ក្រុមហ៊ុន iQOO ទើបតែប្រកាសចេញនូវស្មាតហ្វូន iQOO 11 Series នៅក្នុងប្រទេសចិននៅថ្ងៃនេះ។ ស្មាតហ្វូននេះមានលក្ខណៈសម្បត្តិខ្លាំងក្លាជាច្រើនដែលមានកម្រិត refresh rate ខ្ពស់ បន្ទះឈីប Snapdragon 8 Gen 2 SoC និងបច្ចេកវិទ្យាសាកថ្មលឿនថែមទៀត។ ក្រុមហ៊ុនបុត្រសម្ព័ន្ធរបស់ក្រុមហ៊ុន Vivo នេះក៏ទើបតែប្រកាសបង្ហាញនូវស្មាតហ្វូន iQOO Neo 7 SE ដូចអ្វីដែលបានរំពឹងទុក។
ស្មាតហ្វូននេះនឹងដាក់លក់ននៅក្នុងទីផ្សាររបស់ប្រទេសចិនផងដែរ។ នេះគឺជាស្មាតហ្វូនថ្នាក់កណ្តាលដ៏ខ្លាំងក្លា។ ស្មាតហ្វូន iQOO Neo 7SE នេះមានអេក្រង់ 6.78-អ៊ីងប្រភេទកញ្ចក់ AMOLED មានរន្ធនៅចំកណ្តាល និងអាចបង្ហាញចេញជាមួយនឹងកម្រិតភាពច្បាស់ FHD+ និងអេក្រង់ 120Hz refresh rate ។ ស្មាតហ្វូននេះមានគែម bezels ស្តើង ការទ្រទ្រង់នូវ HDR និងប្រព័ន្ធស្កេនក្រយ៉ៅដៃក្រោមអេក្រង់។ ផ្នែកខាងក្រោយនៃស្មាតហ្វូននេះ ក៏មានកាមេរ៉ា island ផងដែរ។
ស្មាតហ្វូន iQOO Neo 7SE នេះមានកាមេរ៉ាខាងក្រោយ 3 គ្រាប់ ដែលកាមេរ៉ាមេមានទំហំ 64MP main sensor, 2MP macro unit និង 2MP depth។ ស្មាតហ្វូននេះ មានកាមេរ៉ាខាងមុខទំហំ 16MP។ ស្មាតហ្វូន iQOO Neo 7SE នេះមានបន្ទះឈីប MediaTek’s Dimensity 8200 អមដំណើរដោយរ៉េមទំហំ 12GB LPDDR5 និងមានម៉េមូរីទំហំ 512GB។ ស្មាតហ្វូននេះមានថាមពលថ្មទំហំ 5,000mAh និងបច្ចេកវិទ្យា 120W fast charging។ ស្មាតហ្វូននេះ ប្រើប្រាស់នូវ Android 13 និង Origin OS 3.0។
iQOO Neo 7SE មានមុខងារថ្មីៗជាច្រើមដូចជា WiFi, Bluetooth 5.2, 5G, NFC, GPS និង USB-C port ជាដើម។ ស្មាតហ្វូន iQOO Neo 7SE នេះមានពណ៌ Electronic Blue, Interstellar Black និង Blue ។ ស្មាតហ្វូននេះមានតម្លៃ RMB 2,099 (~$301) សម្រាប់ទំហំ 8GB+128GB ខណៈពេលដែលទំហំ 8GB+256GB, 12GB+256GB, 16GB+256GB និង 12GB+512GB មានតម្លៃ RMB 2,299 (~$329), RMB 2,499 (~$358), RMB 2,799 (~$401) និង RMB 2,899 (~$415) ៕
