ខណៈពេលដែលព្រឹត្តិការណ៍នៃការបង្ហាញស្មាតហ្វូន iPhone 14 គឺជិតឈានមកដល់ហើយនោះ មានពាក្យចចាមអារ៉ាមជាច្រើន ដែលទម្លាយនៅលើអនឡាញ ហើយក្នុងនោះ ក៏មានការទម្លាយព័ត៌មានចេញពីអ្នកវិភាគ Ming-Chi Kuo ផងដែរ។ ស្មាតហ្វូន iPhone 14 Pro និង 14 Pro Max នឹងមានសេនស័រកាមេរ៉ា ultra-wide ដែលមានកម្រិត 1.4µm pixels។ ការប្រើប្រាស់នូវសេនស័រនេះ ពិតជាល្អនៅក្នុងការថតរូបភាពច្បាស់ និងអាចថតកន្លែងដែលមានពន្លឺតិចបានយ៉ាងប្រសើរ។
សូមជំរាបថា ស្មាតហ្វូន iPhone 13 Pro គឺមានកម្រិត 1.0µm pixels ប៉ុណ្ណោះ នៅលើកាមេរ៉ា ultra-wide។ សម្រាប់ CMOS imaging sensor នេះ គឺមានការចូលរួមជាមួយនឹង voice coil motor (VCM) និង compact camera module ផងដែរ។ សម្រាប់សមាសភាគទាំងនេះ នឹងមានតម្លៃថ្លៃជាងមុនដល់ទៅ 70% បើធៀបជាមួយនឹងសេនស័រដែលប្រើប្រាស់នៅលើស្មាតហ្វូន iPhone 13 Pro។
លោក Ming-Chi Kuo ជឿជាក់ថា ក្រុមហ៊ុន Sony នឹងធ្វើការផ្គត់ផ្គង់ទៅលើសេនស័រ CMOS sensors នេះខណៈពេលដែលក្រុមហ៊ុន Minebea និង Largan គឺផ្គត់ផ្គង់ទៅលើ VCM ។ ក្រៅពីការប្រើប្រាស់នូវ ultra-wide module នេះ ស្មាតហ្វូន iPhone 14 Pro series នឹងមានកាមេរ៉ាគោលទំហំ 48MP ដែលប្រើប្រាស់នូវ 4-in-1 pixel binning។ សម្រាប់រូបភាពវិញ គឺមានពណ៌ច្បាស់ជាងមុន និងអាចថតរូបភាពនៅកន្លែងងងឹតបានយ៉ាងល្អ។ កាមេរ៉ាខាងមុខរបស់ស្មាតហ្វូន 14 Pro នេះក៏មានការអាប់ដេតជាមួយនឹងមុខងារ autofocus និង f/1.9 aperture ផងដែរ៕
