នៅថ្ងៃនេះ មានលេចចេញនូវព័ត៌មានស្មាតហ្វូនជំនាន់ថ្មីមួយទៀតរបស់ Huawei បង្ហាញខ្លួន នៅលើវិប សាយផ្លូវការណ៌ដោយម៉ូដែលនេះ គឺមានឈ្មោះថា Huawei Nova Y61 ដែលនេះ គឺជាប្រភេទស្មាតហ្វូន លំដាប់ថវិកា។ ស្មាតហ្វូននេះមានការឌីស្សាញរូបរាងជ្រុង និងទាំងមានការតម្លើងនូវម៉ូឌុលកាមេរ៉ាដូចគ្នា ជាមួយនិង iPhone ជំនាន់ថ្មីអញ្ចឹងដែរ។ ប៉ុន្តែសម្រាប់កាមេរ៉ាគោលដែលប្រើលើស្មាតហ្វូននេះ គឺមានទំហំ 50MP និងគ្រាប់ទីពីរមានទំហំ 2MP macro snapper ហើយនិងទីបីក៏មានទំហំ 2MP ដូចគ្នាតែជា depth sensor។ សម្រាប់កាមេរ៉ាមុខ គឺមានទំហំ 5MP front-facing។
ស្មាតហ្វូន Huawei Nova Y61 មានវិមាត្រ 164.28x75.8x8.94mm និងមានទម្ងន់ 188g ហើយនិងមានជម្រើស 3 ពណ៌ គឺSapphire Blue, Mint Green និង Midnight Black។ ក្រឡេកមកផ្នែងខាងមុខវិញ ស្មាតហ្វូននេះ មានអេក្រង់ទំហំ 6.52-អ៊ីង (LCD) មាន Resolution ទំហំ 1600x720pixels (HD+) និងមានការឌីស្សាញជាមួយរន្ធ Dewdrop notch។ ស្មាតហ្វូននេះ នឹងប្រើប្រាស់បន្ទះឈីប Octa-core CPU ប៉ុន្តែមិនទាន់បញ្ជាក់ឈ្មោះនៅឡើយទេ។ ស្មាតហ្វូន Nova Y61 នឹងមានទំហំ 6GB-64GB សម្រាប់ទីផ្សារអាស៊ាន ខណៈដែលទីផ្សារផ្សេង គឺមានទំហំ 4GB-64GB។
ស្មាតហ្វូន Huawei Nova Y61 ប្រើប្រាស់នូវ Dual SIM និង Single-band WiFi, 4G, Bluetooth 5.1, ហើយនិង GNSS។ នៅក្នុងនោះក៏មានរន្ធ 3.5mm headphone jack និង USB Type-C port (USB 2.0) ថែមទៀត។ ស្មាតហ្វូននេះរត់ជាមួយស្បែកកម្មវិធី EMUI 12 ជាមួយនិង Huawei Mobile Services (HMS)។ ស្មាតហ្វូននេះ មានថ្មទំហំ 5,000mAh និងមានកម្លាំងសាក 22.5W fast wired charging
