គិតមកទល់នឹងពេលនេះនៅសល់រយៈពេលជាង 2 ខែទៀត គឺដល់ពេលដែលស្មាតហ្វូន Galaxy S23 បានប្រកាសចេញខ្លួនជាផ្លូវការហើយ។ ក្រុមហ៊ុន Samsung ត្រូវគេរំពឹងថា នឹងបង្ហាញនូវស្មាតហ្វូន Flagship ជំនាន់ថ្មី របស់ខ្លួននៅក្នុងខែមករាឆ្នាំ 2023 នេះ។ នៅមុនការប្រកាសជាផ្លូវការនេះ លក្ខណៈសម្បត្តិរបស់ស្មាតហ្វូននេះ ក៏ត្រូវបែកធ្លាយផងដែរ។ នៅពេលនេះ លក្ខណៈសម្បត្តិរបស់ស្មាតហ្វូន Galaxy S23 Ultra ក៏ត្រូវបានបញ្ជាក់ផងដែរ។
បើតាមការបញ្ជាក់របស់អ្នកទម្លាយ Yogesh Brar នោះ បានអោយដឹងថា ស្មាតហ្វូនស៊េរីថ្មី Galaxy S23 Ultra នេះ នឹងមានកាមេរ៉ាគោលទំហំ 200MP និងគ្រាប់ទីពីរមានទំហំ 12MP ultra-wide និងគ្រាប់ទីបីមានទំហំ 10MP telephoto ដែលគាំទ្រជាមួយនឹង 3x optical zoom ខណៈដែលគ្រាប់ទីបួនមានទំហំ 10MP telephoto និងមានការទ្រទ្រង់ជាមួយនឹង 10x optical zoom ផងដែរ។ របាយការណ៍មុននេះ បានបញ្ជាក់ថា កាមេរ៉ា ultra-wide និង telephoto នឹងមានការពង្រឹងកាន់តែប្រសើរផងដែរ។
យោងតាមរបាយការណ៍ជាច្រើនទៀតក៏បានអះអាងថា កាមេរ៉ាគោលនៅលើស្មាតហ្វូន Galaxy S23 Ultra នេះ អាចនឹងប្រើប្រាស់នូវ sensor-shift OIS ដែលស្រដៀងគ្នាទៅនឹងស្មាតហ្វូន iPhone 13 Pro និង iPhone 14 Pro អញ្ចឹងដែរ។ យើងអាចរំពឺងថា នឹងមានការពង្រឹងរូបភាព និងវីដេអូកាន់តែប្រសើរជាងមុននៅក្នុងលក្ខខណ្ឌពន្លឺអេក្រង់ទាប និងកាមេរ៉ាខាងមុខទំហំ 40MP។ សម្រាប់ស្មាតហ្វូន Galaxy S23 និង Galaxy S23+ នឹងមានការពង្រឹងកាមេរ៉ាខាងមុខដល់ទៅ 12MP Sensor និង OIS ផងដែរ៕
