Sony Xperia 5 IV បង្ហាញខ្លួនជាមួយកាមេរ៉ាគោលទំហំ 12MP នឹងចេញលក់នៅក្នុងតម្លៃ 999 ដុល្លារ

ដូចអ្វីដែលបានគ្រោងទុក ក្រុមហ៊ុន Sony ពិតជាបានប្រកាសចេញជាផ្លូវការនូវស្មាតហ្វូន Xperia 5 IV ប្រាកដមែន។ ស្មាតហ្វូនប្រភេទ Compact Flagship ចុងក្រោយបំផុតរបស់ក្រុមហ៊ុនបច្ចេកវិទ្យាយក្សរបស់ជប៉ុនមួយនេះ ក៏ត្រូវបានគេដឹងថា មានការ upgrades ជាច្រើនដែលគួរអោយចាប់អារម្មណ៍ផងដែរ។ ស្មាតហ្វូនម៉ូឌែលថ្មីនេះមានថាមពលថ្មធំជាងមុន ការទ្រទ្រង់នូវបច្ចេកវិទ្យា wireless charging និងការពង្រឹងទៅលើកាមេរ៉ាផងដែរ។

ស្មាតហ្វូន Sony Xperia 5 IV នេះ មានអេក្រង់ទំហំ 6.1-អ៊ីង OLED ជាមួយនឹងកម្រិតភាពច្បាស់ 2520x1080 pixels (FHD+) និងកម្រិតអេក្រង់ 120Hz refresh rate ។ វាមានបន្ទះឈីប Qualcomm Snapdragon 8 Gen 1 SoC ជាមួយនឹងរ៉េមទំហំ 8GB និងម៉េមូរីទំហំ 128GB។ ស្មាតហ្វូននេះ ប្រើប្រាស់នូវប្រព័ន្ធប្រតិបត្តិការ Android 12 ហើយក៏មានបំពាក់នូវ  បច្ចេកវិទ្យា IP68 សម្រាប់ការពារធូលី និងទឹកផងដែរ។ ស្មាតហ្វូននេះការពារដោយកញ្ចក់  Corning Gorilla Glass Victus នៅផ្នែកខាងមុខ និងផ្នែកខាងក្រោយផងដែរ។

ស្មាតហ្វូននេះប្រើប្រាស់នូវ dual stereo speakers ជាមួយនឹង Dolby Atmos, Hi-Res Audio, DSEE Ultimate និង  360 Reality Audio ថែមទៀត។ វាក៏មានរន្ធដោត 3.5mm headphone jack និង MicroSD card slot ផងដែរ។ ស្មាតហ្វូននេះមានកាមេរ៉ា 3 គ្រាប់នៅខាងក្រោយដែលមានទំហំ 12MP ដែលប្រប្រាស់នូវ 24mm 1/1.7″ lens, ultra-wide 16mm 1/2.5″ lens និង 2.5x telephoto 60mm 1/3.5″ lens ។ កាមេរ៉ានេះទ្រទ្រង់នូវ 120fps readout, Real-time Eye AF និង Real-time tracking។ ស្មាតហ្វូន Sony Xperia 5 IV នេះមានថាមពលថ្មទំហំ 5,000mAh និងបច្ចេកវិទ្យា 30W USB PD fast charging និង  Qi wireless charging ថែមទៀតផង។ 

ស្មាតហ្វូននេះមាន 3 ពណ៌គឺ  Green, Black និង Ecru White ។ វាមានតែមួយទំហំប៉ុណ្ណោះគឺ 8GB+128GB។ ស្មាតហ្វូននេះមានតម្លៃ €1,049 និង $999 នៅអ៊ឺរ៉ុប និងសហរដ្ឋអាមេរិក។ ស្មាតហ្វូននេះ ចាប់ផ្តើមដាក់លក់នៅក្នុងអ៊ឺរ៉ុបចាប់ពីពាក់កណ្តាលខែកញ្ញា និងនៅសហរដ្ឋអាមេរិកនៅចុងខែតុលា៕