នៅថ្ងៃនេះ ក្រុមហ៊ុន vivo បានប្រកាសចេញនូវជម្រើសពណ៌ថ្មីមួយទៀតសម្រាប់ថេប្លេតរនស់ខ្លួន។ ថេប្លេត vivo Pad នឹងបង្ហាញវត្តមានជាមួយនិងជម្រើសពណ៌ស្វាយ ហើយនិងអាចចេញលក់នៅលើទីផ្សារនៅក្នុងខែនេះផងដែរ។ ក្រុមហ៊ុននេះ បានទម្លាយចេញនូវ Poster ថ្មីរបស់ខ្លួន ដែលមានការឌីស្សាញថេប្លេតថ្មីនេះជាមួយនិងពណ៌ស្វាយផងដែរ។ បើយើងមើលទៅលើរូបភាពថ្មីនេះ ឃើញថាថេប្លេតនេះ មានពណ៌ស្វាយ ដែលដូចគ្នាជាមួយនិងពណ៌ Lavender អញ្ចឹងដែរ។។
តួទាំងមូលនៃថេប្លេតនេះ គឺមានការឌីស្សាញពីលោហធាតុ ដែលមានការរំលេចចេញនូវពណ៌នៅខ្នងខាងtក្រោយ។ Vivo Pad គឺជាថេប្លេតថ្នាក់ប្រណិតរបស់ក្រុមហ៊ុនដែលបានបង្ហាញវត្តមានកាលពីដើមឆ្នាំនេះ ដែលមានមការបំពាក់នូវមុខងារ ក៏ដូចជាបច្ចេកវិទ្យា ហើយនិងថាមពលខ្លាំងថែមទៀតផង។ ថេប្លេតនេះ មានអេក្រង់ទំហំ 11 អ៊ីង បង្ហាញចេញបានកម្រិត 2.5K ល្បឿន 120Hz refresh rate។
សម្រាប់កម្លាំងម៉ាស៊ីនថេប្លេតនេះ គឺដំណើរការនៅលើបន្ទះឈីប Snapdragon 870 SoC និងមានថ្មទំហំ 8,040mAh គាទ្រកម្លាំងសាក 44W fast charging។ ថេប្លេតនេះមានឧបាល័រដល់ទៅ 4 គ្រាប់។ សម្រាប់ខ្នងក្រោយរបស់ថេប្លេតនេះ គឺមានការតម្លើងមកជាមួយកាមេរ៉ា 2 គ្រាប់ ដែលមានទំហំ 13-Megapixel និងគ្រាប់ទីពីរមានទំហំ 8-Megapixel wide angle។ ថេប្លេតនេះកម្រ៉ាស់ស្តើង 6.55mm និងមានទម្ងន់ស្រាលត្រឹម 489 grams ប៉ុណ្ណោះ។ ថេប្លេតពណ៌ថ្មីនេះ នឹងប្រកាសចេញនៅថ្ងៃទី 22 ខែវិច្ឆិកានេះហើយ ស្របពេលដែលស្មាតហ្វូន X90 series ក៏នឹងមានវត្តមានឆាប់ៗនេះដែរ។
