម៉ាស៊ីនរបស់ Xiaomi 12 Lite វិញម្តង! ស្មាតហ្វូនលំដាប់ថវិកាជំនាន់ថ្មីនេះ គឺមានការបំពាក់មកជាមួយនូវបន្ទះឈីប Qualcomm Snapdragon 778G ដែលទ្រទ្រង់នូវDual-band 5G ថែមទៀតផង។ ស្មាតហ្វូននេះរត់នៅស្បែកកម្មវិធី MIUI 13 ដែលផ្អែកនៅលើប្រព័នប្រតិបត្តការ Android 12 ចេញពីប្រអប់តែម្តង។ និយាយពីថាមពលវិញ ស្មាតហ្វូននេះ មានថ្មទំហំ 4300mAh ទ្រទ្រង់ជាមួយម្លាំងសាក 67W fast wired charging រួមនិងបច្ចេកវិទ្យាសម្លេង Dolby Atmos dual speakers។

សម្រាប់ផ្នែកខាងមុខវិញ Xiaomi 12 Lite ត្រូវបានបំពាក់នូវអេក្រង់ប្រភេទ AMOLED មានទំហំ 6.55-អ៊ីង មានសមត្ថភាពរត់បានល្បឿន 120Hz refresh rate និងមានកម្រិតនៃប៉ះថាច់ 240Hz touch sampling rate ហើយនិងមានការទ្រទ្រេង់ជាមួយ AdaptiveSync, Dolby Vision និងមុខចាក់ពណ៌ HDR10+ ថែមទៀតផង។ ស្មាតហ្វូននេះមានកាមេរ៉ាក្រោយ 3 គ្រាប់ ដោយកាមេរ៉ាមេមានទំហំ 108P និងគ្រាប់ទីពីរមានទំហំ 8MP ultra-wide និងគ្រាប់ទីបី 2MP macro lens ហើសម្រាប់កាមេរ៉ាមុខវិញ គឺមានទំហំ 32MP។ 

ស្មាតហ្វូន Xiaomi 12 Lite គឺដាក់អោយមានការ Pre-Order ចាប់ពីថ្ងៃនេះហើយ នឹងមានចេញលក់ជាផ្លូវការនូវថ្ងៃទី 26 ខែសីហានេះ ជាមួយនិងជម្រើសពណ៌ Lite Green, Lite Pink និងពណ៌ Black។