ជាមួយនិងការប្រកាសវត្តមានជាផ្លូវការណ៌របស់ស្មាតហ្វូនស៊េរីថ្មី Xiaomi 13 series គឺកាន់តែកៀកហើយបើទោះបីជាមានការពន្យាពេលមួយរយៈក៏ដោយ។ នៅថ្ងៃនេះ មានព័ត៌មានថ្មីថា ក្រុមហ៊ុនស្មាតហ្វូនរបស់ចិនមួយនេះ បាបចាប់ផ្តើមធ្វើការផ្តល់នូវការកក់ទុកមុនសម្រាប់ស្មាតហ្វូននេះហើយ ដែលការកក់នេះ នឹងធ្វើឡើងនៅតាមហាងអនឡាញធំៗមួយចំនួនដូចជា Xiaomi Mall, Tmall និង even JD.com ជាដើម។ ជាមួយនិងការកក់ទុកមុននេះ ហ្វេនៗតម្រូវអោយកក់ទឹកប្រាក់មួយចំនួនផងដែរ។
សូមជំរាបថា ក្រុមហ៊ុនផលិតស្មាតហ្វូនដ៏ធំរបស់ប្រទេសចិនមួយនេះ បានធ្វើការកំណត់នូវកាលបរិច្ឆេតនៃការប្រកាសសម្ពោធជាផ្លូវកាណ៌សម្រាប់ស្មាតហ្វូននេះ នៅក្នុងខែនេះហើយ។ ប៉ុន្តែរហូតមកដល់ពេលនេះ ក្រុមហ៊ុនេះ នៅមិនទាន់បញ្ជាក់ពីពេលវេលាពិតប្រាកដនៅឡើយទេ។ យ៉ាងណាមិញ បើទោះបីជាមិនមានការបញ្ជាក់ច្បាស់ក៏ដោយ ក៏ស្មាតហ្វូននេះ ត្រូវបានក្រុមហ៊ុនដាក់អោយមានការ pre-orders នៅលើវិបសាយរបស់ក្រុមហ៊ុននៅក្នុងប្រទេសចិនរួចហើយ។សម្រាប់ទឹកប្រាក់ទៅលើការកក់មុននេះ គឺមានចំនួន 999 យ៉ន់ ដែលប្រហែលជា 142 ដុល្លារ សម្រាប់ស្មាតហ្វូន Xiaomi 13 Pro។
Xiaomi 13 Series ត្រូវបានក្រុមហ៊ុននេះបញ្ជាក់ច្បាស់ហើយថា នឹងមានការបង្ហាញវត្តមានជាមួយនិងបន្ទះឈីបជំនាន់ថ្មី Qualcomm Snapdragon 8 Gen 2 SoC ហើយស្មាតហ្វូននេះ ក៏ត្រូវបានគេរំពឹងថា នឹងក្លាយជាម៉ូដែលដំបូងគេដែលប្រើប្រាស់ឈីបនេះដែរ ប៉ុន្តែដោយសារតែការពន្យាពេលជាបន្តបន្ទាប់នោះ បានធ្វើអោយស្មាតហ្វូន Vivo X90 Pro+ ក្លាយជាម៉ូដែលដំបូងគេបំផុតនៅលើពិភពលោកដែលបង្ហាញវត្តមានជាមួយនិងបន្ទៈឈីបនេះវិញ។
