ថ្មីៗនេះ ក្រុមហ៊ុន Sony ត្រូវបានគេមើលឃើញថា បានប្រកាសចេញនូវស្មាតហ្វូនជំនាន់ថ្មីម៉ូដែល Xperia 5 IV ដែលជាស្មាតហ្វូនប្រភេទ Compact Flagship ដែលមានការបំពាក់នូវបច្ចេកវិទ្យាទំនើបខ្លាំងបំផុត។ នៅពេលនេះ មានលេចលឺដំណឹងថា ក្រុមហ៊ុនជប៉ុនមួយនេះ មានគម្រោងនឹងប្រកាសនូវផលិតផលថ្មីរបស់ខ្លួនថែមទៀតហើយ ដោយថែមទាំងបញ្ជាក់ថា នេះគឺជាផលិតផលថ្មី ដែលមានការផ្តោតទៅលើហ្គេមីងថែមទៀត។
ព័ត៌មានថ្មីនេះ ត្រូវបានប្រកាសចេញជាផ្លូវការដោយក្រុមហ៊ុនបច្ចេកវិទ្យាយក្សរបស់ជប៉ុននេះតែម្តង។ នៅក្នុងរបាយការណ៌នេះ បានបញ្ជាក់ថា ក្រុមហ៊ុន Sony នឹងធ្វើការប្រកាសចេញនូវផលិតផលថ្មីរបស់ Xperia ជាប្រភេទ Gaming product នៅថ្ងៃទី 12th ខែកញ្ញាឆ្នាំ 2022 ខាងមុខនេះហើយ។ សម្រាប់ការបង្ហាញនេះ គឺនឹងធ្វើឡើងតាមរយៈការផ្សាយផ្ទាល់តាមបណ្តាយYouTube ផ្លូវការរបស់ Sony Xperia វេលាម៉ោង 13:00 ម៉ោងនៅជប៉ុន។
ក្រុមហ៊ុននេះ បានបញ្ចេញនូវសារមួយឃ្លាថា #BornToGame នៅបណ្តាញសង្គម។ នៅលើ Twitter ក្រុមហ៊ុន Sony ក៏បានទម្លាយនូវព័ត៌មានជាមួយវីដេអូ ដែលបានសសេរពាក្យថា t “Born to Enjoy the Game Developed specifically for the use of professional gamers and streamers.” ហើយថែមទាំងមានការបន្ថែមថា “Were you born to game? Witness an evolution in player experiences for Sony’s Xperia” ថែមទៀតផង។ នៅពេលនេះ យើងបានត្រឹមតែដឹងតាមរយៈព័ត៌មាននេះតែប៉ុណ្ណោះ សម្រាប់ព័ត៌មានបន្ថែមទាក់ទងជាមួយផលិតផលថ្មីនេះ គឺមានតែរង់ចាំការបញ្ជាក់ពីក្រុមហ៊ុនេះតែប៉ុណ្ណោះ។